Connect with us

ព័ត៌មានជាតិ

ពលរដ្ឋ១៥គ្រួសារ នៅភូមិត្រៀក ស្នើសុំតបណ្តាញអគ្គិសនី ទោះបីនៅដាច់ស្រយាលពីឃុំ

បានផុស

នៅ

ទោះបីជាមូលដ្ឋានពួកគាត់រស់នៅហាក់បីដូចជាដាច់ស្រយាលពីគេបន្តិចក៏ដោយ ក៏ពលរដ្ឋរស់នៅភូមិត្រៀក ឃុំស្រែអំបិល ចង់ឱ្យមានបណ្តាញអគ្គិសនីប្រើប្រាស់ប្រចាំថ្ងៃដូចពលរដ្ឋដ៏ទៃទៀតដែរ ខណៈប្រើសូឡាថាមពលមិនគ្រប់គ្រាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី នួន សុខមាន និងលោក ថៃ វិចិត្រ ជាពលរដ្ឋរស់នៅភូមិត្រៀក ឃុំស្រែអំបិល ស្រុកស្រែអំបិល ខេត្តកោះកុង បានរៀបរាប់ថា ពួកគាត់ចង់បានភ្លើងអគ្គិសនីប្រើប្រាស់ដូចពលរដ្ឋផ្សេងទៀតដែរ គ្រាមានតម្រូវការប្រើប្រាស់ប្រចាំថ្ងៃ បើធៀបនឹងការប្រើសូឡាវាមិនទៀងទាត់ទេ ម្តងមានភ្លើង ម្តងអត់មានភ្លើងលំបាកណាស់។

តំណាងប្រជាពលរដ្ឋ១៥គ្រួសារខាងលើបន្តថា គ្មានភ្លើងអគ្គិសនីប្រើ សូម្បីតែសាកថ្មទូរស័ព្ទមិនពេញនោះទេ កុំថាឡើយភ្លើងបំភ្លឺក្នុងផ្ទះ ឬចម្អិនអាហារ។ ដូច្នេះពួកគាត់ស្នើសុំដល់អាជ្ញាធរមូលដ្ឋាន ពិសេសក្រុមហ៊ុនផ្គត់ផ្គង់អគ្គិសនី ជួយពិនិត្យដោះស្រាយធ្វើយ៉ាងអោយមានបណ្តាញភ្លើងតចូលមូលដ្ឋាន ទោះបីជាពួកគាត់រស់នៅហាក់ដាច់ស្រយោលបន្តិចមែន។

លោក ហុង ប្រុស អភិបាលរងស្រុកស្រែអំបិល តបថា លោកមិនទាន់បានទទួលសំណើអ្វីមួយពីប្រជាពលរដ្ឋនៅចំណុចធ្វើអំបិល ភូមិត្រៀកនោះទេ។ ដូច្នេះលោកនឹងសាកសួរព័ត៌មានទៅកាន់លោកមេឃុំស្រែអំបិលអំពីបញ្ហានេះ។

ដោយឡែកលោក កែវ សុខ មេឃុំស្រែអំបិល អះអាងនៅថ្ងៃទី១៥ ខែកញ្ញា ឆ្នាំ២០២៤ថា ការចង់បានភ្លើងអគ្គិសនីពលរដ្ឋ គឺលោកពិតជាមិនឃើញមានសំណើជាអក្សរណាមួយពីពលរដ្ឋនោះទេ ប៉ុន្តែលោកនឹងពិភាក្សាលម្អិតជាមួយក្រុមហ៊ុនអគ្គិសនី សំរិទ្ធ ឬទី្ធ ដើម្បីចុះពិនិត្យទីតាំងជាក់ស្តែងចាប់ពីទំនប់ទឹកប្រៃរហូតដល់កន្លែងធ្វើអំបិល ក្នុងភូមិត្រៀក។
បើតាមក្រុមហ៊ុនអគ្គិសនី សំរិទ្ធ ឬទ្ធី តបឆ្លើយលោក កែវ សុខ គឺសុំរង់ចាំពេលមេឃរាំងភ្លៀងបន្តិច ពួកគេនឹងចុះត្រួតពិនិត្យជាក់ស្តែងអំពីតម្រូវការចង់បានអគ្គិសនីរបស់ពលរដ្ឋទាំងនោះ។

យោងតាមគោលនយោបាយ និងអាទិភាពរបស់រាជរដ្ឋាភិបាលកម្ពុជា ដើម្បីកាត់បន្ថយភាពក្រីក្រ និងបង្កើតសុខដុមនីយភាពការរស់នៅរបស់ប្រជាពលរដ្ឋនៅតំបន់ជនបទ រាជរដ្ឋាភិបាលជំរុញការអភិវឌ្ឍន៍អគ្គិសនីភាវូបនីយកម្មជនបទជាបន្តទៀតតាមគោលដៅយុទ្ធសាស្រ្តចំនួន២ គឺទី១ ២០២០ ភូមិទាំងអស់ក្នុងប្រទេសកម្ពុជា មានអគ្គិសនីប្រើប្រាស់ពីប្រភពអគ្គិសនីផ្សេងៗ និងទី២-ឆ្នាំ២០២៣ យ៉ាងហោច៩០ភាគរយនៃគ្រួសារទាំងអស់ទូទាំងប្រទេស នឹងមានអគ្គិសនីដែលមានគុណភាពដូចអគ្គិសនីពីខ្សែបណ្តាញជាតិប្រើប្រាស់។

យោងតាមរបាយការណ៍របស់រដ្ឋបាលខេត្តកោះកុង បង្ហាញថា ជាង៦ឆ្នាំចុងក្រោយថាមពលអគ្គិសនី ខេត្តកោះកុង ភូមិមានបណ្តាញភ្លើងអគ្គិសនីប្រើប្រាស់ចំនួន១០១ភូមិ លើភូមិសរុបចំនួន១១៩ (ប្រមាណ៨៧.៨៣%)។

ជាក់ស្តែង តំបន់ដាច់ស្រយាលមួយចំនួននៅមិនទាន់មានបណ្តាញភ្លើងអគ្គិសនីប្រើប្រាស់បានគ្រប់គ្រាន់នៅឡើយទេ ពិសេសតំបន់ដែនកោះ៕

អត្ថបទៈសិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋកម្ពុជាថ្កោលទោសអាចារ្យហ្វី និងក្រុមជ្រុលនិយមនៅក្រៅប្រទេសដែលប្រើប្រាស់ភាសាអសុរោះ និងជេរប្រមាថថ្នាក់ដឹកនាំរាជរដ្ឋាភិបាល

ព័ត៌មានជាតិ៣ ម៉ោង មុន

ក្នុងមួយឆ្នាំ២០២៤ ការ​ដឹក​ជញ្ជូន​សំរាម​យក​ទៅ​ចាក់ និង​ដុតកម្ទេចចោល​នៅ​ទីលានចាក់សំរាម​ដង្កោចំនួន ១.២៤៨.៣៩១,៨១តោន

សន្តិសុខសង្គម៤ ម៉ោង មុន

លោក ជួន ណារិន្ទ ព្រមានលុបឈ្មោះមន្ត្រីនគរបាលចរាចរណ៍ដែលអនុវត្តល្មើសវិន័យ

ព័ត៌មានអន្ដរជាតិ៤ ម៉ោង មុន

ទ្រព្យសម្បត្តិមហាសេដ្ឋីពិភពលោក កើនដល់ ១៥ ទ្រីលាន​ដុល្លារ​ក្នុងឆ្នាំ ២០២៤

ព័ត៌មានជាតិ៥ ម៉ោង មុន

ការស្រាវជ្រាវនៅឧទ្យានជាតិ​វីរៈជ័យ ប្រទះ​រកឃើញ​ឈ្លូសយក្ស ប្រភេទសត្វ​ជិតផុតពូជនៅ​កម្ពុជា

Sokha Hotels

ព័ត៌មានពេញនិយម