ព័ត៌មានជាតិ

កែវ ច័ន្ទនិមល ៖ ” កន្លងមក ខ្ញុំបានព្យាយាមខ្លាំងណាស់ សូមអធ្យាស្រ័យពីបងប្អូនទាំងអស់គ្នាផង!”

បានផុស

៤ years មុន

នៅ

ថ្ងៃអង្គារ ៩ មីនា ២០២១

ដោយ

ពិធីការិនីប្រចាំហង្សមាស អ្នកនាង កែវ ច័ន្ទនិមល បានពោលពាក្យបើនេះថា បន្ទាប់ពីអ្នកនាង និង ក្រុមគ្រួសារ បានឆ្លងជំងឺកូវីដ-១៩ ដែលត្រូវបានបញ្ជាក់កាលពីយប់ថ្ងៃទី៨ ខែមីនា យប់មិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយអ្នកនាង កែវ ច័ន្ទនិមល បានធ្វើតេស្ដរកឃើញជំងឺកូវីដ-១៩ រួចមក អ្នកនាងនិងក្រុមគ្រួសារ ត្រូវបានដាក់ឲ្យសម្រាកព្យាបាលនៅអតីតសណ្ឋាគារអាំងទែរកុងទីណង់តាល់ (The Great Duke) និងត្រូវបានអនុញ្ញាតឲ្យស្នាក់នៅរួមបន្ទប់ជាមួយប្ដីនិងកូន។ អំឡុងពេលសម្រាកព្យាបាលអ្នកនាង ក៏បានបញ្ចេញពាក្យមួយឃ្លាថា “កន្លងមក ខ្ញុំបានព្យាយាមខ្លាំងណាស់ សូមអធ្យាស្រ័យពីបងប្អូនទាំងអស់គ្នាផង!”។

អ្នកនាង កែវ ច័ន្ទនិមល (ពិធីករហង្សមាស) ថាខ្លួនគាត់ ប្តី និងកូនស្រីរបស់គាត់អាយុ ១០ឆ្នាំ ដែលបានធ្វើតេស្តរកូវីដ១៩ កាលពីថ្ងៃមិញនេះ គឺលទ្ធផលចេញមកមានកូវីដ១៩ ទាំង៣នាក់។ អ្នកនាង កែវ ច័ន្ទនិមល បានប្រាប់លោកមាស ឫទ្ធី ពិធីករព័ត៌មានប្រចាំស្ថានីយទូរទស្សន៍ហង្សមាសថា គាត់បានឆ្លងកូវីដ១៩ ពីអ្នកដឹកនាំថតស្ពត ឈ្មោះទីតូ ព្រោះកាលអំឡុងថ្ងៃទី ២៧-២៨ ខែកុម្ភៈ ឆ្នាំ២០២១ គាត់បានទៅជួយថតវីដេអូ ដើម្បីចូលរួមផ្សព្វផ្សាយអំពីការពារកូវីដ១៩ ហើយម្សិលមិញទើបគាត់ទទួលដំណឹងថា អ្នកដឹកនាំថតស្ពត ឈ្មោះទីតូ មានវិជ្ជមានកូវីដ១៩ (ឈ្មោះទីតូ ធ្លាប់ជួបជុំផឹកជាមួយប៉ូលិសចរាចរណ៍)៕