ព័ត៌មានជាតិ
សម្តេចធិបតី ធានាការប្រើប្រាស់ថវិកាកសាងព្រំដែនប្រកបដោយតម្លាភាព និងចំគោលដៅ
គិតត្រឹមព្រឹកថ្ងៃទី ៥ ខែកញ្ញា ឆ្នាំ ២០២៤ នេះ មូលនិធិកសាងហេដ្ឋារចនាសម្ព័ន្ធតាមព្រំដែន” ទទួលបានថវិកាពីសប្បុរសជនជាង ១៩ លានដុល្លារ ដែលមានពលរដ្ឋចូលរួមជាង ៤០ម៉ឺននាក់។ ជុំវិញថវិកាដែលទទួលបាននេះ ប្រមុខរាជរដ្ឋាភិបាលកម្ពុជា សម្តេចធិបតី ហ៊ុន ម៉ាណែត បានធានាថា រដ្ឋាភិបាលនឹងប្រើប្រាស់កញ្ចប់ថវិកាដែលសប្បុរសជនចូលរួមបរិច្ចាគដោយស្ម័គ្រចិត្តក្នុង “មូលមនិធិកសាងហេដ្ឋារចនាសម្ព័ន្ធតាមព្រំដែន” ផ្តោតលើកសាងផ្លូវក្រវាត់ព្រំដែន ប្រកបដោយតម្លាភាព និងចំគោលដៅ។
ការធានាអះអាងនេះ ជាការឆ្លើយតបទៅនឹងក្តីកង្វល់របស់ពលរដ្ឋមួយចំនួន ដែលបានព្រួយបារម្ភពីការប្រើប្រាស់ថវិកាខ្ជះខ្ជាយ និងមិនមានតម្លាភាព។
ក្នុងពិធីប្រគល់វិញ្ញាបនបត្រជូនសិស្សមេធាវី និងសិក្ខាកាមមេធាវី នៅព្រឹកថ្ងៃទី៥ ខែកញ្ញា ឆ្នាំ២០២៤ សម្ដេចធិបតី ហ៊ុន ម៉ាណែត មានប្រសាសន៍ថា ដើម្បីធានាបាននូវតម្លាភាព និងការប្រើប្រាស់ថវិកាឱ្យចំគោលដៅ សម្តេចនឹងបង្កើតគណៈកម្មការគ្រប់គ្រង និងផ្សព្វផ្សយជូនដំណឹងដល់ពលរដ្ឋឱ្យបានដឹងពីគម្រោងកសាងហេដ្ឋារចនាសម្ព័ន្ធនៅតាមព្រំដែន។ សម្តេចធិបតី មានប្រសាសន៍ថា៖«តើយើងគ្រប់គ្រង(ថវិកា)យ៉ាងម៉េច ការធានានូវតម្លាភាព និងចំគោលដៅគឺជាកិច្ចការសំខាន់ យើងនឹងបង្កើតគណៈកម្មការគ្រប់គ្រង និងផ្សព្វផ្សយជូនដំណឹងប្រជាពលរដ្ឋ ឯកឧត្តម ខ្វាន់ ស៊ាម ខាងវិស្វកម្ម នឹងធ្វើផែនការលម្អិតនិងរាយការណ៍ជាសាធារណៈជូនប្រជាពលរដ្ឋអំពីគម្រោងដែលត្រូវធ្វើ» ។
សម្តេចធិបតី ឱ្យដឹងថា ផ្លូវក្រវាត់ព្រំដែនដែលត្រូវធ្វើមានជាង ២៦០០ គីឡូម៉ែត្រ ធ្វើបាន ១៣៦០ គីឡូ ប្រមាណ ៥០ ភាគរយ នៅសល់ ១៣០០ គីឡូទៀត។ សម្តេចថ្លែងថា៖«យើងនឹងកំណត់ឱ្យច្បាស់ធ្វើពីកន្លែងណាដល់កន្លែងណា បង្គោលណា ចំណាយប៉ុន្មាន ត្រូវប្រើប្រាស់ថវិកានេះ ហើយបងប្អូនអាចទៅមើល»។
ជុំវិញការអភិវឌ្ឍនតំបន់ព្រំដែននេះដែរ រាជរដ្ឋាភិបាលនឹងបង្កើតភូមិនៅតំបន់ព្រំដែននៃខេត្តទាំង៤ ក្នុងតំបន់ត្រីកោណអភិវឌ្ឍ CLV ដោយចែកដីឱ្យប្រជាពលរដ្ឋក្រីក្រសង់លំនៅដ្ឋាន ដាំដំណាំ ដើម្បីការពារធនធានព្រៃឈើ និងជារបងការពារព្រំដែន។ សម្តេចមានប្រសាសន៍ថា៖«យើងនឹងបង្កើតភូមិតំបន់មួយសម្រាប់ប្រជាពលរដ្ឋដែលអត់ដីពិតប្រាកដ ជាជាងគាត់កាប់ឆ្កាព្រៃ ហើយយើងនឹងរៀបចំជូនដីលំនៅដ្ឋាន ដីអាស្រ័យផល ផ្គុំជាមួយកម្មវិធីមួយចំនួនរៀបចំជាកញ្ចប់ ដើម្បីអភិវឌ្ឍភូមិគាត់តែម្តងមិនមែនដាក់គាត់ចោលទេ»។
ជាមួយគ្នានេះ សម្តេចធិបតី ហ៊ុន ម៉ាណែត បានថ្លែងអំណរគុណចំពោះសាធារជនដែលបានចូលរួមដោយបរិច្ចាគដោយស្ម័គ្រចិត្តក្នុង “មូលនិធិកសាងហេដ្ឋារចនាសម្ព័ន្ធតាមព្រំដែន” ចាប់ពី១០០រៀល រហូតដល់ ១លានដុល្លារ។
ថ្វិត្បិតតែបរិមាណទឹកប្រាក់ខុសគ្នាក៏ដោយ សម្តេចបានចាត់ទុកថា មានតម្លៃស្មើគ្នា ដែលឆ្លុះបញ្ជាំងពីស្មារតីស្នេហាជាតិពិតប្រាកដ និងលើកទឹកចិត្តឱ្យបន្តចូលរួមឱ្យច្រើនផុសផុលបន្ថែមទៀត ដើម្បីរួមគ្នាអភិវឌ្ឍន៍តំបន់ព្រំដែន៕
-
សេដ្ឋកិច្ច១ សប្តាហ៍ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
សន្តិសុខសង្គម៧ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
ចរាចរណ៍១១ ម៉ោង ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សេចក្ដីជូនដំណឹង២ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ៥ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ១ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម៥ ថ្ងៃ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ១ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង