ព័ត៌មានជាតិ
មណ្ឌលភ្នំពេញ មានបេក្ខជនប្រឡងជាប់ឌីប្លូម ជាង ១ ម៉ឺន ៦ ពាន់នាក់ ស្មើនឹងជាង ៩០%
ការប្រឡងសញ្ញាបត្រមធ្យមសិក្សាបឋមភូមិ ឬឌីប្លូម ដែលបានប្រព្រឹត្តិទៅកាលពីថ្ងៃទី ២ និងបានប្រកាសលទ្ធផលប្រឡងនៅថ្ងៃទី ៩ កញ្ញា ហើយជាលទ្ធផលនៅមណ្ឌលប្រឡងរាជធានីភ្នំពេញមានបេក្ខជនប្រឡងជាប់ប្រមាណជាង ១ ម៉ឺន ៦ ពាន់នាក់ ស្មើនឹងជាង ៩០% ក្នុងចំណោមបេក្ខជនមកប្រឡង ១៨ ៣០៤ នាក់។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញ បានឱ្យដឹងនៅព្រឹកថ្ងៃទី ១០ កញ្ញា នេះថា សម្រាប់ប្រឡងឌីប្លូមឆ្នាំនេះ នៅមណ្ឌលប្រឡងភ្នំពេញមានបេក្ខជនដាក់ពាក្យប្រឡងចំនួន ១៨ ៥២៦ នាក់ ស្រី ៩ ៤៩៨ នាក់ មាន ៦៤ មណ្ឌល ចែកជា ៧៧៧ បន្ទប់ ក្នុងនោះមានបេក្ខជនមកប្រឡងចំនួន ១៨ ៣០៤ នាក់ ស្រី ៩ ៣៩៨ នាក់ ក្នុងនោះមានបេក្ខជនប្រឡងជាប់ចំនួន ១៦ ៥៨៩ នាក់ ស្រី ៨ ៧៦១ នាក់ ស្មើនឹង ៩០,៦៣%។ បេក្ខជនប្រឡងជាប់និទ្ទេសល្អចំនួន ១១.២១% បេក្ខជនជាប់និទ្ទេសល្អបង្គួរ ៣២.៧៣% និងបេក្ខជនជាប់និទ្ទេសមធ្យម ៥៦.០៦%។
លោកប្រធានមន្ទីរបានបន្តថា ចំនួននេះបើធៀបទៅនឹងប្រឡងឌីប្លូមឆ្នាំមុនឃើញថា មានការថយចុះ ខណៈឆ្នាំមុនក្រសួងរៀបចំប្រឡងនៅថ្ងៃទី ២ ខែតុលា ឆ្នាំ ២០២៣ មានបេក្ខជនដាក់ពាក្យប្រឡងចំនួន ១៩ ០៣៨ នាក់ ស្រី ៩ ៦៦៩ នាក់ ក្នុងនោះបេក្ខជនមកប្រឡងចំនួន ១៨ ៧៨២ នាក់ ស្រី ៩៥៨៤ នាក់។ ក្នុងនោះមានបេក្ខជនប្រឡងជាប់ចំនួន ១៧ ៥៦៤ នាក់ ស្រី ៩ ១៧១ នាក់ ស្មើនឹង ៩៣.៥២%។ បេក្ខជនប្រឡងជាប់និទ្ទេសល្អចំនួន ១៣.៧៤% បេក្ខជនជាប់និទ្ទេសល្អបង្គួរ ៣៥.៧៧% និងបេក្ខជនជាប់និទ្ទេស មធ្យម ៥០.៤៧%។
គួរបញ្ជាក់ថា សម្រាប់ការប្រឡងសញ្ញាបត្រមធ្យមសិក្សាបឋមភូមិនៅឆ្នាំនេះប្រព្រឹត្តិនាថ្ងៃទី ២ ខែកញ្ញា ឆ្នាំ ២០២៤ និងប្រកាសលទ្ធផលប្រឡងនៅថ្ងៃទី ៩ កញ្ញា ដោយមានបេក្ខជនដាក់ពាក្យប្រឡងនៅទូទាំងប្រទេសចំនួន ២០១ ៧១២ នាក់ ស្រី ១០៧ ៨០៦ នាក់ ចែកជា ២ ០៩៦ មណ្ឌលទាំងរដ្ឋ និងឯកជន ក្នុងនោះមានបេក្ខជនស្វៃរិន និងបំពេញវិជ្ជាចំនួន ៩០២ នាក់ បេក្ខជនគថ្លង់ ២៩ នាក់ និងបេក្ខជនពិការភ្នែក ១៣ នាក់ និងមានបេក្ខជនមកពីគ្រឹះស្ថានឯកជនចំនួន ១៦ ៨៤៧ នាក់ ស្រី ៨ ៥៥៥ នាក់ ដែលមានមណ្ឌលប្រឡងចំនួន ៣១៨ មណ្ឌល។
ចំពោះលទ្ធផលប្រឡងទូទាំងប្រទេសនៅមិនទាន់ដឹងនៅឡើយទេ ដោយសារក្រសួងអនុញ្ញាតឱ្យសាលានីមួយៗ ជាអ្នករៀបចំដំណើរការប្រឡងដោយខ្លួនឯង៕
អត្ថបទ ៖ សំអឿន
អាកាសធាតុត្រជាក់ខ្លាំងបន្ថែមការលំបាកដល់ការជួយសង្គ្រោះក្នុងគ្រោះរញ្ជួយដីនៅទីបេ
ស្រុកស្វាយជ្រំ រៀបចំការប្រកួតបាល់ទាត់មហាជនពានរង្វាន់រដ្ឋបាលស្រុកលើកទី១២ អបអរខួបទី៤៦ ទិវាជ័យជម្នះ ៧មករា
YouTuber កាយសម្បទាកូរ៉េម្នាក់ ស្លាប់ក្នុងអាយុ ៣៤ ឆ្នាំ ដោយសារហេតុផលសុខភាព
អាន វិសាល ក្នុងគ្រាមានបញ្ហាជាតិពុលក្នុងថ្លើម ឆ្លៀតដាស់តឿនមហាជនឱ្យប្រយ័ត្នចំពោះសុខភាព កុំឱ្យដូចខ្លួន
តេជោលីគឆ្នាំ២០២៥ នឹងកាន់តែកក្រើកជាងឆ្នាំមុន
នាយ ព្រីង ទុំ បានធូរស្បើយខ្លះ ក្រោយកាត់ជើងដោយសារជំងឺទឹកនោមផ្អែម
លោក ប៊ុន ភក្ដី ចេញមកបកស្រាយ ក្រោយការចោទប្រកាន់ថា ខ្លួនជាជនជាតិវៀតណាម មានតំណែងជាមន្ត្រីនគរបាល
ត្រាំ បន្ទោស បៃដិន ខ្លាំងៗថា បើអាមេរិក មិនចេញមុខធានាឲ្យអ៊ុយក្រែនចូលណាតូ សង្គ្រាមរុស្ស៊ីក៏មិនផ្ទុះឡើងដែរ
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
អង្គភាពក្រោមឱវាទក្រសួងមហាផ្ទៃ ច្រានចោលការចោទប្រកាន់នានាមកលើលោក ស សុខា ដោយបុគ្គល ហេង សិទ្ធី
-
ព័ត៌មានជាតិ៦ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៦ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៦ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៦ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៦ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៥ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៥ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ