ព័ត៌មានជាតិ
អតីតអ្នកសារព័ត៌មាន ២រូប ចែករំលែកពីបទពិសោធការសិក្សា និងការងារដល់សិស្សវិទ្យាល័យជិត ១ពាន់នាក់ នៅស្រុកល្វាឯម
អតីតអ្នកសារព័ត៌មាន ២រូប គឺលោកបណ្ឌិត ទូច សុខៈ ដែលបច្ចុប្បន្នជាអ្នកនាំពាក្យរងក្រសួងមហាផ្ទៃ និង លោក រ៉េន រតនៈ បច្ចុប្បន្នជាអ្នកនាំពាក្យឯកឧត្តមអភិសន្តិបណ្ឌិត ស សុខា បានចុះទៅចែករំលែកពីបទពិសោធការងារ ព័ត៌មានទូទៅពាក់ព័ន្ធនឹងការសិក្សា និងការឆ្លងកាត់ជីវិតពីសិស្សទៅជានិស្សិត និងពីនិស្សិតទៅជាអ្នកបម្រើការងារតាមស្ថានប័នរដ្ឋ និងឯកជន។ ការចែករំលែកនេះ បានធ្វើឡើងនៅវិទ្យាល័យ ហ៊ុន សែន ទឹកឃ្លាំង កាលពីថ្ងៃទី០៩ ខែកញ្ញា ឆ្នាំ២០២៤ ដោយមានសិស្សថ្នាក់ទី១១ និងថ្នាក់ទី១៣ ជិត១ពាន់នាក់ចូលរួម។
ការចែករំលែករបស់អតីតអ្នកសារព័ត៌មានទាំង ២រូបនេះ ទទួលបានការគាំទ្រយ៉ាងពេញទំហឹងពីលោកបណ្ឌិត កន សុខកាយ អភិបាលស្រុកល្វាឯម ហើយធ្វើឡើងដោយមានការសម្របសម្រួលពីការិយាល័យអប់រំ យុវជន និងកីឡា ស្រុក។ លោក រ៉េន រតនៈ ដែលធ្លាប់ប្រកបអាជីពព័ត៌មានជាង ១០ឆ្នាំ បានប្រាប់ថា នេះ គឺជាលើកទី៣ ហើយដែលលោកបានចូលរួមសម្របសម្រួលរៀបចំវគ្គចែករំលែកបទពិសោធន៍ និងព័ត៌មានសំខាន់ៗដល់សិស្សានុសិស្សក្នុងស្រុកល្វាឯម ដែលជាស្រុកកំណើតរបស់លោកផ្ទាល់។
លោក រ៉េន រតនៈ បានលើកឡើងថា ការចុះមកចែករំលែករបស់រូបលោក និង លោកបណ្ឌិត ទូច សុខៈ នាពេលនេះ បន្ទាប់ពីលោកបានសង្កេតឃើញបទពិសោធជោគជ័យប្រកបដោយគុណភាពដែលឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានរៀបចំវគ្គនេះនៅតាមបណ្ដាវិទ្យាល័យទូទាំងខេត្តព្រៃវែង។ វគ្គចែករំលែកនៅខេត្តព្រៃវែងនោះ បានធ្វើឱ្យសិស្សានុសិស្ស ជាពិសេស សិស្សនៅថ្នាក់ទី១២ ទទួលបានព័ត៌មានច្រើនពាក់ព័ន្ធជម្រើសសិក្សា និងការងារ រួមទាំងបទពិសោធន៍ផ្សេងៗ ក្រោយពីពួកគេបញ្ចប់ការសិក្សាថ្នាក់ទី១២។ ជាក់ស្ដែងសម្រាប់រូបលោក និងសិស្សជំនាន់មុនៗ គឺបានបញ្ចប់ការសិក្សាថ្នាក់ទី១២ ដោយភាពមិនច្បាស់លាស់ ពោលគឺមិនច្បាស់ថាខ្លួនគួររៀនជំនាញអ្វី ចង់ធ្វើអ្វី និងត្រូវរៀបចំជីវិតសិក្សា និងការងារដោយរបៀបណាជាដើម។
ចំណែក លោកបណ្ឌិត កន សុខកាយ អភិបាលស្រុកល្វាឯមវិញ បានថ្លែងអំណរគុណដល់លោកបណ្ឌិត ទូច សុខៈ និងលោក រ៉េន រតនៈ ដែលចុះមកចែករំលែកនេះ។ ជាមួយការអរគុណ លោកអភិបាលចាត់ទុកវគ្គចែករំលែកនេះថា ជាអំណោយផ្នែកពុទ្ធិដ៏ពិសេសថ្មីមួយទៀតសម្រាប់សិស្សានុសិស្សស្រុកល្វាឯម បន្ថែមលើការបង្ហាត់បង្រៀនរបស់លោកគ្រូ អ្នកគ្រូ និងការបើកវគ្គបំប៉នត្រៀមប្រឡងបាក់ឌុបដោយឥតគិតថ្លៃផ្ដល់ជូនដោយឯកឧត្តម អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ។
គួរបញ្ជាក់ថា ក្រៅពីចែករំលែកនូវបទពិសោធពាក់ព័ន្ធនឹងការសិក្សា និងការងារ លោកបណ្ឌិត ទូច សុខៈ និង លោក រ៉េន រតនៈ ក៏បានផ្ដល់អំណោយសៀវភៅ «រៀនពី ហ៊ុន សែន ដើម្បីជោគជ័យ» និងសៀវភៅ «ទស្សនៈសម្ដេចក្រឡាហោម ស ខេង ឆ្នាំ២០២១» សរុបជាងប្រមាណ ១ ១០០ក្បាល ជូនសាលាស្រុកល្វាឯម វិទ្យាល័យ ហ៊ុន សែន ទឹកឃ្លាំង និងវិទ្យាល័យ ហ៊ុន សែន ល្វាសរ ព្រមទាំងចែកជូនសិស្សានុសិស្សដែលបានចូលរួមផងដែរ៕
-
ព័ត៌មានអន្ដរជាតិ៤ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ២ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានជាតិ១ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ២ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៤ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានអន្ដរជាតិ៤ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ១ ថ្ងៃ ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់
-
ព័ត៌មានអន្ដរជាតិ២ ថ្ងៃ ago
ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់