Connect with us

ព័ត៌មានជាតិ

កម្ពុជា-វៀតណាម វាយតម្លៃខ្ពស់ចំពោះកិច្ច​សហការប្រឆាំងបទល្មើសនាំមកនូវសន្តិភាពតាមព្រំដែន

បានផុស

នៅ

កម្ពុជា និងវៀតណាម បានវាយតម្លៃខ្ពស់ចំពោះកិច្ចសហប្រតិបត្តិការរវាងប្រទេសទាំងពីរក្នុងឆ្នាំ ២០២៣-២០២៤ ដោយឈរលើមូលដ្ឋានទំនាក់ទំនងល្អ ដែលនាំមកនូវសន្តិភាពតាមព្រំដែន និងកាត់បន្ថយបទល្មើសឆ្លងដែនផ្សេងៗ។

ការវាយតម្លៃនេះធ្វើឡើងតាមរយៈលោក ហេង មករា មេបញ្ជាការរង កងទ័ពជើងគោកកម្ពុជា និង លោក ដាំង វ៉ាន់ឡឹម ( DANG VAN LAM ) មេបញ្ជាការរង យោធភូមិភាគទី៧ នៃកងទ័ពប្រជាជនវៀតណាម នៅក្នុងកិច្ចប្រជុំប្តូរវេន ស្តីពីការបូកសរុបលទ្ធផលកិច្ចសហប្រតិបត្តិការឆ្នាំ ២០២៣-២០២៤ ដែលបានរៀបចំឡើងនៅ ទីក្រុងហូជីមិញ ប្រទេសវៀតណាម។ នេះបើយោងតាមការចុះផ្សាយរបស់ កងទ័ពជើងគោកនៃកងយោធពលខេមរភូមិន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈកិច្ចប្រជុំនះ ភាគីទាំងពីរបានវាយតម្លៃថា កិច្ចសហប្រតិបត្តិការឆ្នាំ ២០២៣-២០២៤ រវាងប្រទេស កម្ពុជា-វៀតណាម ឈរលើមូលដ្ឋានទំនាក់ទំនងល្អប្រសើរ រវាងរដ្ឋាភិបាល ក្រសួងការពារជាតិ ប្រជាជន និងកងទ័ពនៃប្រទេសទាំងពីរ កាន់តែជិតស្និទ្ធ យោគយល់ និងជឿជាក់លើគ្នាទៅវិញទៅមក។

កិច្ចសហការនេះ ក៏បានរួមចំណែកកសាង និងការពារខ្សែរបន្ទាត់ព្រំដែនគោកនៃប្រទេសទាំងពីរ កម្ពុជា-វៀតណាម ប្រកបដោយសន្តិភាព មិត្តភាព ស្ថិរភាព និងសហប្រតិបត្តិការដើម្បីរួមគ្នាអភិវឌ្ឍន៍ប្រទេសស្របតាមពាកស្លោក“ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង” ។

បើតាមប្រភពខាងលើ តាមរយៈលទ្ធផលនេះ ពិតជាបានចូលរួមចំណែកយ៉ាងសំខាន់ក្នុងការថែរក្សាបាននូវព្រំដែនដែនមិត្តភាព សន្តិភាព ស្ថិរភាព និងការអភិវឌ្ឍ ព្រមទាំងកាត់បន្ថយរាល់បទល្មើសឆ្លងដែនផ្សេងៗដែលជាការបង្កលក្ខណៈងាយស្រួលឱ្យប្រជាជននៃប្រទេសទាំងពីរបានផ្លាស់ប្តូរសេដ្ឋកិច្ច និងប្រកបរបររកស៊ីទៅវិញទៅមក រួមចំណែក ដល់ការកាត់បន្ថយភាពក្រីក្ររបស់ប្រជាជននៃប្រទេសទាំងពីរ។

កិច្ចប្រជុំដែលភាគីវៀតណាមធ្វើជាម្ចាស់ផ្ទះនាពេលនេះ គឺពិតជាមានសារៈសំខាន់ណាស់សម្រាប់ភាគីកងទ័ពនៃប្រទេសទាំងពីរ ក្នុងការពង្រឹងពង្រីកចំណងនៃការរិតចំណងសាមគ្គីភាព កិច្ចសហប្រតិបត្តិការ ក្នុងការថែរក្សាសន្តិសុខ និងស្ថិរភាព កាន់តែល្អប្រសើរ ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

​​ អ្នកតវ៉ា​​ជិត​៩០​នាក់​ត្រូវឃុំខ្លួន ខណៈ​​​លោក Yoon យល់​ព្រម​ចូលសវនា​​តុលាការធម្មនុញ្ញ

កីឡា២ ម៉ោង មុន

ក្រសួង​អប់រំ ណែនាំ​​៣​ចំណុច​ឲ្យ​ សហព័ន្ធ​គុន​ខ្មែរ​បោះ​ឆ្នោត​ជ្រើស​រើស​ប្រធាន​ថ្មី

ព័ត៌មានជាតិ២ ម៉ោង មុន

មិត្តស្រីមហាសេដ្ឋី Bezos ស្លៀកពាក់មិនសមរម្យនៅក្នុង​ពិធី​ស្បថ​ឡើង​កាន់​តំណែងរបស់លោក ត្រាំ

ព័ត៌មានអន្ដរជាតិ២ ម៉ោង មុន

BYD គ្រោងបញ្ចប់ការសាងសងរោងចក្រផលិតរថយន្តអគ្គិសនី ១ ប៊ីលាន​ដុល្លារ នៅឥណ្ឌូណេស៊ី ចុងឆ្នាំនេះ

សន្តិសុខសង្គម២ ម៉ោង មុន

ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន

Sokha Hotels

ព័ត៌មានពេញនិយម