ព័ត៌មានជាតិ
ក្រសួងដែនដី នឹងបង្កើតសេវាឌីជីថលទំនើបដើម្បីផ្តល់សេវាជូនពលរដ្ឋលឿនរហ័សទាន់ចិត្ត
ក្រសួងរៀបចំដែនដី នគរូបនីយកម្មនិងសំណង់ នឹងបង្កើតសេវាឌីជីថលថ្មីមួយទំនើបដែលមានឈ្មោះថា «សេវាគាប់ចិត្ត»
ដើម្បីផ្តល់សេវាជូនប្រជាពលរដ្ឋលឿនរហ័សទាន់ចិត្តដោយមិនចាំបាច់ចំណាយពេលធ្វើដំណើរទៅកាន់មន្ទីរសុរិយាដី ឬច្រកចេញចូលតែមួយដូចមុនទៀតទេ។
ថ្លែងបើកពិព័រណ៍វិស័យសំណង់ និងសម្ភារៈសាងសង់ខ្នាតអន្តរជាតិលំដាប់លេខ១ ចាប់ពីថ្ងៃទី១១ ដល់ថ្ងៃទី១៣នៅមជ្ឈមណ្ឌលកោះពេជ្រ លោក សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់បានមានប្រសាសន៍ថា «យើងខ្ញុំកំពុងប្រែក្លាយសេវាគាប់ចិត្តទាំងនេះទៅជាសេវាឌីជីថល។ ហើយបច្ចុប្បន្ននេះសេវាមន្ត្រីជំនាញក្រសួងកំពុងធ្វើជិតរួចរាល់ហើយដែរនៅរង់ចាំពេលវេលាបន្តិចទៀតគឺបានចប់ហើយ»។
លោកឧបនាយករដ្ឋមន្ត្រីបានបន្តថា នៅពេលសេវានេះដាក់ដំណើរការទៅថ្ងៃក្រោយ សេវាសុរិយាដី សេវាសំណង់ប្រជាពលរដ្ឋទាំងអស់គឺអាចចុចតាមទូរស័ព្ទបានពោល គឺសេវានៅនឹងបាតដៃប្រជាពលរដ្ឋក្នុងករណីចង់លក់ផ្ទះ ឬផ្ទេរកម្មសិទ្ធទៅកូន ឬប្អូនគឺនៅលើទូរស័ព្ទទាំងអស់ដោយមិនចាំបាច់ចំណាយពេលវេលាទៅមន្ទីរសុរិយាដី ឬច្រកចេញចូលតែមួយដូចមុនទៀតទេ។
លោកឧបនាយករដ្ឋមន្ត្រីបានបន្ថែមថា ការបង្កើតសេវាគាប់ចិត្តនេះ គឺក្រសួងចង់ធ្វើយ៉ាងណាឱ្យប្រជាពលរដ្ឋខ្មែរមានភាពងាយស្រួល និងចង់ឃើញប្រទេសខ្មែរតូចច្រឡឹងងាយស្រួលក្នុងការរស់នៅ។
ពាក់ព័ន្ធនឹងរឿងបុរីវិញ លោកឧបនាយករដ្ឋមន្ត្រីបានបញ្ជាក់ថា ក្រសួងនឹងដោះស្រាយជូនប្រជាពលរដ្ឋឱ្យបានល្អប្រសើរហើយបច្ចុប្បន្ននេះក្រសួងបានដោះស្រាយជិតចប់សព្វគ្រប់ហើយនៅសេសសល់បន្តិចបន្តួចទៀតនឹងបញ្ចប់ឆាប់ខាងមុខនេះដើម្បីឱ្យប្រជាពលរដ្ឋខ្មែរមានលំនៅដ្ឋានស្អាតល្អ ឬមានទ្រនំសុភមង្គល។
លោកឧបនាយករដ្ឋមន្ត្រីបានឱ្យដឹងទៀតថា «អីចឹងយើងខ្ញុំនៅក្រសួងធ្វើមិញដោះស្រាយបញ្ហាបុរីនេះឱ្យឆាប់ចប់ដើម្បីឱ្យគាត់មានផ្ទះនៅរស់នៅឱ្យសុខស្រួលកុំឱ្យមានហ្មងសៅមាន ម្ហូបលើតុសម្បូរបែបមានការងារធ្វើមានប្រាក់ចំណូល និងកូនទៅរៀន អានេះជាអ្វីៗដែលយើងខ្ញុំធ្វើសម្រាប់ប្រជាជន»៕
អត្ថបទ៖ សំអឿន
-
ព័ត៌មានជាតិ៣ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៧ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ៧ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ សប្តាហ៍ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៧ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ១ សប្តាហ៍ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
សេដ្ឋកិច្ច៧ ថ្ងៃ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៣ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ