ព័ត៌មានជាតិ
មន្ត្រីយោធាកម្ពុជា-អាមេរិក បង្ហាញឆន្ទៈពង្រឹងកិច្ចសហប្រតិបត្តិការយោធារវាងប្រទេសទាំងពីរ
មន្ត្រីយោធាកម្ពុជា និងសហរដ្ឋអាមេរិក បានបង្ហាញឆន្ទៈក្នុងការបន្តពង្រឹងកិច្ចសហប្រតិបត្តិការយោធារវាងប្រទេសទាំងពីរថែមទៀត។ មន្ត្រីយោធាអាមេរិក រំពឹងថា កិច្ចសហប្រតិបត្តិការកងទ័ពទាំងពីរ នឹងកាន់តែរីការចម្រើន តាមរយៈការផ្លាស់ប្តូរទស្សនកិច្ច ការហ្វឹកហ្វឺន ការធ្វើលំហាត់រួមគ្នា ជាដើម។
នេះជាការលើកឡើងរវាងនាយឧត្តមសេនីយ៍ ម៉ៅ សុផាន់ អគ្គមេបញ្ជាការរងកងយោធពលខេមរភូមិន្ទ មេបញ្ជាការកងទ័ពជើងគោក និងលោកឧត្តមសេនីយ៍ទោ Timothy J. Donnellan មេបញ្ជាការកងកម្លាំងឆ្មាំការពារជាតិ រដ្ឋអាយដាហូ ក្នុងជំនួបនារសៀលថ្ងៃទី១៨ ខែសីហា ឆ្នាំ២០២៤ នៅទីបញ្ជាការកងទ័ពជើងគោក ភ្នំពេញ។
នាយឧត្តមសេនីយ៍ ម៉ៅ សុផាន់ បានវាយតម្លៃខ្ពស់ចំពោះទំនាក់ទំនងការទូតរវាងប្រទេសទាំងពីរ និងកិច្ចសហប្រតិបត្តិការជាច្រើន ហើយតាមរយៈដំណើរទស្សនកិច្ចរបស់ប្រមុខការពារជាតិអាមេរិក លោក Lloyd James Austin នៅកម្ពុជា កាលពីខែមិថុនា ឆ្នាំ២០២៤ គឺជាការបោះជំហានថ្មីបន្ថែមក្នុងការកសាងទំនុកចិត្ត និងការជឿជាក់ ដើម្បីធ្វើឱ្យប្រសើរឡើងនូវទំនាក់ទំនងប្រទេសទាំងពីរ ជាពិសេសក្នុងវិស័យការពារជាតិ។
លោកឧត្តមសេនីយ៍ទោ Timothy J. Donnellan បានលើកឡើងតបថា សហរដ្ឋអាមេរិក និងកម្ពុជា គឺជាដៃគូរដ៏ល្អ និងសំខាន់ ដែលចាប់តាំងពីឆ្នាំ២០០៩មក អាមេរិកបានធ្វើកិច្ចសហប្រតិបត្តិការជាមួយកម្ពុជា លើការងារប្រតិបត្តិការរក្សាសន្តិភាព មនុស្សធម៌ សង្រ្គោះគ្រោះមហន្តរាយ។ លោក សង្ឃឹមយ៉ាងមុតមាំថា កិច្ចសហប្រតិបត្តិការរវាងកងទ័ពទាំងពីរ នឹងកាន់តែរីការចម្រើន តាមរយៈការផ្លាស់ប្តូរទស្សនកិច្ច ការហ្វឹកហ្វឺន ការធ្វើលំហាត់រួមគ្នា ការចែករំលែកបទពិសោធន៍ ពាក់ព័ន្ធការងារបោសសម្អាតមីន និងសង្រ្គោះគ្រោះមហន្តរាយ។
ក្រោយបញ្ចប់ជំនួប នាយឧត្តមសេនីយ៍ ម៉ៅ សុផាន់ ក៏បានបន្តនាំឧត្តមសេនីយ៍ទោ Timothy J. Donnellan និងប្រតិភូ ទស្សនាអតីតមន្ទីរឃុំឃាំងបណ្តោះអាសន្នរបស់អតីតមេដឹកនាំខ្មែរក្រហម នៃអង្គជំនុំជម្រះវិសាមញ្ញក្នុងតុលាការកម្ពុជា៕
-
ព័ត៌មានជាតិ៣ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៧ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ៧ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ១ សប្តាហ៍ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ១ សប្តាហ៍ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ១ សប្តាហ៍ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
សេដ្ឋកិច្ច៧ ថ្ងៃ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០
-
ព័ត៌មានអន្ដរជាតិ៣ ថ្ងៃ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ