ព័ត៌មានជាតិ
អភិបាលស្រុកចិត្របុរី ចុះពិនិត្យ និងរៀបចំទីទួលសុវត្ថិភាពដើម្បីត្រៀមជម្លៀសពលរដ្ឋ
នៅព្រឹកថ្ងៃទី១៨ ខែកញ្ញា ឆ្នាំ២០២៤ លោក យិន វណ្ណៈ អភិបាលស្រុកចិត្របុរី រួមទាំងក្រុមការងារ បានចុះពិនិត្យ និងរៀបចំទីទួលសុវត្ថិភាពក្នុងមូលដ្ឋានស្រុកចិត្របុរី ខេត្តក្រចេះ ដើម្បីត្រៀមជួយអន្តរាគមន៍ក្នុងករណីចាំបាច់ដល់ប្រជាពលរដ្ឋ ដែលជួបការលំបាកដោយទឹកជំនន់។

លោកអភិបាល យិន វណ្ណៈ បានឱ្យដឹងថា ភូមិសាស្ត្រស្រុកចិត្របុរី គឺហ៊ុមព័ទ្ធជុំវិញក្រុងក្រចេះ ដោយឃុំមួយចំនួននៅជាប់ដងទន្លេមេគង្គ និងឃុំមួយចំនួនទៀតជាប់ដងអូរ ព្រែកជាដើម។ លោកបន្ថែមថា នៅចំពោះមុខតាមកម្ពស់ទឹកនៅព្រឹកថ្ងៃទី១៨ ខែកញ្ញា នេះ គឺមានកម្ពស់ ២០.២២ម៉ែត្រ ពោលគឺមិនទាន់មានផលប៉ះពាល់ដោយសារជំនន់ទឹកទន្លេមេគង្គនោះទេ ប៉ុន្តែអ្វីដែលជួបនៅពេលនេះ ដោយសារអំឡុងពេលប៉ុន្មានថ្ងៃនេះ មានភ្លៀងធ្លាក់ជាបន្តបន្ទាប់ទាំងយប់ទាំងថ្ងៃ ទើបបណ្ដាលឱ្យប្រជាពលរដ្ឋរស់នៅក្នុងស្រុកចិត្របុរី មានឃុំចំនួន៥ ក្នុងនោះមាន ឃុំបុសលាវ ឃុំសំបុក ឃុំកន្ទួត និងឃុំថ្មី រងផលប៉ះពាល់ គឺជន់លិចផ្លូវលំ ចូលក្រោមផ្ទះរបស់ប្រជាពលរដ្ឋមួយចំនួន លិចចូលក្នុងបរិវេនវត្តអារាម មណ្ឌលសុខភាព សាលារៀន និងដំណាំរួមផ្សំមួយចំនួនទៀត។
ដោយឡែកពាក់ព័ន្ធជំនន់ទឹកភ្លៀងដែលជន់លិចនៅតាមតំបន់មួយចំនួនក្នុងស្រុកចិត្របុរីនេះ មិនមានប៉ះពាល់ដល់អាយុអាយុជីវិតប្រជាពលរដ្ឋនោះទេ ហើយចំពោះសត្វពាហនៈក៏អត់ដែរ តែឃុំមួយចំនួនក៏ត្រូវបានជម្លៀសសត្វពាហនៈទៅកាន់ទីទួលសុវត្ថិភាព។

បើទោះបីជាមិនទាន់ឈានដល់ចំណុចប្រឈមជាមួយនឹងជំនន់ទឹកទន្លេមេគង្គ និងជំនន់ទឹកភ្លៀងក្តី ក្នុងនាមថ្នាក់ដឹកនាំខេត្ត តំណាងលោកអភិបាលខេត្ត ប្រធានគណៈកម្មការគ្រប់គ្រងគ្រោះមហន្តរាយ បានចេញសេចក្តីណែនាំមួយដល់ថ្នាក់ដឹកនាំមន្ទីរអង្គភាពជុំវិញខេត្ត ក៏ដូចជារដ្ឋបាលក្រុង ស្រុកក្នុងខេត្ត ដើម្បីត្រៀមរៀបចំ និងយកចិត្តទុកដាក់អន្តរាគមន៍ក្នុងករណីចាំបាច់ដល់ប្រជាពលរដ្ឋ ដែលជួបការលំបាកដោយទឹកជំនន់។ គណៈបញ្ជាការឯកភាពស្រុកចិត្របុរី ក៏បានកោះប្រជុំសមាសភាពពាក់ព័ន្ធ និងកងកម្លាំងចូលរួម ដើម្បីត្រៀមទាំងមនុស្ស និងសម្ភារៈនៅក្នុងករណីមានការចាំបាច់ គឺយើងបានត្រៀមលក្ខណៈរួចរាល់ដើម្បីជួយអន្តរាគមន៍ និងបានចូលរួមផ្សព្វផ្សាយដល់ប្រជាពលរដ្ឋនៅតាមមូលដ្ឋាន ដើម្បីគាត់មានការប្រុងប្រយ័ត្ន ត្រៀមលក្ខណៈជួយអន្តរាយក្នុងករណីចាំបាច់។
សូមបញ្ជាក់ថា ក្នុងរយៈពេលប៉ុន្មានថ្ងៃនេះ កម្ពស់ទឹកទន្លេមេគង្គនៅតែបន្តកើនឡើងរហូតដល់ ២០.២២ម៉ែត្រ គិតត្រឹមព្រឹកថ្ងៃទី១៨ ខែកញ្ញា ឆ្នាំ២០២៤នេះ៕
អត្ថបទ៖ ប្រុញ វិធិន




-
សេចក្ដីជូនដំណឹង១ សប្តាហ៍ ago
រៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ ago
ចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ ago
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម១ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ