ព័ត៌មានជាតិ
កំណាត់ផ្លូវសិរីកានៅកោះកុង កំពុងរងការខូចខាតដោយមានជង្រុកធំជ្រៅៗងាយគ្រោះថ្នាក់
កោះកុង ៖ រដូវវស្សាឆ្នាំនេះ ខុសពីឆ្នាំមុន ដោយកំណាត់ផ្លូវសិរីកាប្រវែងប្រមាណ២គីឡូម៉ែត្រ កំពុងរងការខូចខាតដាច់ដុំដោយកន្លែងបង្កដល់ការចរាចរណ៍ធ្វើដំណើរទៅមករបស់ប្រជាពលរដ្ឋ និងអ្នកទេសចរផងដែរ ខណៈផ្លូវ១ខ្សែជាសក្តានុពលខាងផ្នែកទេសចរណ៍។
ផ្លូវកៅសិរីកា ស្ថិតនៅសង្កាត់ស្ទឹងវែង ក្រុងខេមរភូមិន្ទ ដែលកំពុងរងការខូចខាតដែលបង្កការរំខានដល់ការធ្វើដំណើរដឹកជញ្ជូនទិន្នផលនេសាទ និងទៅលេងកម្សាន្តនៅតំបន់អេកូទេសចរណ៍ធម្មជាតិព្រៃកោងកាងពាមក្រសោបជាប់នឹងស្រុកមណ្ឌលសីមា។
តំណាងប្រជាពលរដ្ឋតែងតែអាស្រ័យការបើកបរទៅមក លើកំណាត់ផ្លូវកៅស៊ូនេះ បានត្អូញត្អែរនៅថ្ងៃទី១៩ ខែកញ្ញា ឆ្នាំ២០២៤ថា ពួកគាត់ពិតជាលំបាកធ្វើដំណើរដោយមានជង្រុកធំជ្រៅៗងាយគ្រោះថ្នាក់ផ្សេងៗ ដូច្នេះពួកគាត់ក៏ស្នើសុំជាថ្មីម្តងទៀតដល់អាជ្ញាធរខេត្ត និងមន្ទីរជំនាញ មេត្តាជួយពិនិត្យជួសជុលកែលម្អកៅស៊ូ១ខ្សែនេះ ឱ្យបានល្អប្រសើរងាយស្រួលចរាចរណ៍ឡើងវិញផង។
ពាក់ព័ន្ធបញ្ហាចង់បានផ្លូវល្អងាយស្រួលធ្វើដំណើរ ត្រូវបានលោក សំ ឃិតវៀន អភិបាលរងខេត្តកោះកុង អះអាងថា នៅថ្ងៃទី២០ ខែកញ្ញា ឆ្នាំ២០១៤ថា រដ្ឋបាលខេត្តកោះកុង ទទួលយកសំណើរបស់ពលរដ្ឋ ហើយដឹងពីការលំបាកធ្វើដំណើររបស់ពលរដ្ឋ ក៏ដូចជាអ្នកទេសចរមិនថាតែរដូវវស្សា ឬប្រាំង។
លោកអភិបាលរងខេត្តកោះកុង បន្តទៀតថា មិនយូរនោះទេ ឱ្យតែមេឃរាំងភ្លៀងដាច់គ្រាប់ ក្រុមការងារមន្ទីរសាធារណៈការ និងដឹកជញ្ជូនខេត្ត នឹងដាក់គ្រឿងចក្រចុះជួសជុលឲ្យល្អមានសុវត្ថិភាពវិញហើយ ក្រោមគម្រោងអភិវឌ្ឍន៍មូលនិធិកញ្ចប់ថវិការបស់រដ្ឋបាលខេត្ត តាមរយៈការអ៊ុតកៅស៊ូប្រភេទ DBST។
លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង ក៏ឱ្យដឹងដែរថា ក្រុមការងាររបស់លោកនឹងអ៊ុតកៅស៊ូលើកំណាត់ផ្លូវសិរីកាដែលរងខូចខាតមានប្រវែងជិត២គីឡូក្រោម ទទឹង៧ម៉ែត្រ និងកម្រាស់៧ហ៊ុន បន្ទាប់ពីទទួលសហការជាមួយក្រុមហ៊ុនឯកជន ដើម្បីលើកកម្ពស់គុណភាពផ្លូវខាងលើ។
ប៉ុន្តែទោះយ៉ាងណា លោកក៏សុំអធ្យាស្រ័យពីប្រជាពលរដ្ឋ និងអ្នកទេសចរទាំងអស់ កំពុងជួបការលំបាកធ្វើដំណើរទៅមកលើកំណាត់ផ្លូវ១ខ្សែអំឡុងរដូវវស្សា ដោយសង្ឃឹមថា អ្នកពាក់ព័ន្ធនឹងយោគយល់ពីបញ្ហាប្រឈមដោយសារអាកាសធាតុនេះ។
នៅពេលដែលដឹងដំណឹងថា នឹងមានការជួសជុលផ្លូវជាង២គីឡូម៉ែត្រនេះ ពលរដ្ឋបង្ហាញការរីករាយ ដោយជឿជាក់ថា ពេលជួសជុលហើយនឹងមានសុវត្ថិភាពសម្រាប់ការធ្វើចរាចរណ៍ ពិសេសបង្កើនភាពទាក់ទាញអ្នកទេសចរមកលេងកម្សាន្តនៅខេត្តកោះកុងកាន់តែច្រើន៕
អត្ថបទ ៖ សិរីវឌ្ឍនៈ
អ្នកនាំពាក្យ៖ ធម្មនុញ្ញវិជ្ជាជីវៈសារព័ត៌មានកំពុងត្រូវបានអនុវត្តយ៉ាងពេញលេញសម្រាប់ការងារ និងតម្រូវការប្រចាំថ្ងៃ
វត្តព្រះពុទ្ធសាសនានៅថៃត្រូវគ្រូបរទេសបង្រៀនអង់គ្លេស ប្រែក្លាយជាការបង្រៀនទ្រឹស្តីសាសនាផ្សេង
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
អភិបាលរាជធានីចុះពិនិត្យទីតាំងបាក់ស្រុតផ្លូវបេតុងអបប្រឡាយស្ទឹងមានជ័យ និងណែនាំឱ្យជួសជុលជាបន្ទាន់
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា