ព័ត៌មានជាតិ
តាមដានព្រឹត្តិការណ៍ធំៗនៅខេត្តសៀមរាប ចាប់ពីខែកញ្ញានេះ មានជិត ១០ កម្មវិធី ទាក់ទាញទេសចរ
ចាប់ពីខែកញ្ញានេះ ខេត្តសៀមរាបនឹងមានរៀបចំព្រឹត្តិការណ៍ធំៗជាច្រើន ដើម្បីទាក់ទាញនិងជំរុញស្តារឡើងវិញវិស័យទេសចរណ៍នៅខេត្តសៀមរាប ខណៈដែលរដ្ឋាភិបាលបានដាក់ចេញយុទ្ធនាការ «ទស្សនាសៀមរាបឆ្នាំ ២០២៤»។
បើតាមមន្រ្តីក្រសួងទេសចរណ៍បានគូសបញ្ជាក់ថា ព្រឹត្តិការណ៍ធំៗដែលគ្រោងរៀបចំឡើងនៅខេត្តសៀមរាបចាប់ពីខែកញ្ញានេះមានដូចជា៖
-វេទិកាទេសចរណ៍កម្ពុជា-ឥណ្ឌា (Cambodia-India Tourism Forum) នៅខេត្តសៀមរាប នៅថ្ងៃទី១២ ខែកញ្ញា ឆ្នាំ២០២៤។
-ព្រឹតិ្តការណ៍ Gumball 3000 Rally in Cambodia ធ្វើឡើងចាប់ពីថ្ងៃទី១៥-១៧ ខែកញ្ញា ឆ្នាំ២០២៤ នៅពីរទីតាំងគឺនៅរាជធានីភ្នំពេញ និងខេត្តសៀមរាប។
-វេទិកាទេសចរណ៍កម្ពុជា-ចិន (Cambodia-China Tourism Forum) នៅខេត្តសៀមរាប នៅថ្ងៃទី១៩ ខែកញ្ញា ឆ្នាំ២០២៤។
-ពិព័រណ៍ម្ហូបអាហារកម្ពុជា-ចិន (Cambodia-China Gastronomy Week) នៅខេត្តសៀមរាប នៅថ្ងៃទី២៦-២៧ ខែតុលា ឆ្នាំ២០២៤។
-វេទិកាវប្បធម៌ពុទ្ធសាសនា និងទេសចរណ៍ឆ្នាំ២០២៤ (Buddhist Culture and Tourism Forum 2024) នៅខេត្តសៀមរាប នៅថ្ងៃទី២៨ ខែតុលា ឆ្នាំ២០២៤។
-ពិព័រណ៍ទេសចរណ៍ចិនឆ្ពោះទៅកាន់ខេត្តសៀមរាប (China Tourism Roadshow to Siem Reap) នៅខេត្តសៀមរាប នៅថ្ងៃទី៧ ខែវិច្ឆិកា ឆ្នាំ២០២៤។
-ព្រឹត្តិការណ៍ទេសចរណ៍កម្ពុជា-ចិន (Cambodia-China Travel Fair) នៅខេត្តសៀមរាប នៅថ្ងៃទី២០-២២ ខែវិច្ឆិកា ឆ្នាំ២០២៤។
-ពិព័រណ៍ទេសចរណ៍ឥណ្ឌាឆ្ពោះទៅកាន់ខេត្តសៀមរាប (India Tourism Roadshow to Siem Reap) នៅខេត្តសៀមរាប នៅថ្ងៃទី១០ ខែតុលា ឆ្នាំ២០២៤។
បន្ថែមពីព្រឹត្តិការណ៍ធំៗនេះ ក្រសួងទេសចរណ៍នឹងរៀបចំព្រឹត្តិការណ៍ទេសចរណ៍ វប្បធម៌ សាសនា ផ្សារភ្ជាប់នឹងបេតិកភណ្ឌ ដែលនឹងប្រព្រឹត្តទៅនៅអំឡុងខែវិច្ឆិកា ឆ្នាំ២០២៤ នៅខេត្តសៀមរាបផងដែរ។
លោក យស សា មគ្គុទ្ទេសក៍ទេសចរនៅខេត្តសៀមរាបបានឲ្យកម្ពុជាថ្មីដឹងថា ការរៀបចំព្រឹត្តិការណ៍ធំៗនេះ នឹងជួយជំរុញលំហូរភ្ញៀវទេសចរមកកម្សាន្តខេត្តសៀមរាបកាន់តែច្រើនថែមទៀត។
យ៉ាងណាមិញ លោកយល់ឃើញថា ការរៀបចំព្រឹត្តិការណ៍នេះគ្រាន់តែជាផ្នែកមួយ ប៉ុន្តែដើម្បីអាចទាក់ទាញឲ្យទេសចរមកលេងខេត្តសៀមរាបម្តងហើយម្តងទៀតគឺពាក់ព័ន្ធការធ្វើបដិសណ្ឋារកិច្ច រួមទាំងការរៀបចំសេវាកម្សាន្តផ្សេងទៀត។
លោកថា ខេត្តសៀមរាបក្រៅពីប្រាសាទបុរាណ នៅមានសក្ដានុពលផ្នែកទេសចរបែបវប្បធម៌ប្រពៃណី។ លោកលើកឧទាហរណ៍នៅភូមិព្រះដាក់ គឺជាភូមិដ៏ល្បីមួយស្ថិតនៅក្នុងស្រុកបន្ទាយស្រី ដែលអាចនិយាយបានថាជាភូមិខ្មែរគំរូដែលនៅរក្សាបានទំនៀមទម្លាប់ប្រពៃណីបន្តពីមួយជំនាន់ទៅមួយជំនាន់ ហើយភ្ញៀវទេសចរក៏ចាប់អារម្មណ៍ចង់ស្វែងយល់ពីការរស់នៅរបស់ពលរដ្ឋនៅទីនោះដែលបន្តតាំងពីសម័យអាណាចក្រអង្គរ ជាពិសេសនោះគឺរសជាតិម្ហូបអាហារអ្នកស្រុកតាមមូលដ្ឋាន។
បើតាមលោក យស សា បើសិនអាជ្ញាធរអាចរៀបចំសេវាទេសចរផ្សារភ្ជាប់វប្បធម៌ ប្រពៃណីរបស់អ្នកស្រុកតាមតំបន់នានា នឹងបង្កើនការចាប់អារម្មណ៍និងទាក់ទាញទេសចរកម្សាន្តនៅខេត្តសៀមរាបកាន់តែច្រើនថែមទៀត៕
ប្រជាពលរដ្ឋនៅទូទាំងប្រទេសកម្ពុជា អបអរសាទរចំពោះការប្រារព្ធទិវាសន្តិភាពនៅកម្ពុជា
អនុរដ្ឋមន្ត្រីការបរទេសវៀតណាម កោតសរសើរ ចំពោះការរីកចម្រើនលើគ្រប់វិស័យរបស់រាជធានីភ្នំពេញ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
អ្នកនាង កាឆយ ទម្លាយរឿងឈឺចាប់ពីក្រោយសំណូមពរ “សុំកៅអី ១០” ទៅរាល់ម្ចាស់ដើមការ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៧ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៧ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់