ព័ត៌មានជាតិ

ពលរដ្ឋសំណូមពរអាជ្ញាធរពិនិត្យក្បាលនាគពុះចែកទ្រូងផ្លូវចុះក្រោមដីស្ពានអាកាសស្ទឹងមានជ័យ មិនមានស្លាកសម្គាល់

បានផុស

៧ ខែ មុន

នៅ

ថ្ងៃពុធ ៤ កញ្ញា ២០២៤

ដោយ

ក្បាលនាគពុះចែកទ្រូងផ្លូវ ចុះក្រោមដី ស្ពានអាកាសស្ទឹងមានជ័យ មិនមានស្លាកសញ្ញា ឬក៏ចំណាំងសម្រាប់សម្គាល់ ប្រជាពលរដ្ឋសំណូមពរអាជ្ញាធរជំនាញ ជួយពិនិត្យមើល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងចំណុចក្បាលនាគពុះចែកទ្រូងផ្លូវនេះ ស្ថិតនៅជិតវត្តស្ទឹងមានជ័យ តាមបណ្ដោយផ្លូវ ២១៧ បែងចែកផ្លូវ ចុះក្រោមដីស្ពានអាកាសស្ទឹងមានជ័យ សង្កាត់ស្ទឹងមានជ័យទី ០១ ខណ្ឌមានជ័យ រាជធានីភ្នំពេញ។

តាមការបញ្ជាក់ពី លោក រតនៈ ដែលជាប្រជាពលរដ្ឋរស់នៅក្បែរគល់ស្ពាន បានឲ្យដឹងថា ចំណុចក្បាលនាគពុះចែកទ្រូងផ្លូវនេះ ធ្លាប់មានស្លាកសញ្ញាសម្គាល់ដែរ ប៉ុន្តែកន្លងទៅថ្មីៗ នេះ បែរជាបាត់ដោយមិនដឹងមូលហេតុ។

ក្នុងនាមជាប្រជាពលរដ្ឋ លោក រតនៈ ក៏បានសំណូមពរដល់អាជ្ញាធរពាក់ព័ន្ធមេត្តាជួយត្រួតពិនិត្យចំណុចគល់ស្ពានស្ទឹងមានជ័យផង ព្រោះថាចំណុចនេះ មិនមានស្លាកសញ្ញាសម្គាល់ ឬក៏ចំណាំងអ្វីសោះ ជាហេតុធ្វើឲ្យនៅពេលយប់ពិបាកទៅដល់អ្នកបើកបរ ងាយមានគ្រោះថ្នាក់ចរាចរណ៍កើតឡើង។

ពាក់ព័ន្ធបញ្ហានេះ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យ កម្ពុជាថ្មី ដឹងនៅរសៀលថ្ងៃទី ០៤ ខែកញ្ញា ឆ្នាំ ២០២៤ នេះថា លោកទទួលបាន និង ចាត់ចែង៕

អត្ថបទ ៖ រដ្ឋា