ព័ត៌មានជាតិ
ឯកឧត្តម ហ៊ុន ម៉ានី៖ ក្នុងនាមជាកូនខ្មែរ ត្រូវរួបរួមសាមគ្គីគ្នាជាធ្លុងមួយ ដើម្បីប្រទេសជាតិ
ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានលើកឡើងថា ក្នុងនាមជាយុវជន និងក្នុងនាមជាកូនខ្មែរ ត្រូវរួបរួមសាមគ្គីគ្នាជាធ្លុងមួយ ដើម្បីប្រទេសជាតិ។
ឯកឧត្តម បានលើកឡើងបែបនេះ ក្នុងឱកាសអញ្ជើញចូលរួមជាអធិបតីក្នុងពិធី ពិភាក្សាសន្ទនាមូលដ្ឋានលើប្រធានបទ ការចូលរួមរបស់អាណាព្យាបាល និងការត្រៀមលក្ខណៈសម្បត្តិតម្រង់ទិសកូនចូលមហាវិទ្យាល័យ ឬការចាប់យកជំនាញវិជ្ជាជីវៈ និងការចូលរួមវេចនំអន្សមរួមគ្នានៅវិទ្យាល័យគោកព្រីង ស្រុកស្វាយជ្រំ នៅព្រឹកថ្ងៃទី៧ ខែកញ្ញា ឆ្នាំ២០២៤។
ពិធីនេះក៏មានការអញ្ជើញចូលរួមពី ឯកឧត្តម ឌី វិជ្ជា ប្រធានសហភាពសហព័ន្ធយុវជនកម្ពុជាខេត្តស្វាយរៀង លោក ប៉េង ពោធិ៍សា អភិបាលខេត្តស្វាយរៀង លោកបណ្ឌិត តូច ប៉ូលីវ៉ា សមាជិកអចិន្ត្រៃយ៍សហភាពសហព័ន្ធយុវជនកម្ពុជាខេត្តស្វាយរៀង លោកគ្រូអ្នកគ្រូ គណៈកម្មាធិការស.ស.យ.ក ស្រុកទាំងប្រាំបីក្រុង ស្រុក យុវជនកាយរិទ្ធ យុវជនកាកបាទក្រហមកម្ពុជា និងប្រជាពលរដ្ឋជាច្រើនរូបទៀត។
ឯកឧត្តមប្រធាន ហ៊ុន ម៉ានី បានមានប្រសាសន៍ថា ក្នុងនាមជាយុវជនជាទំពាំងស្នងឬស្សីជាកូនខ្មែរជំនាន់ក្រោយ ត្រូវរក្សាឱ្យបាននូវសុខសន្តិភាពស្ថេរភាពសង្គមជាតិ ក៏ដូចជា មានការខិតខំប្រឹងប្រែងតស៊ូព្យាយាមសិក្សារៀនសូត្រដើម្បីអភិវឌ្ឍជាតិឱ្យមានការរីកលូតលាស់តទៅមុខដោយឥតឈប់ឈរ។ ឯកឧត្តមបានបន្ថែមថា «ក្នុងនាមជាយុវជន ក្នុងនាមជាកូនខ្មែរ ត្រូវរួបរួមសាមគ្គីគ្នាជាធ្លុងមួយ ដើម្បីប្រទេសជាតិរបស់យើង កុំឱ្យវិលទៅរកដូចសម័យកាលដើម ហើយត្រូវធ្វើឱ្យប្រទេសជាតិមានភាពលេចមុខ លេចមាត់នៅលើឆាកអន្តរជាតិ ដើម្បីជោគវាសនារបស់ប្រទេសយើង»។
ឯកឧត្តម បានសង្កត់ធ្ងន់ថា «ខ្មែរច្រើន ខ្មែរមិនខ្លាំងទេ តែខ្មែរតែមួយនោះទើបខ្មែរខ្លាំង»។ ជាចុងក្រោយ ឯកឧត្តម ក៏បានថ្លែងអំណរគុណយ៉ាងជ្រាលជ្រៅជូនចំពោះ លោក ប៉េង ពោធិ៍សា អភិបាលខេត្ត ដែលបានអញ្ជើញចូលរួមជាធិបតី និងយុវជន ដែលបានចូលរួមអង្គពិធីថ្ងៃនេះ៕
ដោយ៖ភក្ដី
-
ជីវិតកម្សាន្ដ៤ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍២ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សេចក្ដីជូនដំណឹង៤ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៣ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៣ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៥ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន