ព័ត៌មានជាតិ

និស្សិតមួយក្រុម ច្នៃបង្កើតឧបករណ៍ចម្រោះទឹកស្អាត សម្រាប់ប្រើប្រាស់តាមទីជនបទ

បានផុស

៤ ខែ មុន

នៅ

ថ្ងៃចន្ទ ១៦ កញ្ញា ២០២៤

ដោយ

និស្សិតមួយក្រុមសិក្សាជំនាញផ្នែកទឹកនិងបរិស្ថាននៅវិទ្យាស្ថានបច្ចេកវិទ្យាកម្ពុជា បានកែច្នៃឧបករណ៍មួយប្រភេទដែលអាចចម្រោះទឹកទៅជាទឹកស្អាតអាចទទួលទានបាន សម្រាប់ពលរដ្ឋរស់នៅទីជនបទ។

ខណៈពលរដ្ឋរស់នៅតាមទីជនបទប្រឈមកង្វះទឹកស្អាតសម្រាប់ទទួលទាន ដែលអាចបង្កផលប៉ះពាល់ដល់សុខភាព ឧបករណ៍ដែលច្នៃបង្កើតឡើងដោយក្រុមនិស្សិតនៅវិទ្យាស្ថានបច្ចេកវិទ្យាកម្ពុជា ក៏ជាផ្នែកចូលរួមលើកកម្ពស់អនាម័យនិងសុខភាពសម្រាប់ពលរដ្ឋរស់នៅនៅតំបន់ដាច់ស្រយាល ដែលខ្វះខាតប្រភពទឹកស្អាតសម្រាប់ប្រើប្រាស់ក្នុងជីវភាពប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧបករណ៍ចម្រោះទឹកស្អាតរបស់ក្រុមនិស្សិត សិក្សាជំនាញផ្នែកទឹកនិងបរិស្ថាននៅវិទ្យាស្ថានបច្ចេកវិទ្យាកម្ពុជា ត្រូវបានដាក់តាំងបង្ហាញនៅក្នុងកិច្ចប្រជុំថ្នាក់រដ្ឋមន្ត្រីបរិស្ថានមហាអនុតំបន់មេគង្គកាលពីសប្ដាហ៍មុននេះ។

បើតាមក្រុមនិស្សិតអះអាងថា ឧបករណ៍ដែលច្នៃបង្កើតឡើងនេះ ស្ថិតនៅក្នុងដំណាក់កាលសាកល្បងប៉ុណ្ណោះ ប៉ុន្តែក៏ទទួលបានវាយតម្លៃខ្ពស់សម្រាប់សុវត្ថិភាពប្រើប្រាស់៕