ព័ត៌មានជាតិ

ឱក សុគន្ធកញ្ញា ៖ ទោះខ្ញុំមិនទាន់មានរោគសញ្ញាគួរឲ្យសង្ស័យ តែនាងខ្ញុំក៏កំពុងបន្តតាមដានសុខភាព

បានផុស

៤ years មុន

នៅ

ថ្ងៃអង្គារ ៩ មីនា ២០២១

ដោយ

តារាចម្រៀងស្រីជួរមុខ អ្នកនាង ឱក សុគន្ធកញ្ញា បាននិងកំពុងតែតាមដានសុខភាព ក្រោយមានជាប់ពាក់ព័ន្ធជាមួយពិធីការិនីប្រចាំហង្សមាស អ្នកនាង កែវ ច័ន្ទនិមល ដែលមានជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើតាមការបង្ហោះនៅក្នុងបណ្ដាញសង្គម Instagramរបស់អ្នកនាងផ្ទាល់ថា ជំរាបសួរពុកម៉ែបងប្អូនទាំងអស់គ្នា ! នាងខ្ញុំ ឱក សុគន្ធកញ្ញា អគុណខ្លាំងណាស់សម្រាប់ការយកចិត្តទុកដាក់ព្រួយបារម្ភសួរសុខទុក្ខពីនាងខ្ញុំ។ នាងខ្ញុំសូមជម្រាបជូនថា រហូតមកដល់ពេលនេះ នាងខ្ញុំមិនទាន់មានអាការៈក្ដៅខ្លួន ផ្ដាសាយ ណាមួយគួរឲ្យសង្ស័យនៅឡើយទេ !ប៉ុន្តែនាងខ្ញុំក៏កំពុងបន្តតាមដានសុខភាពខ្លួនឯងជាប្រចាំដូចគ្នា ! ។ ជាថ្មីម្ដងទៀត នាងខ្ញុំសូមអរគុណសម្រាប់ការស្រលាញ់ និងការព្រួយបារម្ភរបស់បងប្អូនទាំងអស់គ្នា ដែលបានផ្ញើសារមកសួរសុខទុកជាច្រើនដោយនាងខ្ញុំមិនបានឆ្លើយតបបានទាំងអស់គ្នា សូមអរគុណ៕