នាយឧត្តមសេនីយ៍ វង្ស ពិសេន ទៅចូលរួមកិច្ចប្រជុំអគ្គមេបញ្ជាការកងទ័ពអាស៊ាន នៅឡាវ

នាយឧត្តមសេនីយ៍ វង្ស ពិសេន អគ្គមេបញ្ជាការកងយោធពលខេមរភូមិន្ទ អញ្ជើញចូលរួមកិច្ចប្រជុំអគ្គមេបញ្ជាការកងទ័ពអាស៊ាន លើកទី ២១ នៅទីក្រុងវៀងច័ន្ទន៍ ប្រទេសឡាវ។ លោកនាយឧត្តមសេនីយ៍ បានដឹកនាំគណៈប្រតិភូចាកចេញពីកម្ពុជា ទៅកាន់ប្រទេសឡាវ កាលពីល្ងាចថ្ងៃទី៣ ខែកញ្ញា ឆ្នាំ២០២៤។

កិច្ចប្រជុំអគ្គមេបញ្ជាការកងទ័ពអាស៊ានលើកទី២១ នឹងប្រព្រឹត្តទៅរយៈពេល​៣ថ្ងៃ ចាប់ពីថ្ងៃទី០៤ ដល់ថ្ងៃទី០៦ ខែកញ្ញា ឆ្នាំ២០២៤ ក្រោមមូលបទ«អាស៊ានរួមគ្នាដើម្បីសន្តិភាព សន្តិសុខ និងភាពធន» ក្នុងអត្ថន័យជំរុញការលើកកម្ពស់ស្មារតីនៃកិច្ចខិតខំរបស់រដ្ឋសមាជិកអាស៊ាន ទាក់ទងនឹងសារៈសំខាន់ការបន្តកិច្ចសហប្រតិបត្តិការពង្រឹងពង្រីកតួនាទី ក៏ដូចជាមជ្ឈភាពនៃសហគមន៍អាស៊ាន៕