ព័ត៌មានជាតិ
មន្ត្រីជំនាញគ្រោងប្រែក្លាយភ្នំធិបតីទៅជាគោលដៅទេសចរណ៍ដ៏សំខាន់មួយទៀតក្នុងខេត្តបាត់ដំបង
លោក ហម អរុណ មន្ត្រីនៃមន្ទីរទេសចរណ៍ខេត្តបាត់ដំបងបានឲ្យ «កម្ពុជាថ្មី» ដឹងថា មន្ត្រីជំនាញនៃមន្ទីរទេសចរណ៍ខេត្ត និងមន្ត្រីពាក់ព័ន្ធ គ្រោងប្រែក្លាយភ្នំធិបតីទៅជាគោលដៅទេសចរណ៍ដ៏សំខាន់មួយបន្ថែមទៀតក្នុងខេត្តបាត់ដំបង ដើម្បីទាក់ទាញទេសចរមកលេងកម្សាន្តកាន់តែច្រើន។
ការលើកឡើងរបស់មន្ត្រីនៃមន្ទីរទេសចរណ៍ខេត្តបែបនេះ ក្រោយពីមានវត្តមានលោក អ៊ុន វ៉ាល់ឡឺរ៉ូ រដ្ឋលេខាធិការក្រសួងទេសចរណ៍ និងលោក ឆាយ ម៉ាទីណាល់ អភិបាលរងខេត្តបាត់ដំបង កាលពីថ្ងៃទី៤ ខែកញ្ញា ឆ្នាំ២០២៤ បានដឹកនាំប្រតិភូអមដំណើរដោយមន្រ្តីជំនាញ និងអាជ្ញាធរពាក់ព័ន្ធ ចុះត្រួតពិនិត្យទីតាំងភ្នំធិបតីស្ថិតក្នុងស្រុកគាស់ក្រឡ។
លោក ហម អរុណ បានលើកឡើងបន្តថា ការចុះទៅគោលដៅភ្នំធិបតីពីសំណាក់មន្ត្រីនៃក្រសួងជំនាញ និងមន្ត្រីរដ្ឋបាលខេត្តកាលពីថ្ងៃទី៤ ខែកញ្ញា កន្លងទៅថ្មីៗនេះ គឺក្នុងគោលបំណងសិក្សាពីសក្តានុពលទេសចរណ៍ និងរៀបចំដាក់ជាគោលដៅទេសចរណ៍ដ៏សំខាន់មួយបន្ថែមទៀតក្នុងខេត្តបាត់ដំបង។
បន្ទាប់ពីចុះពិនិត្យទីតាំងជាក់ស្ដែងរួចមកនៅថ្ងៃទី៥ ខែកញ្ញា ឆ្នាំ២០២៤ ក្រុមការងារបានដឹកនាំកិច្ចប្រជុំពិភាក្សាអំពីសក្តានុពល និងព័ត៌មានពាក់ព័ន្ធស្តីពីតំបន់ភ្នំធិបតីដើម្បីជំរុញរៀបចំភ្នំធិបតី ឲ្យក្លាយជាគោលដៅទេសចរណ៍បែបធម្មជាតិ សាសនា និងវប្បធម៌ នាពេលខាងមុខ ។
លោកបន្តថា ការរៀបចំធ្វើជាគោលដៅទេសចរណ៍នៅតំបន់ភ្នំមួយនេះ នឹងបានពង្រីកនូវវិសាលភាពសេដ្ឋកិច្ចគ្រួសារដល់ប្រជាពលរដ្ឋជាច្រើន ដែលរស់នៅទីនោះបានយ៉ាងល្អប្រសើរ តាមរយៈការលក់ដូរចំណីអាហារ និងរបស់របរផ្សេងៗ ទៅតាមការច្នៃប្រឌិតរបស់ពលរដ្ឋក្នុងមូលដ្ឋាន។
ការប្រែក្លាយជាគោលដៅទេសចរណ៍ ក៏នឹងបញ្ឈប់ការកាយថ្មភ្នំផងដែរ ខណៈដែលភ្នំមួយនេះ គឺជាតំបន់ភ្នំប្រវត្តិសាស្ត្រ និង វប្បធម៍ ដែលមានរូបព្រះពុទ្ធបដិមាដ៏ធំមួយនៅលើភ្នំលាតសន្ធឹងលើផ្ទៃដី ២៥០ហិតា គ្របដណ្ដប់ដោយព្រៃព្រឹក្សាដ៏ធំល្វឹងល្វើយ និងមានសត្វក្ងោកជាង ៣០០ ក្បាលរស់នៅ។
បើតាមមន្រ្តីទេសចរណ៍ខេត្តបាត់ដំបង ភ្នំធិបតីបច្ចុប្បន្នមានវត្តចំនួន១ ដែលមានឈ្មោះវត្តសុវណ្ណគិរី ហៅវត្តភ្នំធិបតី បានសាងសង់នៅខាងលើភ្នំតាំងពីឆ្នាំ១៩៣០ ក៏ដូចជាព្រះវិហារហេដ្ឋារចនាសម្ព័ន្ធក្នុងបរិវេណវត្ត និងព្រះអង្គធំកម្ពស់ប្រមាណ ៣០ម៉ែត្រ នៅលើកំពូលភ្នំ ដោយមានធ្វើផ្លូវបេតុងឡើងទៅដល់ព្រះអង្គធំ ក៏បានក្លាយជាទីចាប់អារម្មណ៍សម្រាប់ប្រជាពលរដ្ឋពុទ្ធបរិស័ទក្នុងការមកបំពេញបុណ្យកុសលតាមប្រពៃណីព្រះពុទ្ធសាសនា ក៏ដូចជាទស្សនាកម្សាន្តផងដែរ។
ស្របជាមួយគ្នានេះ ប្រជាពលរដ្ឋដែលរស់នៅក្នុងឃុំធិបតី និងស្រុកគាស់ក្រឡ បានសម្តែងការរីករាយ ដោយបានលើកឡើងប្រហាក់ប្រហែលគ្នាឲ្យកម្ពុជាថ្មីដឹងថា ពួកគាត់សប្បាយចិត្តដោយបានឃើញមន្ត្រីជំនាញបានចុះមកពិនិត្យមើលភ្នំធិបតី បើទោះបីជាពួកគេមិនទាន់បានជ្រាបពីគោលបំណងរបស់មន្ត្រីជំនាញក៏ដោយ។
ពលរដ្ឋ បន្តថា «ពួកខ្ញុំ និងអ្នកភូមិនៅអត់ទាន់ដឹងថា មន្ត្រីចុះមកធ្វើអីផង ពួកខ្ញុំដឹងតែម្យ៉ាង គឺនាំគ្នាសប្បាយចិត្ត ដោយបានឃើញបែបនេះ ពិសេសការយកចិត្តទុកដាក់និងភ្នំមួយនេះ ដែលជាភ្នំប្រវត្តិសាស្ត្រ និងវប្បធម៌ឲ្យផុតពីការបំផ្លិចបំផ្លាញក្រុមឈ្មួញ»៕
អត្ថបទ៖ សៅ សារិទ្ធ
សម្ដេចតេជោ៖ ដំណើរទស្សនកិច្ចទៅចិន រៀបចំទុកមុនជិត២ខែ មិនមែនទៅទាំងតក់ក្រហល់ ដូចលោកជេម សុខ ថាឡើយ
លោក ហេង សួរ ៖ ការបង្រួបបង្រួមអង្គការវិជ្ជាជីវៈមិនមែនជាការដាក់កំហិត ឬបំបិទសិទ្ធិសេរីភាពសហជីពណាមួយនោះទេ
ឥណ្ឌូណេស៊ី និងកាណាដា គ្រោងគ្នាទម្លាក់របាំងពាណិជ្ជកម្មសំខាន់ៗ ចាប់ពីឆ្នាំ ២០២៦
អាជ្ញាធរស្រុកសេសាន សាងសង់ផ្លូវបន្ថែមនៅឃុំស្រែគរ ដើម្បីយកឃុំនេះធ្វើជាគំរូមុនគេ
ការទទូចចូលណាតូរបស់អ៊ុយក្រែន មិនអាចសម្រេចឡើយ ដោយសារ «Consensus»
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ២១ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
បច្ចេកវិទ្យា៧ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា