ព័ត៌មានជាតិ
មន្ទីរពេទ្យកាល់ម៉ែត នឹងសង់អគារព្យាបាលថ្មីកម្ពស់២៥ជាន់មួយបន្ថែមទៀត ដើម្បីបំពេញតម្រូវការព្យាបាលអ្នកជំងឺ
មន្ទីរពេទ្យរដ្ឋដ៏ធំរបស់កម្ពុជា កាល់ម៉ែត នឹងសាងសង់អគារថ្មីកម្ពស់២៥ជាន់មួយបន្ថែមទៀត ដើម្បីបំពេញតម្រូវការពិនិត្យ និងព្យាបាលជំងឺជូនប្រជាពលរដ្ឋកម្ពុជា។ អគារសម្រាកព្យាបាលថ្មីនេះ នឹងចំណាយកញ្ចប់ថវិកាសាងសង់ចំនួន៦២លានដុល្លារអាមេរិក ហើយគ្រោងនឹងបើកការដ្ឋានសាងសង់ជាផ្លូវការនៅថ្ងៃទី១៦ ខែកញ្ញា ឆ្នាំ២០២៤ ខាងមុខនេះ។ នេះបើតាមការអះអាងឱ្យដឹងរបស់លោក ឈាង រ៉ា រដ្ឋមន្រ្តីក្រសួងសុខាភិបាល នៅព្រឹកថ្ងៃពុធនេះ។

អគារថ្មីនេះ នឹងផ្ទុកចំនួនគ្រែអ្នកជំងឺយ៉ាងច្រើន ហើយនឹងបំពាក់ទៅដោយបរិក្ខាវេជ្ជសាស្រ្តទំនើបៗ ដើម្បីពិនិត្យ និងព្យាបាលជំងឺប្រជាពលរដ្ឋឱ្យកាន់តែមានប្រសិទ្ធភាព និងទាន់ពេលវេលា។ គម្រោងសាងសង់អគារថ្មីនេះធ្វើឡើង បន្ទាប់ពីមន្ទីរពេទ្យកាល់ម៉ែតទើបត្រូវបានដាក់សម្ពោធឱ្យប្រើប្រាស់ជាផ្លូវការនូវអគារសម្រាកព្យាបាល“អគារតេជោអភិវឌ្ឍន៍” កាលពីអំឡុងឆ្នាំ២០២៣ កន្លងទៅ។ អគារនេះ បានប្រើប្រាស់កញ្ចប់ថវិកាសាងសង់ចំនួន៧០ លាន ៣សែនដុល្លារ និងចំណាយចំនួន១១លាន ៣សែនដុល្លារទៀត ទៅលើសម្ភារៈបរិក្ខា។ កញ្ចប់ថវិកានេះ គឺច្រើនជាងការចំណាយលើគម្រោងសាងសង់អគារថ្មីកម្ពស់២៥ជាន់ទៅទៀត។

“អគារតេជោអភិវឌ្ឍន៍” នេះ មានផ្ទុកគ្រែអ្នកជំងឺប្រមាណ៤៦៥គ្រែ និងមានបន្ទប់វះកាត់ចំនួន១០ ដោយបំពាក់ឧបករណ៍បច្ចេកវិទ្យាវេជ្ជសាស្ត្រឈានមុខដែលប្រមូលផ្តុំទៅដោយឯកទេសវេជ្ជសាស្ត្រ និងសល្យសាស្ត្រសំខាន់ៗទាំងអស់ រួមទាំងផ្នែកសង្គ្រោះបន្ទាន់ ផ្នែកប្រពោធនកម្មពហុឯកទេសទំនើបទៀតផង។ ឧបករណ៍វេជ្ជសាស្ត្រទំនើបៗទាំងនេះ សុទ្ធតែនាំចូលមកពីប្រទេសអាលឺ្លម៉ង់ និងសហរដ្ឋអាមេរិក ដើម្បីឆ្លើយតបទៅនឹងតម្រូវការ ក៏ដូចជាក្តីរំពឹងរបស់ប្រជាពលរដ្ឋកម្ពុជា លើសេវាសុខភាពសាធារណៈនៅក្នុងប្រទេសកម្ពុជា។

សូមបញ្ជាក់ថា នៅក្នុងឆ្នាំ២០២៣ កន្លងទៅ ប្រជាពលរដ្ឋកម្ពុជាប្រមាណជិត១៤លាននាក់ បានមកទទួលការពិនិត្យ និងព្យាបាលនៅមន្ទីរពេទ្យនានានៅក្នុងប្រទេស ខណៈប្រជាពលរដ្ឋប្រមាណ២០ ទៅ២៥ម៉ឺននាក់បានទៅពិនិត្យ និងព្យាបាលជំងឺនៅក្រៅប្រទេស។ តួលេខនេះ មានន័យថា ប្រជាពលរដ្ឋដែលទៅពិនិត្យ និងព្យាបាលនៅក្រៅប្រទេសមានតែ១.៥%ប៉ុណ្ណោះ ខណៈនៅក្នុងស្រុកមានដល់ទៅ ៩៨.៥%ឯណោះ។ សម្រាប់លោករដ្ឋមន្រ្តី ឈាង រ៉ា ការដែលប្រជាពលរដ្ឋកម្ពុជាចេញទៅពិនិត្យ និងព្យាបាលនៅក្រៅប្រទេសមិនមែនជារឿងចម្លែកអ្វីនោះទេ ព្រោះថា មិនមែនពលរដ្ឋកម្ពុជាឡើយ សូម្បីតែពលរដ្ឋនៅប្រទេសផ្សេងៗនៅក្នុងតំបន់ ក៏បានទៅទទួលសេវាពិនិត្យ និងព្យាបាលជំងឺនៅឯបរទេសដូចគ្នាផងដែរ៕

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី