ព័ត៌មានជាតិ
សមាគមធានារ៉ាប់រងកម្ពុជា រៀបចំការប្រកួតកីឡាវាយសីសប្បុរសធម៌លើកទី២ យកថវិកាជួយមន្ទីរពេទ្យគន្ធបុប្ផា និងមន្ទីពេទ្យកុមារអង្គរ
សមាគមធានារ៉ាប់រងកម្ពុជា បានប្រមូលផ្ដុំក្រុមហ៊ុនធានារ៉ាប់រងចំនួន៧ ស្វែងរកជើងឯក ដើម្បីយកថវិកាពីជ័លាភីទាំងនេះ មកជូនមន្ទីរពេទ្យគន្ធបុប្ផា និងមន្ទីរពេទ្យកុមារអង្គរ។
លោក ប៊ូ ច័ន្ទភីរូ អគ្គនាយក នៃនិយ័តករធានារ៉ាប់រងកម្ពុជា (ន.ធ.ក.) បានមានប្រសាសន៍ក្នុងកម្មវិធីប្រកួតកីឡាវាយសី នៅព្រឹកថ្ងៃទី ១៤ ខែកញ្ញា ឆ្នាំ២០២៤ ថា គោលបំណងនៃការរៀបចំការប្រកួតកីឡាវាយសីសប្បុរសធម៌សម្រាប់មន្ទីរពេទ្យគន្ធបុប្ឆា និងមន្ទីពេទ្យកុមាអង្គរ រួមមាន៖ បង្ហាញពីសកម្មភាពសង្គមរួមគ្នារបស់វិស័យធានារ៉ាប់រង ដើម្បីរៃអង្គាសថវិកាសប្បុរសធម៌សម្រាប់ការគាំទ្រមន្ទីរពេទ្យគន្ធបុប្ផា និងមន្ទីពេទ្យកុមាអង្គរ ។
លោក អគ្គនាយក មានប្រសាសន៍បន្ថែមថា ក្រៅពីនេះ កម្មវិធីប្រកួតកីឡាវាយសីសប្បុរសធម៌នេះ ក៏មានគោលបំណង រឹតបន្តឹងទំនាក់ទំនងមិត្តភាពក្នុងចំណោមអ្នកប្រកបវិជ្ជាជីវៈនៅក្នុងវិស័យធានារ៉ាប់រង និងអតិថិជនធានារ៉ាប់រង និងបានចូលរួមលើកកម្ពស់សុខភាពតាមរយៈកីឡា ផងដែរ។
កម្មវិធីប្រកួតកីឡាវាយសីសប្បុរសធម៌នេះ មានក្រុមហ៊ុនធានារ៉ាប់រងមកពីស្ថាប័នផ្សេងៗគ្នាចំនួន ៧ ក្នុងនោះមានដូចជា៖ ក្រុមហ៊ុនធានារ៉ាប់រងអាយុជីវិត ដាយ អ៊ិឈិ ឡាយហ្វ៍ អ៊ីនសួរ៉ិនស៍ (ខេមបូឌា) ម.ក ក្រុមហ៊ុនធានារ៉ាប់រងអាយុជីវិត មេនូឡាយហ្វ៍ (ខេមបូឌា) ភីអិលស៊ី ក្រុមហ៊ុនធានារ៉ាប់រងអាយុជីវិត ព្រូដិនសល (ខេមបូឌា) ឡាយហ្វ៍ អឹសួរ៉ិនស៍ ម.ក ក្រុមហ៊ុនធានារ៉ាប់រង បាងកក អ៊ីនសួរិនស៍ (ខេមបូឌា) ក្រុមហ៊ុនធានារ៉ាប់រង ហួយវ័ន អ៊ិនសួរេន ម.ក ក្រុមហ៊ុនធានារ៉ាប់រង ហ្វតតេ អ៊ិនសួរឹនស៍ (ខេមបូឌា) និងក្រុមហ៊ុនធានារ៉ាប់រងបន្តកម្ពុជា “កម្ពុជា រី” ដែលកីឡាករ និងកីឡាការិនីចុះឈ្មោះចូលរួមប្រមាណជាង ៧១ក្រុម ស្មើនឹង១៤២នាក់ ក្នុងនោះមានកីឡាការិនីចំនួន ៤០នាក់។
ជាមួយគ្នានោះ លោក ហ៊ុយ វ៉ាថារ៉ូ ប្រធានសហគមធានារ៉ាប់រងកម្ពុជា ក៏បានបញ្ជាក់ទៀតដែរថា ថវិកាសម្រាប់ការរៀបចំកម្មវិធី បានមកពីការឧបត្ថម្ភរបស់ក្រុមហ៊ុនធានារ៉ាប់រង និងការបង់ថ្លៃចុះឈ្មោះចូលរួមប្រកួតពីសំណាក់កីឡាករ-កីឡាការិនី សរុបថវិកាប្រមូលបានមានចំនួន ១៤.២៩០ ដុល្លារអាមេរិកនេះ នឹងត្រូវយកទៅបរិច្ចាគជូនមន្ទីរពេទ្យគន្ធបុប្ផា និងមន្ទីពេទ្យកុមារអង្គរ បន្ទាប់ពីកាត់កងចំណាយលើការរៀបចំការប្រកួតរួចរាល់៕
-
ព័ត៌មានអន្ដរជាតិ៦ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៣ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៣ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានអន្ដរជាតិ៦ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៤ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានជាតិ៣ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ៥ ថ្ងៃ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ