ព្រឹកថ្ងៃនេះ រដ្ឋសភា នឹងបោះឆ្នោតផ្ដល់សេចក្ដីទុកចិត្តកែសម្រួលសមាសភាពរាជរដ្ឋាភិបាល២រូប

នៅព្រឹកថ្ងៃទី២០ ខែកញ្ញា ឆ្នាំ២០២៤នេះ រដ្ឋសភា បានបើកសម័យប្រជុំពេញអង្គរដ្ឋសភាជាវិសាមញ្ញ នីតិកាលទី៧ ដើម្បីបោះឆ្នោតផ្តល់សេចក្តីទុកចិត្តលើការកែសម្រួលសមាសភាពរាជរដ្ឋាភិបាលកម្ពុជាចំនួន ២រូប តាមសំណើរបស់នាយករដ្ឋមន្ត្រី។

សម័យប្រជុំរដ្ឋសភាជាវិសាមញ្ញ នាព្រឹកនេះ ដឹកនាំដោយសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ដោយមានវត្តមានចូលរួមពីសមាជិក-សមាជិករដ្ឋសភាសរុប១០៥រូប ព្រមទាំងមានវត្តមានសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងនាមជាតំណាងរាស្រ្តមណ្ឌលរាជធានីភ្នំពេញ។

ជាការកត់សម្គាល់ ការកែសម្រួលសមាសភាពរាជរដ្ឋាភិបាលកម្ពុជាពេលនេះ ខណៈដែលរាជរដ្ឋាភិបាល នីតិកាលទី៧ ទើបតែចូលកាន់តួនាទីបានជាង១ឆ្នាំ៕