ព័ត៌មានជាតិ
កងកម្លាំងយោធា១១៩នាក់ ខេត្តកោះកុង បានយល់ដឹងពីគោលការណ៍គ្រឹះ និងច្បាប់មនុស្សធម៌អន្តរជាតិ
កោះកុង ៖ កងកម្លាំងយោធានៅតំបន់ប្រតិបត្តិការសឹករងខេត្តកោះកុងចំនួន១១៩នាក់ បានយល់ដឹងអំពីគោលការណ៍គ្រឹះទូទៅ និងច្បាប់មនុស្សធម៌អន្តរជាតិ តាមរយៈការចែករំលែកចំណេះដឹងពីប្រធានការិយាល័យផ្សព្វផ្សាយកាកបាទក្រហមកម្ពុជា។
លោក គង់វង្ស សីហ៍វិសាល ប្រធានការិយាល័យផ្សព្វផ្សាយ កាកបាទក្រហមកម្ពុជា និងគណៈកម្មាធិការអន្តរជាតិកាកបាទក្រហមប្រចាំកម្ពុជា គូសបញ្ជាក់នៅថ្ងៃទី៣ ខែកញ្ញា ឆ្នាំ២០២៤ថា ការផ្សព្វផ្សាយពីប្រវត្តិចលនាកាកបាទក្រហម និងអឌ្ឍចន្ទក្រហម គោលការណ៍គ្រឹះ និងច្បាប់មនុស្សធម៌អន្តរជាតិនៅពេលនេះ ចង់ផ្តល់ចំណេះដឹងកាន់តែស៊ីជម្រៅដល់យោធា ដើម្បីទទួលពុទ្ធិ និងត្រៀមជួយសង្គ្រោះពលរដ្ឋទាន់ពេលវេលា។
លោក គង់វង្ស សីហ៍វិសាល បន្ថែមថា ខ្លឹមសារៈសំខាន់ដែលលោកចង់បង្ហាញដល់យោធាខេត្តកោះកុង គឺទី១-ប្រវត្តិចលនាអន្តរជាតិនៃកាកបាទក្រហម និងអឌ្ឍចន្ទក្រហម ទី២-សមាសភាគរបស់ចលនាអន្តរជាតិ កាកបាទក្រហម និងអឌ្ឍចន្ទក្រហម ទី៣- លក្ខណៈវិនិច្ឆ័យ១០យ៉ាងនៃការទទួលស្គាល់សមាគមជាតិ ទី៤- គោលការណ៍គ្រឹះ ៧ប្រការ របស់អន្តរជាតិ កាកបាទក្រហម និងអឌ្ឍចន្ទក្រហម ទី៥-បដិរូបនៃភាពមនុស្សធម៌ ទី៦- ព្រះរាជក្រឹត្យស្តីពីការប្រើប្រាស់ និងការការពារ បដិរូបកាបាទក្រហម និងអឌ្ឍចន្ទក្រហមទី៧- ប្រវត្តិកំណើតកាកបាទក្រហមកម្ពុជា និងទី៨- មូលដ្ឋានច្បាប់មនុស្សធម៌អន្តរជាតិ។
លោកប្រធានការិយាល័យផ្សព្វផ្សាយ កាកបាទក្រហមកម្ពុជា ក៏ពន្យល់ដែរថា នៅពេលកងកម្លាំងយោធាមានការយល់ដឹងហើយ ពួកគាត់នឹងចូលរួមជាមួយកាកបាទក្រហមកម្ពុជាកាន់តែសកម្ម។ ក្នុងន័យនេះមិនពីមុនមកពួកគាត់មិនយល់ដឹងទេ ប៉ុន្តែនៅមានកម្រិតមិនទាន់ស៊ីជម្រៅអំពីស្ថាប័នមនុស្សធម៌។
លោកឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងខេត្តកោះកុង បានសម្តែងការអរគុណចំពោះមន្ត្រីជំនាញនៅកាកបាទក្រហមកម្ពុជាដែលចំណាយពេលវេលាមានតម្លៃមកផ្តល់ចំណេះដឹងដល់កងកម្លាំងយោធានរបស់លោកនៅថ្ងៃនេះ។
លោក ជួន សុភ័ក្រ ជឿជាក់មុតមាំថា នាយទាហាន នាយទាហានរង និងពលទាហានរបស់លោក នឹងប្រឹងប្រែងស្វែងយល់ដឹងឱ្យកាន់តែច្បាស់ពីមេរៀនសំខាន់ៗពីច្បាប់មនុស្សធម៌អន្តរជាតិ ក៏ដូចជាការជួយសង្គ្រោះជនរងគ្រោះមហន្តរាយផ្សេងៗបានទាន់ពេលវេលា និងប្រសិទ្ធភាពខ្ពស់។
បច្ចុប្បន្ន កាកបាទក្រហមកម្ពុជា បានយកចិត្តទុកដាក់ និងគិតគូរដល់ការជួយសង្គ្រោះប្រជាពលរដ្ឋរងគ្រោះ ដោយគ្រោះមហន្តរាយ ពលរដ្ឋទីទាល់ក្រ ជនចាស់ជរាគ្មានទីពឹង ស្ត្រីមេម៉ាយ កុមារកំព្រារ អ្នកផ្ទុកមេរោគអេដស៍ ស្ត្រីមានផ្ទៃពោះ និងស្ត្រីទើបសម្រាលកូនរួច ដោយមិនប្រកាន់នូវពូជសាសន៍ ពណ៌សម្បុរ ជំនឿ សាសនា ឬនិន្នាការនយោបាយឡើយ៕
អត្ថបទ ៖ សិរីវឌ្ឍនៈ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?