ព័ត៌មានជាតិ

អ្នកនាំពាក្យស្នងការក្រុងបដិសេធថា មិនទាន់ទទួលបានព័ត៌មានពីស្នងការរងក្រុងម្នាក់ឆ្លងកូវីដ១៩នៅឡើយទេ

បានផុស

៤ years មុន

នៅ

ថ្ងៃអាទិត្យ ៧ មីនា ២០២១

ដោយ

លោក វរសេនីយ៍ឯក សាន សុខសីហា អ្នកនាំពាក្យស្នងការរងដ្ឋានរាជធានីភ្នំពេញ បានឲ្យដឹងនៅព្រឹកថ្ងៃនេះថា រហូតមកដល់ពេលនេះ លោកនៅមិនទាន់បានទទួលព័ត៌មានទាក់ទិននឹងលោកសែម គន្ធា ស្នងការរងរាជធានីភ្នំពេញ ទទួលបន្ទុកប្រធានការិយាលល័យផែនការិយាល័យចរាចរណ៍ ឆ្លងជំងឺកូវីដ១៩នៅឡើយទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សាន សុខសីហាបានបន្តថា«ខ្ញុំបានបានដឹងរឿងនេះទេ ខ្ញុំក៏ទទួលបានព័ត៌មាននេះដែរ តែជាក់ស្តែងខ្ញុំនៅមិនទាន់ទទួលបានព័ត៌មាននេះ ជាផ្លូវការនៅឡើយទេ»។

ព័ត៌មានទាក់ទងនឹង លោក សែម គន្ធា មានឆ្លងជំងឺកូវីដ១៩នេះ ត្រូវបានផ្សព្វផ្សាយនិងចែកចាយតៗគ្នានៅតាមបណ្តាញហ្វេកប៊ុក ដែលធ្វើឲ្យមានការភ្ញាក់ផ្អើលយ៉ាងខ្លាំង។

តាមរយៈសារជាសំឡេងនៅតាមហ្វេកប៊ុកបានលើកឡើងថា លោក សែម គន្ធា ស្នងការរងរាជធានីភ្នំពេញ ទទួលផែនចរាចរណ៍បានឆ្លងកូវីដ១៩កាលពីម្សិលមិញ។ ប្រភពបានបន្តថា គាត់មានអាការៈមិនស្រួលខ្លួនតាំងពីថ្ងៃទី២៥ ខែកុម្ភៈមកម្ល៉េះហើយដល់ថ្ងៃ២៧កុម្ភៈ បានចូលពេទ្យហើយបានរកឃើញមានកូវីដ១៩ ដោយមានការពាក់ព័ន្ធច្រើនពិសេសប៉ូលិសចរាចរណ៍និងក្រុមយុវជនស.ស.យ.កខេត្តព្រៃវែង។ ដូចនេះ អ្នកដែលពាក់ព័ន្ធសូមនាំគ្នាទៅមើលកំហាកជាបន្ទាន់៕

អត្ថបទ៖ សំអឿន

សូមចុចអាន៖ ថ្ងៃនេះ រកឃើញអ្នកឆ្លងកូវីដ-១៩ ចំនួន៣៤នាក់