ព័ត៌មានជាតិ

កម្លាំងក្រសួងកសិកម្មរុក្ខាប្រមាញ់ និងនេសាទ ចុះបង្ក្រាបបទល្មើសនេសាទ ៤ករណី ក្នុងខេត្តកំពង់ចាម

បានផុស

៥ ខែ មុន

នៅ

ថ្ងៃសុក្រ ៦ កញ្ញា ២០២៤

ដោយ

កំពង់ចាម ៖ កម្លាំងសរុបរបស់ក្រសួងកសិកម្មរុក្ខាប្រមាញ់ និងនេសាទ សហការការចុះបង្ក្រាបបទល្មើសនេសាទ មួយថ្ងៃពេញគឺថ្ងៃទី៥ ខែកញ្ញា ឆ្នាំ២០២៤ ក្នុង៣ឃុំ នៃស្រុកជើងព្រៃ និង១ឃុំទៀត ក្នុងស្រុកកងមាស ខេត្តកំពង់ចាម ជាលទ្ធផល សម្រេចបាន៤ករណី ដោយរឹបអូសបានវត្ថុតាង រួមមាន. ឧបករណ៍លូស្បៃមុង របាំងស្បៃមុង បង្គោលចម្រឹង និងចាក់លែងកូនត្រីចូលបឹងធម្មជាតិរាប់លានក្បាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទឹម បូរក្ស បានឱ្យដឹងថា ខណ្ឌរដ្ឋបាលការដឹកនាំបង្ក្រាបយើងមាន កម្លាំងជលផលកំពង់ចាម សហការជាមួយអធិការដ្ឋានរដ្ឋបាលជលផលចតុមុខ អធិការដ្ឋានរដ្ឋបាលជលផលមេគង្គ មន្ទីរកសិកម្ម រុក្ខាប្រមាញ់ និងនេសាទ ខេត្តកំពង់ចាម និងអាជ្ញាធរស្រុកជើងព្រៃ ដឹកនាំដោយ លោក ទឹម បូរក្ស អនុរដ្ឋលេខាធិការនៃក្រសួងកសិកម្មរុក្ខាប្រមាញ់ និងនេសាទ និងមានការសម្របសម្រួលពី លោក វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះប្រតិបត្តិការត្រួតពិនិត្យ និងបង្ក្រាបបទល្មើសជលផល បានចំនួន ៤ករណី ដោយកសាងសំណុំរឿងតាមនីតិវិធីច្បាប់ស្តីពីជលផល និងរុះរើកាប់បំផ្លាញចោលវត្ថុតាងនៃបទល្មើសជលផលនៅនឹងកន្លែងកើតហេតុរួមមាន ឧបករណ៍លូស្បៃមុងចំនួន ៦៧មាត់ របាំងស្បៃមុងប្រវែង ៤២៥ម៉ែត្រ បង្គោលចម្រឹងចំនួន ១១៧៥ដើម និងចាក់លែងកូនត្រីចម្រុះទម្ងន់ ៣៥៣គីឡូក្រាម នៅចំណុចទាំង៤ឃុំ នៅទំនប់ចាំនាង ឃុំផ្តៅជុំ ស្រុកជើងព្រៃ ខេត្តកំពង់ចាម។

នៅចំណុចបឹងជ្រោយ ឃុំសូទិព្វ ស្រុកជើងព្រៃ ខេត្តកំពង់ចាម ។ នៅចំណុចបឹងសៀមបោយ ឃុំព្រៃចារ ស្រុកជើងព្រៃ ខេត្តកំពង់ចាម ។ នៅចំណុចកន្លែងរុន ឃុំរាយប៉ាយ ស្រុកកងមាស ខេត្តកំពង់ចាម។

លោកទឹម បូរក្ស បានសំណូមពរដល់ប្រជានេសាទទាំងអស់ត្រូវបញ្ឈប់ជាបន្ទាន់នូវការរកត្រីដោយឧបករណ៍ខុសច្បាប់ ដែលនាំឱ្យវិនាសហិនហោចធនធានមច្ឆាជាតិដែលជាអាយុជីវិតយើងទាំងអស់គ្នា៕

ដោយ ៖ សាន វិឡែម