ព័ត៌មានជាតិ
ប.ស.ស តម្រូវឱ្យមូលដ្ឋានសុខាភិបាលឯកជន ត្រូវបំពេញតាមវិធានចំនួន ៤ មុននឹងចុះកិច្ចព្រមព្រៀងជាមួយ ប.ស.ស
បេឡាជាតិសន្តិសុខសង្គម(ប.ស.ស.) បានតម្រូវឱ្យមូលដ្ឋានសុខាភិបាលឯកជន ត្រូវបំពេញតាមវិធានចំនួន ៤ ជាមុនសិន មុននឹងចុះកិច្ចព្រមព្រៀងជាមួយ ប.ស.ស. ខណៈបច្ចុប្បន្ន ប.ស.ស. បានពង្រីកវិសាលភាពមូលដ្ឋានសុខាភិបាលជាដៃគូបានជាង ១ ៥០០ ទូទាំងប្រទេស។
យោងតាមលំហូរឯកសារចុះកិច្ចព្រមព្រៀងជាមួយបេឡាជាតិសន្តិសុខសង្គម ប.ស.ស. បានបញ្ជាក់ថា វិធានចំនួន ៤ នោះ រួមមាន ទី១.ការដាក់ពាក្យស្នើសុំជាមូលដ្ឋានសុខាភិបាលដៃគូ ប.ស.ស.ហើយ ដើម្បីក្លាយជាមូលដ្ឋានសុខាភិបាលដៃគូ ប.ស.ស. ត្រូវបំពេញសំណុំបែបបទ និងឯកសារភ្ជាប់ដូចខាងក្រោមដូចជាបំពេញពាក្យស្នើសុំចុះកិច្ចព្រមព្រៀង វិញ្ញាបនបត្របញ្ជីកាសហគ្រាស គ្រឹះស្ថានជាមួយ ប.ស.ស. សេចក្តីសម្រេចស្តីពីការបើកសេវាសុខាភិបាលឯកជនដែលនៅមានសុពលភាព ស្លាកសញ្ញាលិខិតអនុញ្ញាតពីក្រសួងសុខាភិបាលដែលនៅមានសុពលភាព រចនាសម្ព័ន្ធរបស់សេវាសុខាភិបាលឯកជន គំនូសបំព្រួញទីតាំងសេវាសុខាភិបាលឯកជន តារាងតម្លៃសេវារបស់មូលដ្ឋានសុខាភិបាលឯកជន បញ្ជីផ្ទៀងផ្ទាត់ស្តង់ដារអប្បបរមាសម្រាប់មូលដ្ឋានសុខាភិបាលឯកជន បទបង្ហាញលក្ខណសម្បត្តិរបស់មូលដ្ឋានសុខាភិបាល កិច្ចព្រមព្រៀងស្តីអំពីការស្នើសុំ និងការផ្គត់ផ្គង់ឈាម ផលិតផលឈាម រវាងមជ្ឈមណ្ឌលផ្តល់ឈាម និងមូលដ្ឋានសុខាភិបាល (ករណីមានសេវាវះកាត់) និងកិច្ចសហការជាមួយអង្គភាពគ្រប់គ្រងសេវាកម្មសំណល់វេជ្ជសាស្ត្រ។
ប.ស.ស បានបន្ថែមថា ពាក្យស្នើសុំចុះកិច្ចព្រមព្រៀង អាចទាញយកតាមរយៈ QR Code និងអាចដាក់ពាក្យស្នើសុំ មក ប.ស.ស. ស្នាក់ការកណ្តាល ឬ នៅតាមសាខា ប.ស.ស. ខេត្ត/ខណ្ឌទូទាំងប្រទេស។
ទី២.ការត្រួតពិនិត្យសំណើ និងឯកសារតម្រូវ។ បន្ទាប់ពីបានទទួលពាក្យ នាយកដ្ឋានសេវាមូលដ្ឋាន សុខាភិបាលនឹងពិនិត្យ និងផ្ទៀងផ្ទាត់ឯកសារ ហេដ្ឋារចនាសម្ព័ន្ធ ដើម្បីភ្ជាប់ប្រព័ន្ធ ប.ស.ស. និងបញ្ជរសម្រាប់សមាជិក ប.ស.ស. លក្ខណៈសម្បត្តិរបស់មូលដ្ឋានសុខាភិបាល ដោយប្រើរយៈពេល ១៥ ថ្ងៃ នៃថ្ងៃធ្វើការ។
ប.ស.ស. បានបញ្ចប់នីតិវិធីពិនិត្យលើការស្នើសុំរបស់មូលដ្ឋានសុខាភិបាល សម្រាប់ដំណាក់កាលបន្ត នៅនិយ័តករសន្តិសុខសង្គម (ន.ស.ស.) រហូតទទួលបានការអនុម័ត ទើបអាចចុះកិច្ចព្រមព្រៀង។
ទី៣.និយ័តករសន្តិសុខសង្គម (ន.ស.ស.) ពិនិត្យលើសំណើសុំចុះកិច្ចព្រមព្រៀង។ មូលដ្ឋានសុខាភិបាលទំនាក់ទំនងផ្ទាល់ទៅនិយ័តករសន្តិសុខសង្គម ដែលមានអាសយដ្ឋានផ្លូវលេខ ៩២ សង្កាត់វត្តភ្នំ ខណ្ឌដូនពេញ រាជធានីភ្នំពេញកម្ពុជា ឬទាក់ទងតាមរយៈលេខទូរស័ព្ទ (៨៥៥) ២៣ ៨៩០ ៦៦៦។ ប្រើរយៈពេល ៣០ ថ្ងៃ នៃថ្ងៃធ្វើការ (យោងសេចក្តីសម្រេច លេខ ០០៤ អ.ស.ហ.ស.ស.រ របស់អាជ្ញាធរសេវាហិរញ្ញវត្ថុមិនមែនធនាគារ)។
ទី៤.ចុះកិច្ចព្រមព្រៀងក្រោយការអនុម័តរបស់ និយ័តករសន្តិសុខសង្គម (ន.ស.ស.)។ ក្រោយមានការអនុម័តពីនិយ័តករសន្តិសុខសង្គម (ន.ស.ស.) ប.ស.ស. នឹងចាប់ផ្ដើមចុះកិច្ចព្រមព្រៀងជាមួយមូលដ្ឋាន សុខាភិបាលឯកជន ក្នុងរយៈពេល ២ ថ្ងៃ។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្ដុះបណ្ដាលវិជ្ជាជីវៈ បានពង្រីកវិសាលភាពផ្នែកថែទាំសុខភាពជាមួយមូលដ្ឋានសុខាភិបាលដែលជាដៃគូរបស់ខ្លួនបានចំនួន ១ ៥៧៣ នៅទូទាំង ២៥ រាជធានី-ខេត្ត សម្រាប់រង់ចាំបម្រើសេវាថែទាំសុខភាព និងព្យាបាលដល់សមាជិក ប.ស.ស និងបានដាក់ពង្រាយមន្ត្រី និងបុគ្គលិកសុខាភិបាលសរុបចំនួនជាង ៤៦ ០០០ នាក់ នៅទូទាំងប្រទេស ដើម្បីរង់ចាំបម្រើសេវាកម្មជូនប្រជាពលរដ្ឋប្រកបដោយក្រមសីលធម៌ និងរហ័ស៕
អត្ថបទ ៖ សំអឿន
-
ព័ត៌មានជាតិ៣ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ១ សប្តាហ៍ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ១ សប្តាហ៍ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ សប្តាហ៍ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
សេដ្ឋកិច្ច១ សប្តាហ៍ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៣ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់
-
ព័ត៌មានអន្ដរជាតិ៣ ថ្ងៃ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ