ព័ត៌មានជាតិ
រដ្ឋមន្រ្តីក្រសួងរៀបចំដែនដី សន្យាបញ្ចប់ការវាស់វែងដីធ្លីឲ្យរួចរាល់ មុនបំណាច់ឆ្នាំ ២០២៨
លោក សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់បានអះអាងថា រហូតមកដល់ពេលនេះ ក្រសួងបានចុះវាស់វែងក្បាលដីបានប្រមាណ ២ លាន ៣ សែនក្បាលដី ខណៈនៅសល់ក្បាលដីជាង ១ លានទៀត គ្រោងនឹងចុះវាស់វែងឱ្យចប់សព្វគ្រប់នៅបំណាច់ឆ្នាំ ២០២៨ ខាងមុខ។
ថ្លែងបើកពិព័រណ៍វិស័យសំណង់ និងសម្ភារៈសាងសង់ខ្នាតអន្តរជាតិលំដាប់លេខ ១ នៅមជ្ឈមណ្ឌលពិព័រណ៍ និងសន្និបាតកោះពេជ្រនៅព្រឹកថ្ងៃទី ១១ កញ្ញានេះ លោកឧបនាយករដ្ឋមន្ត្រីបានបន្តថា នេះលើកទី ១ និងជាប្រវត្តិសាស្ត្រដែលកម្ពុជាបានវាស់វែងចុះបញ្ជីដី្លទាំងអស់នៅទូទាំងប្រទេស ខណៈសម្តេចតេជោបានផ្តើមនៅឆ្នាំ ១៩៨៩ ហើយឆ្នាំ ២០២៩ ខាងមុខនឹងត្រូវខួបទី ៤០ នៃការចុះបញ្ជីដីធ្លីនៅកម្ពុជា។

នៅក្នុងខួប ៤០ ឆ្នាំខាងមុខនេះ យើងប្តេជ្ញាថានឹងចុះបញ្ជីដីធ្លីឱ្យរួចរាល់នៅត្រឹមខែធ្នូឆ្នាំ២០២៨។ ប៉ុន្តែយើងត្រូវចំណាយពេលវេលាចេញបណ្ណ ហើយរឿងនេះនឹងលែងធ្វើឱ្យប្រជាជនកម្ពុជាឈឺក្បាលបន្តទៀតហើយ។
លោកឧបនាយករដ្ឋមន្ត្រីបានបន្ថែមថា ចំពោះបញ្ហាជម្លោះដីធ្លីដែលពីដើមអាណត្តិ យើងបានដាក់ចេញថាបង្កើតបរិយាកាសគ្មានវិវាទដីធ្លីនៅកម្ពុជារហូតមកដល់ពេលនេះ យើងបានទទួលបរិយាកាសមួយថាមិនមានទៀតទេដូចជាបញ្ហាធំៗ បញ្ហារសើប បញ្ហានយោបាយនិងពាក់ព័ន្ធនឹងបញ្ហាសេដ្ឋកិច្ចគឺបញ្ចប់អស់ហើយ ពោលគឺនៅសេសស់រឿងតូចៗហើយបញ្ហានេះយើងនឹងព្យាយាមដោះស្រាយបញ្ចប់តែម្តង។

យ៉ាងណាក៏ដោយ លោកឧបនាយករដ្ឋមន្ត្រីបានបញ្ជាក់ថា នេះមិនមែនមានន័យថាយើងបានបញ្ចប់វិវាទដីធ្លី ១០០% នោះទេ ព្រោះថានៅមានវិវាទរវាងបុគ្គលនិងបុគ្គល វាជារឿងពិបាកដោះស្រាយលុះត្រាតែបុគ្គលនីមួយៗស្រុះស្រួលគ្នាទើបបានបញ្ចប់។ បើមិនព្រមចប់យើងក៏មិនដឹងធ្វើម៉ិចដែរ តែយើងនៅតែបន្តជួយសម្របសម្រួលជាមួយពួកគាត់ដើម្បីដោះស្រាយឱ្យបានលឿន៕
អត្ថបទ៖ សំអឿន

-
ព័ត៌មានអន្ដរជាតិ១៧ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?