ព័ត៌មានជាតិ
បកស្រាយអាថ៍កំបាំងអព្ភូតហេតុទឹកធ្លាក់តែ១កន្លែងនៅកំពង់ចាម
កាលពីថ្ងៃទី ៥ ខែមីនា ឆ្នាំ ២០២១ មានអព្ភូតហេតុកើតឡើង ស្ថិតនៅមុខរោងទូកង សារាយផ្កាយព្រឹកក្នុងវត្តប្រាសាទវត្តី ស្ថិតក្នុងភូមិតាម៉ឺន ឃុំព្រែកដំបូក ស្រុកស្រីសន្ធរ ខេត្តកំពង់ចាម ដែលធ្វើឲ្យមានការភ្ញាក់ផ្អើលដោយមានភ្លៀងធ្លាក់តែមួយកន្លែងជុំវិញដើមច្រេស និងមានសំឡេងរៃយំទ្រហឹងស្ទើរនិយាយស្តាប់គ្នាមិនបាន ហើយមានទឹកហូរចេញពីមែក ដើមច្រេសជាប់មិនដាច់។
បាតុភូតនេះ បានធ្វើឲ្យអ្នកស្រុកជិតឆ្ងាយគិតថា ជាអារក្សអារុក្ខ អារក្ខ បារមីសម្តែងឬទ្ធិនិងមានអភិនិហាកើតឡើងចេញពីដើមច្រេសនេះ។

រដ្ឋបាលស្រុកស្រីសន្ធរ ខេត្តកំពង់ចាមបានបញ្ជាក់ថា ដើមច្រេសនោះ ជាប្រភេទដើមច្រេសម្យ៉ាង មានស្លឹកនិងសំបកមានរសជាតិផ្អែមសម្បូរទៅដោយទឹក និងជាជម្រកនៃសត្វរៃ។
តាមការបកស្រាយរបស់មន្ត្រីជំនាញបានឲ្យដឹងថា នៅរាល់រដូវក្តៅពពួកសត្វរៃតែងតែហើរមកប្រជុំគ្នានៅលើដើមច្រេសនេះ ដើម្បីខាំកកេរសំបកឈើផង និងបង្កាត់ពូជគ្នាផង រៃនេះជារៃមួយប្រភេទដែលមានឈ្មោះ ជារៃបឹងមានសម្បុរស ពុកមាត់ខ្លីខ្លួនតូច រៃញីបញ្ចេញទឹកតាមគូទរបស់វាដើម្បីទាក់ទាញរៃឈ្មោលមកបង្កាត់ពូជជាមួយគ្នា មាត់កកេរសំបកឈើបណ្តើរ បញ្ចេញទឹកបណ្តើរ ធ្វើឲ្យមានទឹកផ្សែងចេញដូចរលឹមចេញពីដើមច្រស។

ហេតុការណ៍នេះ បានធ្វើឲ្យប្រជាពលរដ្ឋយល់ច្រលំថា ជាអារក្សអារុក្ខ អារក្ខ បារមីសម្តែងឬទ្ធិនិងមានអភិនិហាកើតឡើង ចេញពីដើមច្រេស នាំគ្នាទៅអុជធូបបន់ស្រន់សូមលាភ សូមជ័យ។
រដ្ឋបាលស្រុកប្រាប់ពលរដ្ឋកុំឲ្យទៅបន់ស្រន់ និងជឿថាមានអភិនិហាកើតឡើង ដែលធ្វើឲ្យប៉ះពាលដល់សុខភាពបងប្អូន នៅពេលដែលយកទឹកចេញពីដើមជ្រៃនោះទៅផឹក៕


អត្ថបទ៖ ឡេង ដេត

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី