ព័ត៌មានជាតិ
៥ ឆ្នាំ មន្ទីរពេទ្យព្រះអង្គឌួង វះកាត់កុមារ គ-ថ្លង់ ពីកំណើត និងជំងឺផ្សេងៗ បានជាង ៥០ នាក់ ដោយជោគជ័យ
ក្នុងរយៈពេល ៥ ឆ្នាំ មន្ទីរពេទ្យព្រះអង្គឌួង បានធ្វើការវះកាត់កុមារ គ-ថ្លង់ ពីកំណើត និងដោយសារជំងឺផ្សេងៗ បានជាង ៥០ នាក់ ដោយជោគជ័យ ១០០% ដែលអាចឱ្យកុមារស្ដាប់ឮ និងនិយាយបានធម្មតា ដើម្បីឲ្យពួកគេទទួលបាននូវជីវិតថ្មី និងមានសិទ្ធិរស់នៅបានពេញលេញនៅក្នុងសង្គម។
ថ្លែងបើកកម្មវិធីខួប ៥ ឆ្នាំ នៃការបង្កើតមជ្ឈមណ្ឌលមន្ទីរពេទ្យព្រះអង្គឌួង KT និង Severance នៃក្តីសង្ឃឹម នៅព្រឹកថ្ងៃទី ០៦ កញ្ញានេះ លោកសាស្ត្រាចារ្យ រង លូ លីឃាង នាយកមន្ទីរពេទ្យព្រះអង្គឌួង បានលើកឡើងថា កាលពី ៥ ឆ្នាំមុន យើងបានចាប់ផ្តើមវះកាត់កុមារគថ្លង់ និងការស្តារនីតិសម្បទាសម្រាប់កុមារគថ្លង់ បន្ទាប់ពីវះកាត់រួច ដើម្បីនាំនូវក្តីសង្ឃឹម និងការព្យាបាលដល់កុមារគថ្លង់ពីកំណើតតាមរយៈការលះបង់របស់បុគ្គលិកការគាំទ្ររបស់អាណាព្យាបាល និងការសហការជាមួយដៃគូរបស់យើង គឺ KT និងមន្ទីរពេទ្យ Severance នៅប្រទេសកូរ៉េ។
លោកសាស្ត្រាចារ្យរង លូ លីឃាង បានបន្តថា ចាប់ពីឆ្នាំ ២០១៨ រហូតមកដល់ឆ្នាំ ២០២៤ នេះ មន្ទីរពេទ្យបានសហការជាមួយដៃគូបានធ្វើការវះកាត់កុមារ គ-ថ្លង់ ពីកំណើត និងដោយសារជំងឺផ្សេងៗ បានចំនួន ៥១ នាក់ ស្មើនឹង ៦៥ ត្រចៀក ដោយអ្នកខ្លះវះកាត់ត្រចៀកមួយចំហៀង និងកុមារខ្លះទៀត វះកាត់ត្រចៀកសងខាង ជាពិសេសក្រោយការវះកាត់ គឺពួកគាត់ទទួលជោគជ័យ១០០% ក្នុងនោះអាចស្ដាប់ឮ និងនិយាយបានធម្មតា។
លោកសាស្ត្រាចារ្យរង លូ លីឃាង បានបន្តទៀតថា ការវះកាត់កុមារមានជំងឺគ ថ្លង់នេះគឺធ្វើឡើងតាមរយៈម៉ាស៊ីនដែលមានបច្ចេកវិទ្យាថ្មីទំនើបដែលអាចឱ្យអ្នកជំងឺមានលទ្ធភាពស្ដាប់ឮ និយាយបាន និងអាចប្រាស្រ័យទាក់ទងជាមួយមនុស្សទូទៅបានដូចមនុស្សធម្មតា ពិសេសកុមារអាចចូលរៀនបានផងដែរ ខណៈមុនវះកាត់ពួកគេធ្វើទំនាក់ទំនងគ្នាតាមរយៈភាសាកាយវិការតែប៉ុណ្ណោះខណៈមន្ទីរពេទ្យព្រះអង្គឌួង គឺជាមន្ទីរពេទ្យតែមួយគត់នៅប្រទេសកម្ពុជាដែលមានសេវាវះកាត់ អ្នកជំងឺគ-ថ្លង់ពីកំណើត និងដោយសារជំងឺផ្សេងៗ។
លោកសាស្ត្រាចារ្យរង លូ លីឃាង បានបន្ថែមទៀតថា ទន្ទឹមនឹងការវះកាត់ក៏មានការបង្រៀនអ្នកជំងឺឱ្យចេញអានចេះនិយាយ និងមានបង្ហាញនូវរបស់របរអ្វីមួយដើម្បីឲ្យកុមារបានស្គាល់ និងនិយាយពីវត្ថុទាំងនោះបានច្បាស់។ ការបង្រៀននេះមានរយៈពេល ៦ ខែ សម្រាប់កុមារដែលមានភាពវ័យឆ្លាតអាចឆាប់ចាប់បាន និងរយៈពេល ១ ឆ្នាំ សម្រាប់កុមារដែលមិនសូវចេះនិយាយ។ ប៉ុន្តែអាណាព្យាបាល ឬ ឪពុកម្ដាយ ក៏ជួយបង្ហាត់ឱ្យកូនៗ របស់ខ្លួនឱ្យហាត់រៀននិយាយនៅផ្ទះនូវពាក្យអ្វីមួយដែលគ្រូបានដាក់ពីសាលាទៅដើម្បីឲ្យអណ្តាតរបស់កុមារគ្រលាស់បានលឿន និងឆាប់ចេះនិយាយ និងនិយាយបានច្បាស់ល្អ។
លោកនាយកមន្ទីរពេទ្យព្រះអង្គឌួង បានបញ្ជាក់ថា «ការប្រារព្ធខួបនេះមិនមែនគ្រាន់តែជាការប្រារព្ធពិធីខួបឡើយតែក៏ជាការអបអរសាទរជីវិតថ្មីរបស់កុមារដែលបានយកឈ្នះលើឧបសគ្គនិងមានអនាគតដ៏ភ្លឺស្វាង។ កុមារគ្រប់រូបដែលអាចស្ដាប់ឮពិភពលោកកាន់តែច្បាស់ ហើយមាតាបិតាគ្រប់រូបបានឃើញពីវឌ្ឍនភាពរបស់កូនៗ របស់ខ្លួន និងបុគ្គលិកគ្រប់រូបដែលបានចូលរួមកិច្ចការនេះគឺជាសក្ខីភាពយ៉ាងពិតប្រាកដ»។
លោកនាយកមន្ទីរពេទ្យព្រះអង្គឌួង បានថ្លែងអំណរគុណយ៉ាងជ្រាលជ្រៅចំពោះ KT និងមន្ទីរពេទ្យSeverance ដែលបានផ្តល់ទាំងអ្នកជំនាញទាំងធនធានក្នុងការដើរតួនាទីយ៉ាងសំខាន់ក្នុងភាពជោគជ័យ នៃមជ្ឈមណ្ឌលនេះ។ យើងរួមគ្នាមិនត្រឹមតែជាកន្លែងមួយប៉ុណ្ណោះទេ ប៉ុន្តែជាសញ្ញា នៃក្តីសង្ឃឹមសម្រាប់គ្រួសារជាច្រើនផងដែរ ហើយសូមឱ្យមជ្ឈមណ្ឌលនេះបន្តរីកចម្រើន និងបន្តជាកន្លែងមួយដែលផ្តល់ក្តីសង្ឃឹមដ៏ភ្លឺស្វាងសម្រាប់កុមារគថ្លង់៕
អត្ថបទ ៖ សំអឿន
មន្ត្រីជំនាញសុខាភិបាល នឹងធ្វើបច្ចុប្បន្នភាពទិន្នន័យថ្មីទាក់ទិន ស្ថានភាពជំងឺអេដស៍នៅកម្ពុជា នៅឆ្នាំ ២០២៥
នាយកដ្ឋានបង្ការពន្លត់អគ្គិភ័យ គ្រោងបំពាក់លេខ Hotline 118 នៅតាមបណ្ដារាជធានី ខេត្ត ទូទាំងប្រទេស ដើម្បីអន្តរាគមន៍ទាន់ពេលវេលា
សហគមន៍មួយក្នុងខេត្តព្រះវិហារដើរតួសំខាន់ក្នុងការដាំម្ទេសខ្មាំង
ក្បាច់គុន «ឥន្ទ្រីពស់» ជាចំណុចរបត់មួយ នាំ ឈិនឡុង ឲ្យក្លាយជាតារាពិភពលោក
ក្រសួងការងារ ប្រកាសតម្រូវការកម្លាំងពលកម្មក្នុងស្រុកជាង ៧ ម៉ឺនកន្លែង បម្រើវិស័យធំៗ ៣
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
អាវុធហត្ថខេត្តតាកែវ គ្រោងសាងសង់អគារបញ្ជាការដ្ឋានថ្មី ដើម្បីបំពេញតម្រូវការការងារ
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៧ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៥ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១៨ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»