ព័ត៌មានជាតិ
គម្រោងបង្កើតមូលនិធិម្នាក់១ម៉ឺនដុល្លារ គឺជាក្បាច់បោកចាស់គំរឹលរបស់ក្រុមជ្រុលនិយមដែលពលរដ្ឋមិនត្រូវចូលរួម
សហជីពនៅកម្ពុជា បានលើកឡើងថា គម្រោងបង្កើតមូលនិធិម្នាក់១ម៉ឺនដុល្លារជួយអភិវឌ្ឍខេត្តខ្មែរ ក្នុងលក្ខខណ្ឌឱ្យរដ្ឋាភិបាលដកខ្លួនពី CLV នោះគឺជាក្បាច់បោកប្រាស់ចាស់គំរឹល ដើម្បីប្រមូលយកលុយ របស់ជនក្បត់ជាតិ ៣ជំនាន់ សម រង្ស៊ី ក្នុងគោលបំណងបង្កចលាចលផ្តួលរំលំរដ្ឋាភិបាល។
លោក អ៊ុន ដារ៉ា ប្រធានសហភាពសហជីពកម្ពុជាពន្លឺកម្មករ សម្តែងការហួសចិត្តដែលក្រុមប្រឆំាងគ្រោងបង្កើតមូលនិធិដើម្បីប្រមូលលុយពីបងប្អូនរហូតដល់ខ្ទង់ម៉ឺនដុល្លារ។ លោកថាការយកលេស CLV ទៅបង្កើតមូលនិធិជួយអភិវឌ្ឍខេត្តទាំង៤នោះ គឺជាការបោកប្រាស់ជាក់ស្តែង ហើយបងប្អូនដែលចូលរួមមូលនិធិនោះនឹងខាតបង់លុយចោលទទេមិនខាន។
លោកថ្លែងថា៖«គេប្រមូលលុយទៅអត់មានធ្វើអីទេ យកលុយយើងទៅដើម្បីដាក់ហោប៉ៅពួកគេទេ ចឹងខ្ញុំសុំឱ្យបងប្អូនពិចារណា ហើយជឿជាក់លើរាជរដ្ឋាភិបាលរបស់យើង លោកមានសុភនិច្ឆ័យច្បាស់លាស់ លោកគិតគូរច្បាស់ណាស់មិនមែនលោកដូចពួកនោះចេះតែដើរបោកពេញវាលពេញកាលចឹងទេ ចឹងខ្ញុំសុំឱ្យបងប្អូនយើងពិចារណាឡើងវិញ»។
លោក ហង្ស រ៉ាវី ប្រធានសហភាពសហជីពរក្សាសិទ្ធិកម្មករកម្ពុជា ថ្លែងថា ការបង្កើតមូលនិធិម្នាក់១ម៉ឺនដុល្លារ ដើម្បីអភិវឌ្ឍខេត្តខ្មែរ គឺជាការបោកប្រាស់ទាំងស្រុង ដែលមានជនក្បត់ជាតិ៣ជំនាន់នៅពីក្រោយខ្នង ព្រោះការប្រមូលលុយលើកណាក៏ដោយ មិនដែលបានធ្វើជាប្រយោជន៍ណាមួយសម្រាប់ប្រទេសជាតិឡើយ ជាក់ស្តែងយកទៅដាក់តែហោប៉ៅខ្លួនឯង។
លោកថ្លែងថា៖«ខ្ញុំគិតថាវាគឺជារឿងបោកប្រាស់ទាំងស្រុង ដោយមានជនក្បត់ជាតិ៣ជំនាន់នៅពីក្រោយ។ដោយមានបទពិសោធស្រាប់ទាក់ទងការរៃលុយជាមួយបងប្អូនប្រជាពលរដ្ឋ ក៏ដូចបងប្អូនកម្មករ នៅទូទាំងប្រទេសកន្លងមកគឺ រៃលុយដើម្បីតែអត្ថប្រយោជន៍ផ្ទាល់ខ្លួន របស់ក្រុមឧទ្ទាមក្រៅច្បាប់តែប៉ុណ្ណោះ ហើយរូបភាពនេះ ខ្ញុំសូមបញ្ជាក់ថា គឺជារូបភាពបោកប្រាស់សុទ្ធសាធរបស់ក្រុមឧទ្ទាមក្រៅច្បាប់ទាំងអស់»។
ចំណែក លោក តែប តុន អនុប្រធានសហភាពពលកម្មជាតិកម្ពុជា បានលើកឡើងថា បងប្អូនប្រជាពលរដ្ឋដែលមិនបានស្វែងយល់ ហើយស្តាប់តែតាមក្រុមប្រឆាំងមួយក្តាប់តូចនៅក្រៅប្រទេសកុហកបោកប្រាស់នោះ នឹងខាតបង់លុយដោយឥតប្រយោជន៍មិនខាន។
លោកថ្លែងថា៖«រាជរដ្ឋាភិបាល រួមទាំងពួកខ្ញុំជាប្រជាពលរដ្ឋនៅទីនេះគឺមិនអនុញ្ញាតឱ្យ ប្រទេសណារំលោភលើបូរណភាពទឹកដី ហើយក៏មិនអនុញ្ញាតឱ្យគេមកយកដី យើងសូម្បីតែមួយមិល្លីមែត្រ នោះដែរ យើងក៏ចេះស្នេហាជាតិដែរ យើងក៏ចេះស្រលាញ់ទឹកដីដែរ សូមអំពាវនាវដល់បងប្អូនយើងបញ្ឈប់ ការចាញ់បោករបស់ជនអគតិមួយចំនួននៅក្រៅប្រទេសដែលមានបំណងផ្តួលរំលំរដ្ឋាភិបាល»៕
-
ព័ត៌មានអន្ដរជាតិ៧ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៤ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ៤ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ៧ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៥ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៥ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៦ ថ្ងៃ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ