ព័ត៌មានជាតិ
សម្ដេច ហ៊ុន សែន សម្រេចលើកលែងការធ្វើចត្តាឡីស័កពលករខ្មែរនៅព្រំដែនទៅធ្វើនៅមូលដ្ឋានរៀងៗខ្លួនវិញ
សម្តេចនាយករដ្ឋមន្ត្រី ហ៊ុន សែន បានចេញបទបញ្ជាពិសេសមួយណែនាំដល់អាជ្ញាធរខេត្តជាប់ព្រំដែនកម្ពុជាថៃ លើកលែងការការធ្វើចត្តាឡីស័កដល់ពលករខ្មែរនៅតាមព្រំដែនប្រទេសថៃសម្រាប់ពលករដែលមានសុខភាពធម្មតា ដោយមកធ្វើនៅឯមូលដ្ឋានវិញ ដើម្បីជួយសម្រាលបន្ទុកក្នុងការចិញ្ចឹមនិងថែទាំ។
តាមរយៈសារសំឡេងតាមតេឡេក្រាម ដែលបានផ្សព្វផ្សាយនៅថ្ងៃនេះ សម្តេចតេជោបានបន្តថា«បន្ទាប់ពីបានពិនិត្យមើលស្ថានការណ៍នៅប្រទេសថៃ ខ្ញុំសម្រេចបិទការធ្វើចត្តាឡីស័កពលករ ដែលមានសុខភាពធម្មតា លើកលែងតែអ្នកដែលសង្ស័យ»។
សម្តេចបានបន្តទៀតថា ការបិទការធ្វើចត្តាឡីស័កពលករមានសុខភាពធម្មតានេះ ដោយសារតែស្ថានការណ៍នៅប្រទេសថៃអាច គ្រប់គ្រងបានហើយពិសេសខេត្តបាត់ដំបង ដែលជាប់ខេត្តចិត្របូរីបានដកចេញចំណុចក្រហមដែលមានហានិភ័យវិញហើយ។
សម្តេចបានបន្ថែមទៀតថា ម្យ៉ាងទៀតក្នុងរយៈពេលមួយខែនេះ នៅតាមមណ្ឌលចត្តាឡីស័កតាមព្រំដែនមិនមានពលករណាម្នាក់បន្តឆ្លងទៀតទេពិសេសស្ថានភាពតាមព្រំដែនជួបការលំបាកដោយសារចំនួនពលករ ដែលចេញមានចំនួនតិចជាងចូលធ្វើឲ្យលំបាកក្នុងការចិញ្ចឹមនិងថែទាំពលករ។
សម្តេចបានណែនាំដល់អាជ្ញាធរត្រូវដឹកពលករ ដែលមិនមានបញ្ហាសុខភាពទៅស្រុកកំណើតវិញត្រូវមានសណ្តាប់ធ្នាប់និងមានរបៀបរៀបរយនិងមានសុវត្ថិភាពផងដែរ។
សម្តេចបញ្ជាក់ថា«ដូចនេះសម្រាប់ថ្ងៃនេះ អ្នកមកពីប្រទេសថៃដែលមានសុខភាពល្អមិនចាំបាច់ដឹកទៅមណ្ឌលចត្តាឡីស័កទេរថយន្តកងទ័ព ដែលមាននៅតាមព្រំដែនត្រូវដឹកពួកគាត់ទៅខេត្តខាងក្រោយតែម្តង។ សម្រាប់អ្នក ដែលត្រូវធ្វើចត្តាឡីស័កត្រូវរង់ចាំដឹកនៅព្រឹកស្អែក»។
សម្តេចបានបញ្ជាក់បន្ថែមថា កងទ័ពដឹកពលករត្រូវធានានិងផ្គត់ផ្គង់ស្បៀងអាហារទាំងពេលព្រឹកនិងថ្ងៃត្រង់ដល់គាត់ព្រមទាំងផ្តល់អាហារបន្ថែមដូចជាមី ទឹកសុទ្ធតាមខ្លួនព្រោះមិនអនុញ្ញាតឲ្យដឹកពេលយប់ទេ។ ក្នុងការធ្វើដំណើរទៀតសោតត្រូវយកចិត្តទុកដាក់ថែទាំសុខភាពដល់ពួកគាត់។
កុំដាក់មនុស្សច្រើនពេកប្រជ្រៀតគ្នាដែលមិនស្របតាមវិធានសុខាភិបាល រថយន្តត្រូវមានដំបូល។ សម្តេចបន្ថែមទៀតថា ពេលដឹកទៅដល់ខេត្តខេត្តនីមួយៗត្រូវដឹកបន្តបញ្ជូនទៅតាមមូលដ្ឋាន។ ក្នុងករណីមានការសង្ស័យត្រូវពិនិត្យពិនិត្យសំណាកនិងព្យាបាលសិន៕
ស្តាប់ប្រសាសន៍សម្តេចតេជោ៖
អត្ថបទ៖ សំអឿន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ