ព័ត៌មានជាតិ

អាជ្ញាធរខណ្ឌពោធិ៍សែនជ័យ ដាក់គ្រឿងចក្រឈូសឆាយផ្លូវមួយខ្សែ នៅភូមិទួលពង្រ

បានផុស

២ នាទី មុន

នៅ

ថ្ងៃសុក្រ ២០ កញ្ញា ២០២៤

ដោយ

ផ្លូវលំមួយខ្សែដែលរងការខូចខាតទ្រុឌទ្រោមសម្បុកមាន់ជាយូរមកហើយ ពិបាកដល់ប្រជាពលរដ្ឋប្រកបរបរ និងធ្វើដំណើរ ពេលនេះត្រូវបានអាជ្ញាធរដាក់គ្រឿងចក្រឈូសឆាយ ដើម្បីងាយស្រួលធ្វើដំណើរឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក ផ្លូវខាងលើនេះរងការខូចខាតទ្រុឌទ្រោមខ្លាំង ពេលភ្លៀងមកម្តងៗ ផ្លូវរអិល ជង្ហុកតូច-ធំ ពិបាកដល់ប្រជាពលរដ្ឋធ្វើដំណើរ ក៏ដូចជាប្រកបរបរផ្សេងៗ។

ដោយមានមតិដឹកនាំពី លោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ នៅព្រឹកថ្ងៃទី ២០ ខែកញ្ញា ឆ្នាំ ២០២៤ លោក ប៉ាង លីដា អភិបាលរងខណ្ឌ បានដឹកនាំក្រុមការងាររដ្ឋបាលខណ្ឌ ចុះពិនិត្យចាក់ថ្ម និងឈូសឆាយពង្រាបថ្ម តាមបណ្ដោយផ្លូវលំមួយខ្សែ ស្ថិតនៅក្រុម ៥ ភូមិទួលពង្រ សង្កាត់ចោមចៅទី ១ ខណ្ឌពោធិ៍សែនជ័យ មានប្រវែងប្រហែល ៤០០ ម៉ែត្រ ដោយប្រើប្រាស់ថវិកា ផ្ទាល់របស់លោកអភិបាលខណ្ឌពោធិ៍សែនជ័យ៕

អត្ថបទ ៖ សុខា