អាជ្ញាធរសង្កាត់ចោមចៅទី ៣ ដាក់គ្រឿងចក្រស្ដារប្រឡាយ​អមផ្លូវជាតិលេខ ៤ បញ្ចៀសការជន់លិច

រដ្ឋបាល​សង្កាត់​ចោមចៅ​ទី ៣ ដឹកនាំ​ដោយ លោក វ៉ា សាវឿន ចៅសង្កាត់ និង​ក្រុមការងារ បាន​ដាក់​គ្រឿងចក្រ​កាយ​ស្តារ​ប្រឡាយ​មេ ដែល​អម​សងខាង​ផ្លូវជាតិ​លេខ ៤ ដើម្បី​សម្រួល​ចរន្តទឹក​បញ្ចៀស​ការ​ជន់​លិច​នា​រដូវវស្សា។

ដោយ​ឃើញ​ថា ប្រឡាយ​មេ​អម​សងខាង​ផ្លូវ​ជាតិ​លេខ ៤ ក្នុង​ភូមិ​អង្គ​កែវ អូ​ដឹ​ម ព្រៃ​ស្វាយ មូលដ្ឋាន​សង្កាត់​ចោមចៅ​ទី ៣ ពោរពេញ​ទៅ​ដោយ​សំរាម និង​ស្មៅ​ស្ទះ​នូវ​ចរន្តទឹក​ហូរ​ខ្លាច​ជន់​លិច​នា​រដូវវស្សា ទើប​នៅ​ព្រឹក​ថ្ងៃ​ទី ២០ ខែ​កញ្ញា ឆ្នាំ ២០២៤ នេះ លោក វ៉ា សាវឿន ចៅសង្កាត់​ចោមចៅ​ទី ៣ ដឹកនាំ​ក្រុមការងារ​ដាក់​គ្រឿងចក្រ​កាយ​ស្តារ​យក​សំរាម និង​ស្មៅ​ចេញពី​ប្រឡាយ សម្រួល​ចរន្ត​ទឹក​ហូរ ដោយ​មាន​ប្រវែង ១ ៥០០ ម៉ែត្រ ក្នុង​មូលដ្ឋាន​សង្កាត់​ចោមចៅ​ទី ៣ រហូត​ទៅ​ដល់​ព្រំប្រទល់​ខណ្ឌ​កំបូល៕

អត្ថបទ ៖ សុខា