ព័ត៌មានជាតិ

អភិបាលរងរាជធានីភ្នំពេញ ដឹកនាំមន្ត្រីជំនាញចុះពិនិត្យផលប៉ះពាល់ប្រឡាយលូបឹងត្របែក

បានផុស

៥ ខែ មុន

នៅ

ថ្ងៃព្រហស្បតិ៍ ៥ កញ្ញា ២០២៤

ដោយ

អភិបាលរងរាជធានី ចុះត្រួតពិនិត្យផលប៉ះពាល់ និងពន្លឿនការងារលើគម្រោងដាក់លូប្រអប់ធំៗ ស្របផ្លូវលេខ ១០៥ ទំហំ ២,៥ ម៉ែត្រ x២,៥ ម៉ែត្រ ដើម្បីរំដោះទឹកជន់លិចក្នុងខណ្ឌចំនួន ២ គឺ ខណ្ឌបឹងកេងកង និងខណ្ឌចំការមន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅថ្ងៃទី ៥ ខែកញ្ញា ឆ្នាំ ២០២៤ នេះ លោក ឯក ឃុនដឿន អភិបាលរងរាជធានីភ្នំពេញ បានដឹកនាំមន្ត្រីជំនាញពិនិត្យមើលស្ថានភាព និងជំរុញការដោះស្រាយផលប៉ះពាល់ការងារស្តារប្រឡាយ និងដាក់លូប្រអប់ចំនួន ២ ខ្សែ ស្របផ្លូវលេខ ១០៥ ទំហំ ២,៥ ម៉ែត្រ x២,៥ ម៉ែត្រ ចំនួន ២ ខ្សែ ពីផ្លូវ ២៤៥ ដល់ផ្លូវលេខ ៤៨៨ ទំហំ ៣,៥ ម៉ែត្រ x ៣,៥ ម៉ែត្រ។

បើតាមការបញ្ជាក់ពីលោក ឯក ឃុនឌឿន បានឲ្យដឹងថា លោកកំពុងរកដំណោះស្រាយទៅលើផលប៉ះពាល់ការងារស្តារប្រឡាយស្របផ្លូវលេខ ១០៥ ចាប់ពីចំណុចផ្លូវលេខ ២៧៨ ដល់ផ្លូវលេខ ៤៨៨ និងដាក់លូប្រអប់នៅផ្លូវលេខ ១០៥ ចាប់ពីចំណុចផ្លូវលេខ ២៨៨ ដល់ផ្លូវ ២៤៥ ទំហំ ២,៥ ម៉ែត្រ x២,៥ ម៉ែត្រ ចំនួន ២ ខ្សែ និងពីផ្លូវ ២៤៥ ដល់ផ្លូវលេខ ៤៨៨ ទំហំ ៣,៥ ម៉ែត្រ x ៣,៥ ម៉ែត្រ ចំនួន ២ ខ្សែ ស្ថិតនៅខណ្ឌបឹងកេងកង និងខណ្ឌចំការមន រាជធានីភ្នំពេញ។

គួរបញ្ជាក់ផងដែរថា ជារៀងរាល់ឆ្នាំ ប្រឡាយលូបឹងត្របែកនេះ ឲ្យតែមានភ្លៀងធ្លាក់ខ្លាំង តែងមានការជន់លិច ដែលមិនអាចបើកបរ ឬ ធ្វើអាជីវកម្មបានឡើយ។

ប្រជាពលរដ្ឋបានឲ្យដឹងដែរថា ពួកគាត់មានអារម្មណ៍ត្រេកអរនៅពេលបានឮដំណឹងថា មន្ទីរសាធារណការរាជធានីភ្នំពេញ មានគម្រោងអភិវឌ្ឍន៍ផ្លាស់ប្ដូរប្រព័ន្ធប្រឡាយលូបែបនេះ។ ពួកគាត់បានបញ្ជាក់ថា បើគិតត្រឹមរយៈពេល ៦ ខែ ចុងក្រោយនេះ បន្ទាប់ពីមានការស្តារប្រឡាយលូរួច គឺ មិនទាន់មានការលិចលង់ទៀតនោះឡើយ៕

អត្ថបទ ៖ ម៉េង