ព័ត៌មានជាតិ
ប្រឡងឌីប្លូមព្រឹកថ្ងៃទី ២ មណ្ឌលភ្នំពេញមានបេក្ខជនចូលរួមប្រឡង ជាង ១ ម៉ឺន ៨ ពាន់នាក់
ការប្រឡងសញ្ញាបត្រមធ្យមសិក្សាបឋមភូមិ ឬ ឌីប្លូម នៅព្រឹកថ្ងៃទី ២ នេះ មានបេក្ខជនចូលរួមប្រឡងចំនួន ១៨ ៣១៣ នាក់ ស្រី ៩ ៧០០ នាក់ ក្នុងចំណោមបេក្ខជនដាក់ពាក្យចំនួន ១៨ ៥២២ នាក់ ស្រី ០ ៧៩៥ នាក់ មាន ៦៨ មណ្ឌល ចែកជា ៧៧៧ បន្ទប់។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញ បានឱ្យដឹងនៅព្រឹកថ្ងៃទី ០៣ កញ្ញា នេះថា សម្រាប់ការប្រឡងឌីប្លូមនៅព្រឹកថ្ងៃទី ២ នេះ មានបេក្ខជនអវត្តមានចំនួន ៥ នាក់ ថយចុះជាងព្រឹកថ្ងៃទី ១ ដែលមានរហូតដល់ទៅ ២០៤ នាក់ ស្រី ៩៥ នាក់។ លោកប្រធានមន្ទីរ បានបន្តថា ចំពោះបេក្ខជនដែលអវត្តមានមិនមកប្រឡងនៅព្រឹកនេះ នឹងធ្លាក់ដោយស្វ័យប្រវត្តិ។
លោកប្រធានមន្ទីរ បានបន្តទៀតថា ដំណើរការប្រឡងព្រឹកនេះបានប្រព្រឹត្តិទៅលក្ខណៈល្អប្រសើរ និងមានសភាពស្ងប់ស្ងាត់អនុវត្តបានត្រឹមត្រូវតាមការណែនាំរបស់ក្រសួងអប់រំ យុវជន និងកីឡា។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានមានប្រសាសន៍ថា សម្រាប់ដំណើរការប្រឡងសញ្ញាបត្រមធ្យមសិក្សាបឋមភូមិ ឬឌីប្លូមនៅឆ្នាំនេះ បានប្រព្រឹត្តិទៅដោយរលូនដោយមិនមានភាពមិនប្រក្រតីណាមួយកើតឡើងគួរឱ្យតត់សម្គាល់នោះទេ ដោយបេក្ខជនប្រឡងបានយល់ដឹងពីគោលការណ៍នៃការប្រឡង និងគោរពវិន័យបានល្អ ហើយមិនត្រឹមតែប៉ុណ្ណោះបានបង្ហាញពីការផ្លាស់ប្តូរអាកប្បកិរិយាបានល្អដោយមិនមាននាំយកចម្លើយវិញ្ញាសា ទូរស័ព្ទ ឬប្រ៊ុយយ៉ុងចូលក្នុងមណ្ឌលប្រឡងឡើយ។
គួរបញ្ជាក់ថា សម្រាប់ការប្រឡងសញ្ញាបត្រមធ្យមសិក្សាបឋមភូមិនៅឆ្នាំនេះប្រព្រឹត្តិនាថ្ងៃទី ២ ខែកញ្ញា ឆ្នាំ ២០២៤ និងប្រកាសលទ្ធផលប្រឡងនៅថ្ងៃទី ៩ កញ្ញា ដោយមានបេក្ខជនដាក់ពាក្យប្រឡងចំនួន ២០១ ៧១២ នាក់ ស្រី ១០៧ ៨០៦ នាក់ ចែកជា ២ ០៩៦ មណ្ឌល ទាំងរដ្ឋ និងឯកជនក្នុងនោះមានបេក្ខជនស្វៃរិន និងបំពេញវិជ្ជាចំនួន ៩០២ នាក់ បេក្ខជនគថ្លង់ ២៩ នាក់ និងបេក្ខជនពិការភ្នែក ១៣ នាក់ និងមានបេក្ខជនមកពីគ្រឹះស្ថានឯកជនចំនួន ១៦ ៨៤៧ នាក់ ស្រី ៨ ៥៥៥ នាក់ ដែលមានមណ្ឌលប្រឡងចំនួន ៣១៨ មណ្ឌល។
លោកស្រី បានបន្តថា តួលេខនេះបើធៀបទៅនឹងប្រឡងឆ្នាំមុនឃើញថា មានការកើនឡើង ២៣ ៥៧៨ នាក់ ដោយឆ្នាំមុនមានបេក្ខជនចូលរួមប្រឡងចំនួន ១៧៨ ១៣៤ នាក់ ស្រី ៩៤ ៨០៥ នាក់ ក្នុងនោះមានបេក្ខជនស្វៃរិនមានចំនួន ១០ នាក់ បេក្ខជនបំពេញវិជ្ជាចំនួន ៧២៨ នាក់ បេក្ខជនគថ្លង់ចំនួន ២៧ នាក់ និងបេក្ខជនពិការភ្នែកចំនួន ២២ នាក់ ដោយមានមណ្ឌលប្រឡងចំនួន ១ ៧៤៣ មណ្ឌល៕
អត្ថបទ ៖ សំអឿន
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ