ព័ត៌មានជាតិ
អ្នកនាំពាក្យ៖ ខេត្តមួយចំនួនរបស់កម្ពុជារងការជន់លិច តែមិនបង្កគ្រោះថ្នាក់ដល់ជីវិតទេ
ក្នុងរយៈពេលប៉ុន្មានថ្ងៃមកនេះ ព្យុះបានវិវត្តន៍ខ្លួនជាបន្តបន្ទាប់បង្កឱ្យមានភ្លៀងធ្លាក់ នៅតាមបណ្តាខេត្តមួយចំនួន ដែលធ្វើឱ្យមានជំនន់ទឹកភ្លៀងកើតឡើង តែមិនបង្កគ្រោះថ្នាក់ដល់អាយុជីវិតពលរដ្ឋទេ។ នេះបើតាមការបញ្ជាក់របស់អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី២០ ខែកញ្ញា ឆ្នាំ២០២៤។

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានប្រាប់ «កម្ពុជាថ្មី» ថា គិតមកដល់ពេលនេះ កម្ពុជាមិនទាន់ទទួលរងឥទ្ធិផល និងផលប៉ះពាល់ពីព្យុះទី១៥ នៅឡើយទេ ហើយជំនាញកំពុងតាមដានយ៉ាងយកចិត្តទុកដាក់ទៅលើការវិវត្តន៍របស់ព្យុះទី១៥ នេះ។ ប៉ុន្តែក្នុងរយៈពេលប៉ុន្មានថ្ងៃមកនេះ ខេត្តមួយចំនួនរបស់កម្ពុជា បានទទួលរងនូវទឹកភ្លៀងច្រើន ធ្វើឱ្យជំនន់ទឹកភ្លៀងកើតឡើងទៅលើខេត្តមួយចំនួនដូចជា ស្ទឹងត្រែង មណ្ឌលគិរី ក្រចេះ សៀមរាប ត្បូងឃ្មុំ ព្រះសីហនុ តែមិនប៉ះពាល់ធ្ងន់ធ្ងរនោះឡើយ។
ឆ្លើយតបទៅនឹងសភាពការខាងលើនេះ អាជ្ញាធរតាមមូលដ្ឋាន មានសមត្ថកិច្ចបានធ្វើការជម្លៀសប្រជាជន ទៅតំបន់មានសុវត្ថិភាព និងការពារនូវសុខសុវត្ថិភាព របស់ប្រជាពលរដ្ឋបានទាន់ពេលវេលា។ អ្នកនាំពាក្យរូបនេះ បានឱ្យដឹងទៀតថា ជារៀងរាល់ឆ្នាំ រាជរដ្ឋាភិបាល បានត្រៀមបម្រុងរួចជាស្រេចនូវថវិកាពិសេស សម្រាប់ជួយអន្តរាគមន៍ក្នុងការឆ្លើយតប ក៏ដូចជាការស្តាឡើងវិញ តាមរយៈប្រព័ន្ធត្រៀមបម្រុង ព្រមទាំងត្រៀមនូវគ្រឿងឧបភោគបរិភោគ និងសម្ភារៈ ពូជដំណាំ ពូជស្រូវ ជាដើម ដើម្បីស្តាឡើងវិញផងដែរ។

សូមបញ្ជាក់ថា តាមការប្រកាសរបស់ ក្រសួងធនធានទឹក និងឧតុនិយម នៅព្រឹកថ្ងៃទី២០ ខែកញ្ញា នេះ ព្យុះទី១៤ ឈ្មោះ ពូលឡាសាន ជាមួយនឹងព្យុះទី១៥ ឈ្មោះ ស៊ូលីក (Soulik) នៅតែបន្ដជះឥទ្ធិពលគ្របដណ្ដប់ខ្លាំងមកលើព្រះរាជាណាចក្រកម្ពុជា ដែលនឹងធ្វើឱ្យបណ្ដារាជធានី-ខេត្ត មួយចំនួនមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដីចាប់៥០% ទៅ ៦០%៕
អត្ថបទ៖ គេន ម៉ាលិះ





-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?