ព័ត៌មានជាតិ
ឆ្នាំ ២០២៥ កម្ពុជា ដាក់ផែនការសម្រេចគោលដៅគ្មានថង់ប្លាស្ទិកហើរតាមដងផ្លូវ
តាមរយៈក្រសួងបរិស្ថាន កម្ពុជាបានដាក់ផែនការឈានសម្រេចគោលដៅគ្មានថង់ប្លាស្ទិកហើរតាមផ្លូវ ដើម្បីចូលរួមថែរក្សាបរិស្ថានឆ្លើយតបការប្រែប្រួលអាកាសធាតុ។
នៅចំពោះមុខលោក Zaheeruddin Babar Thaheem ឯកអគ្គរដ្ឋទូតនៃសាធារណរដ្ឋឥស្លាមប៉ាគីស្ថានប្រចាំនៅកម្ពុជា លោក អ៊ាង សុផល្លែត រដ្ឋមន្រ្តីក្រសួងបរិស្ថានបានថ្លែងថា នៅឆ្នាំ២០២៥ ខាងមុខ កម្ពុជានឹងអាចសម្រេចបានគោលដៅគ្មានថង់ប្លាស្ទិកហើរតាមដងផ្លូវ។
តាមរយៈយុទ្ធនាការកាត់បន្ថយការប្រើប្រាស់ប្លាស្ទិក ក្រសួងបរិស្ថានបើកយុទ្ធនាការ «កម្ពុជាស្អាត ខ្មែរធ្វើបាន» ប្រមូលសម្អាតសំរាម សំណល់ប្លាស្ទិក នៅតាមមូលដ្ឋាន និងនៅទីសាធារណៈនានា។ ក្រៅពីភាពស្អាត កម្ពុជានឹងបន្ថែមនូវភាពបៃតង តាមរយៈការដាំដើមឈើឱ្យបានច្រើន ដើម្បីឆ្លើយតបនឹងយុទ្ធសាស្រ្តជាតិក្នុងទិសដៅពង្រីកវិសាលភាពគម្របព្រៃឈើឲ្យបាន ៦០% នៅឆ្នាំ២០៥០។ លោក អ៊ាង សុផល្លែត បញ្ជាក់។
នៅក្នុងកម្មវិធីបូកសរុបលទ្ធផលការងាររយៈពេល ១ ឆ្នាំនៃនីតិកាលទី ៧ របស់រដ្ឋាភិបាល រដ្ឋមន្រ្តីក្រសួងបរិស្ថានក៏បានប្រកាសពីការរៀបចំកម្មវិធីប្រកួតប្រជែងការគ្រប់គ្រងគ្មានសំណង់បាស្ទិកនៅតាមដងផ្លូវជាតិនានា ដោយសហការជាមួយអាជ្ញាធរមូលដ្ឋានទាំង ២៥ ខេត្តក្រុង ដើម្បីបំផុសចលនាគាំពារបរិស្ថានដោយមិនចោលសំណល់បាស្ទិកនៅតាមដងផ្លូវពាសវាលពាសកាល។
អាជ្ញាធរខេត្តដែលគ្រប់គ្រងការចោលសំរាមតាមដងផ្លូវជាតិបានល្អនឹងប្រកាសជាជយលាភី រួមទាំងទទួលបានរង្វាន់ផងដែរ។
បើតាមលោករដ្ឋមន្រ្តី យុទ្ធនាការកាត់បន្ថយការប្រើប្រាស់ប្លាស្ទិក «ថ្ងៃនេះ ខ្ញុំមិនប្រើថង់ប្លាស្ទិកទេ» បច្ចុប្បន្ននេះមានពលរដ្ឋកម្ពុជាចូលរួមជាង ៨,៥លាននាក់៕
-
សេដ្ឋកិច្ច៦ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ១ សប្តាហ៍ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៦ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៧ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សេចក្ដីជូនដំណឹង២២ ម៉ោង ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
ព័ត៌មានជាតិ៤ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
សេចក្ដីជូនដំណឹង១ សប្តាហ៍ ago
បុគ្គលិក គ្រួសារ Galaxy Navatra Group ជាង 3.000 នាក់បរិច្ចាគម្នាក់ 5ពាន់រៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»