ព័ត៌មានជាតិ
ក្នុងពេលអវត្តមានព្រះមហាក្សត្រ និងប្រធានព្រឹទ្ធសភា តើឥស្សរជនណាត្រូវទទួលភារៈជាប្រមុខរដ្ឋស្ដីទីបន្ត?
នៅព្រឹកថ្ងៃទី៩ ខែកញ្ញា ឆ្នាំ២០២៤នេះ ប្រមុខរដ្ឋស្ដីទី និងជាប្រធានព្រឹទ្ធសភា សម្ដេចតេជោ ហ៊ុន សែន បានអញ្ជើញចាកចេញពីរាជធានីភ្នំពេញ ឆ្ពោះទៅកាន់ប្រទេសកូរ៉េខាងត្បូង ដើម្បីចូលរួមក្នុងវេទិកាចំណេះដឹងពិភពលោកលើកទី២៥ និងអញ្ជើញធ្វើទស្សនកិច្ចនៅទីនោះ ចាប់ពីថ្ងៃទី៩ ដល់ថ្ងៃទី១៣ ខែកញ្ញា ឆ្នាំ២០២៤។ ការចេញទៅកូរ៉េខាងត្បូង ពេលនេះ ស្របពេលដែលព្រះមហាក្សត្រកម្ពុជាអវត្តមាននៅក្នុងប្រទេសផងដែរ ពោលគឺព្រះករុណាព្រះមហាក្សត្រ កំពុងគង់ពិនិត្យព្រះរាជសុខភាពនៅឯប្រទេសចិន។
តើនៅក្នុងពេលដែលអវត្តមានអង្គព្រះមហាក្សត្រ និងប្រធានព្រឹទ្ធសភា តើភារកិច្ចជាប្រមុខរដ្ឋស្តីទីនៃកម្ពុជា ត្រូវជំនួសដោយឥស្សរជនរូបណា?
ប្រមុខរដ្ឋស្តីទី ជាតំណែងកំពូលមួយដែលទទួលឋានៈជាព្រះរាជានុសិទ្ធិ នៅពេលអវត្តមានព្រះប្រមុខរដ្ឋ។ ព្រះមហាក្សត្រ គឺជាព្រះប្រមុខរដ្ឋរបស់កម្ពុជាពេញមួយព្រះជន្ម។ ក្នុងករណីដែលព្រះមហាក្សត្រពុំអាចបំពេញព្រះរាជភារៈជាព្រះប្រមុខរដ្ឋបានដូចធម្មតា ដោយព្រះអង្គទ្រង់ប្រឈួនជាទម្ងន់ នៅពេលដែលព្រះមហាក្សត្រ ត្រូវព្យាបាលព្រះរោគនៅបរទេស ក៏ដូចជាក្នុងរយៈពេលដែលព្រះមហាក្សត្រទ្រង់អវត្តមាននៅក្នុងប្រទេស គឺប្រធានព្រឹទ្ធសភា ត្រូវទទួលភារៈជាប្រមុខរដ្ឋស្តីទី។ នេះបើយោងតាមរដ្ឋធម្មនុញ្ញនៃកម្ពុជា ត្រង់មាត្រា ១១.-ថ្មី មាត្រា ២៨.-ថ្មី និងមាត្រា ៣០.-ថ្មី។
ក្នុងករណីដែលប្រធានព្រឹទ្ធសភា ពុំមានលទ្ធភាពបំពេញភារកិច្ចជាប្រមុខរដ្ឋស្ដីទីជំនួសព្រះមហាក្សត្រ ក្នុងឋានៈជាព្រះរាជានុសិទ្ធិ ដូចមានចែងខាងលើ ប្រធានរដ្ឋសភា ជាអ្នកបំពេញភារកិច្ចនេះជំនួស។ បន្ថែមពីនេះ បើតាមវាក្យខ័ណ្ឌទី៣ នៃមាត្រា ១១ថ្មី ការទទួលភារកិច្ចជាប្រមុខរដ្ឋស្ដីទីនេះ ក៏អាចនឹងដូរឥស្សរជនផ្សេងទៀត តាមឋានានុក្រម ជាអាទិ៍ អនុប្រធានទី១ ព្រឹទ្ធសភា អនុប្រធានទី១ រដ្ឋសភា អនុប្រធានទី២ ព្រឹទ្ធសភា និងអនុប្រធានទី២ រដ្ឋសភា។
ជាក់ស្ដែង អវត្តមានក្នុងពេលតែមួយនៃព្រះករុណា ព្រះមហាក្សត្រ កំពុងគង់ពិនិត្យព្រះរាជសុខភាពនៅប្រទេសចិន និងសម្ដេចតេជោ ហ៊ុន សែន ប្រធានព្រឹទ្ធសភា អញ្ជើញទៅកាន់ប្រទេសកូរ៉េ នាពេលនេះ ការទទួលភារកិច្ចជាប្រមុខរដ្ឋស្ដីទីនៃកម្ពុជា នឹងត្រូវជំនួសដោយប្រធានរដ្ឋសភា គឺសម្តេចមហារដ្ឋសភាធិការធិបតី ឃួន សុដារី៕
-
ជីវិតកម្សាន្ដ៦ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៤ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម២ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៦ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានអន្ដរជាតិ២ ម៉ោង ago
វៀតណាម ជួបគ្រោះផ្ទួនៗ ព្យុះទីហ្វុងផង រញ្ជួយដីផង
-
ព័ត៌មានអន្ដរជាតិ៥ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
ព័ត៌មានអន្ដរជាតិ៥ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង