ព័ត៌មានជាតិ

រដ្ឋមន្ត្រីបរិស្ថានអះអាងថា នៅកម្ពុជាមានផ្សែងពុល តែមិនទាន់ដល់កម្រិតអាសន្ននោះទេ

បានផុស

៦ ថ្ងៃ មុន

នៅ

ថ្ងៃអង្គារ ១៧ កញ្ញា ២០២៤

ដោយ

លោក អ៊ាង សុផល្លែត រដ្ឋមន្ត្រីក្រសួងបរិស្ថានបានអះអាងថា នៅក្នុងប្រទេសកម្ពុជាមានផ្សែងពុល ប៉ុន្តែមិនដល់កម្រិតប្រកាសអាសន្ន និងដល់កម្រិតដែលពលរដ្ឋស្រូបខ្យល់ដកដង្ហើមចូលទៅទទួលរងឥទ្ធិពលអាក្រក់ពីផ្សែងនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញការលើកឡើង និងក្តីកង្វល់មួយចំនួនស្តីពីគុណភាព សុវត្ថិភាពខ្យល់នៅក្នុងប្រទេសកម្ពុជា នៅក្នុងសន្និសីទបញ្ចប់កិច្ចប្រជុំថ្នាក់រដ្ឋមន្ត្រីបរិស្ថានមហាអនុតំបន់មេគង្គកាលពីសប្តាហ៍មុន លោក អ៊ាង សុផល្លែត បានលើកឡើងថា គិតមកដល់ពេលបច្ចុប្បន្ននេះ កម្ពុជាមាននូវផ្សែងពុល ឬខ្យល់បំពុលក៏ពិតមែន ប៉ុន្តែផ្សែងពុលទាំងនោះ គឺមិនឈានដល់កម្រិតអាសន្ន ឬធ្វើឱ្យពលរដ្ឋទទួលរងឥទ្ធិពលអាក្រក់ពីផ្សែងនេះទេ។ ជាប្រចាំ ក្រសួងបរិស្ថានបានតាមដានយ៉ាងយកចិត្តទុកដាក់ និងបានបំពាក់ឧបករណ៍តាមដានគុណភាពខ្យល់នៅទូទាំង ២៥ រាជធានី-ខេត្ត-ក្រុង ព្រមទាំងមានរថយន្តតាមវាស់គុណភាពខ្យល់ផងដែរ។

លោកអះអាងថា «នៅទីណាដែលមានការសង្ស័យថាមានផ្សែងពុល ក្រសួងតែងតែបញ្ជូនរថយន្តទៅវាស់ពីស្ថានភាពខ្យល់នៅទីនោះភ្លាមៗ។ ហើយជាក់ស្តែង រហូតមកដល់ពេលនេះ តាមរយៈការយកចិត្តទុកដាក់ជាប្រចាំនេះដែរ គឺកម្ពុជាមិនមានផ្សែងពុល ដែលធ្វើឱ្យប៉ះពាល់ដល់សុខភាពប្រជាជននោះទេ»។

គួរបញ្ជាក់ថា កន្លងមកក្រសួងបរិស្ថាន តែងតែចេញសេចក្ដីប្រកាសព័ត៌មានជាប្រចាំស្តីពីស្ថានភាព គុណភាពខ្យល់នៅក្នុងប្រទេសកម្ពុជា ទូទាំង ២៥ រាជធានី ខេត្ត ដើម្បីឱ្យពលរដ្ឋបានដឹងនិងទទួលបានព័ត៌មានបានច្បាស់លាស់៕