ព័ត៌មានជាតិ
ជំនន់ទឹកភ្លៀងវាយប្រហារឃុំចំនួន៥ ក្នុងស្រុកចិត្របុរី
ឃុំចំនួន៥ ក្នុងស្រុកចិត្របុរី ខេត្តក្រចេះ រងការជន់លិចយ៉ាងខ្លាំងពីជំនន់ទឹកភ្លៀងនាព្រឹកថ្ងៃទី១៧ ខែកញ្ញា ឆ្នាំ២០២៤ នេះ។
យោងតាមរបាយការណ៍ពីមន្ត្រីសាលាស្រុកចិត្របុរី បានឲ្យដឹងថា ស្ថានភាពជំនន់ទឹកភ្លៀងក្នុងស្រុកចិត្របុរី គិត្រឹមថ្ងៃទី១៧ ខែកញ្ញា ឆ្នាំ២០២៤ បង្កអោយប៉ះពាល់ឃុំចំនួន៥ ក្នុងនោះ ឃុំដារ មានភ្លៀងធ្លាក់ខ្លាំងចាប់ពីម៉ោង១និង០០នាទី ដល់ម៉ោង៤និង០០នាទីទៀបភ្លឺ ធ្វើអោយមានជំនន់់ទឹកភ្លៀងខ្លាំង ប៉ះពាល់់លិចទីធ្លារវត្តដារ លិចសាលាបឋមសិក្សាដារ លិចមណ្ឌលសុខភាពដារ ជម្រៅ ១.៤០ម៉ែត្រ។ ដោយឡែកស្រ្តីសម្រាលកូនក្រុមការងារបានសម្រួលឲ្យស្នាក់នៅជាន់ទី១ ទឹកលិច និងហូរកាត់ផ្លូវ១០កន្លែង ប្រវែង ១២៥០ម៉ែត្រ ភូមិអញ្ចាញ និងភូមិស្ទឹងស្វាយ លិចក្រោមផ្ទះអ្នកភូមិចំនួន ២០ខ្នងផ្ទះ ភូមិអញ្ចាញ និងស្ទឹងស្វាយ។ ចំពោះភូមិចំនួន៤ នៅជាប់ព្រែកទេមាន ភូមិម្រ៉ើម លិចផ្លូវ ប្រវែង១៥០០ម៉ែត្រ ភូមិតាងួន លិចផ្លូវប្រវែង ៣៥០០ម៉ែត្រ ភូមិជួរជ្រៃ លិចផ្លូវប្រវែង ១២០០ម៉ែត្រ ភូមិខ្នងពស់ លិចផ្លូវ ប្រវែង ៦៥០ម៉ែត្រ តែមិនប៉ះពាល់ដល់ ឬបង្កគ្រោះថ្នាក់ដល់មនុស្ស និងសត្វទេ។
ឃុំបុសលាវ លិចស្រូវពង្រោះ ១៧៣.៦ហិត ស្មើនឹង ៤២៥ គ្រួសារ។ លិចផ្លូវលំប្រវែង ១ ៥៥០ម៉ែត្រ។ ចម្លងគោទៅលើទួលសុវត្ថភាពបាន ១៨០ក្បាល ។ មិនទាន់លិចដល់ផ្ទះប្រជាជនទេ ចំពោះស្រូវប៉ៈពាល់លិចគ្រប់ភូមិ។
ឃុំថ្មី មានភូមិចម្រើន បានលិចស្ពានវេរប្រវែង ៥៣ម៉ែត្រ កម្ពស់ទឹក១ម៉ែត្រកន្លះ ភូមិទ្រាប បានលិចនៅស្ពានវេប្រវែង ១៥០ម៉ែត្រ កម្ពស់ទឹក ២ម៉ែត្រកន្លះ ភូមិស្វាយជ្រុំ លិចស្ពានវេរទំនប់ស្វាយជ្រុំប្រវែង ៤៥ម៉ែត្រ កម្ពស់ទឹក ០.៣០ម៉ែត្រ ភូមិត្នោត លិចស្ពានវេរប្រវែង១៥ម៉ែត្រ កម្ពស់ទឹកចំនួន ០.៩០ម៉ែត្រ។
ឃុំកន្ទួត មានភូមិអន្ទង់វៀន លិចផ្លូវក្នុងភូមិប្រវែង ៦៨០ម៉ែត្រ កម្ពស់ទឹក០.៥ម៉ែត្រ ផ្លូវភូមិកន្ទួត-ភូមិអន្ទង់វៀន លិចនៅស្ពានអូខ្នាច ប្រវែង១៥០ម៉ែត្រ កម្ពស់ទឹក ០.៥ម៉ែត្រកន្លះ។ ភូមិអង្គ្រង លិចផ្លូវប្រវែង ៦៧ម៉ែត្រ កម្ពស់ទឹក ០.៥ម៉ែត្រ ។
ឃុំសំបុក មានភូមិសំបុក លិចផ្លូវលំ ប្រវែង ៤៥០ម៉ែត្រ ជាមួយគ្នានេះ នៅរសៀលដដែលនេះ ក្រុមការងារថ្នាក់ខេត្ត រួមទាំងគណៈអភិបាលស្រុក នឹងចុះពិនិត្យស្ថានភាពប៉ះពាល់ជាក់ស្ដែងនៅមណ្ឌលសុខភាពដារ និងសាលាបឋមសិក្សា ដារ និងហេដ្ឋារចនាសម្ពន្ធ័នានាផងដែរ ៕
អត្ថបទ៖ ប្រុញ វិធិន
-
ព័ត៌មានជាតិ៥ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ៥ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៦ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៥ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ៦ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ១ សប្តាហ៍ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ
-
សេដ្ឋកិច្ច៥ ថ្ងៃ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០