ព័ត៌មានជាតិ
នាយករដ្ឋមន្ត្រីសម្រេចចេញវិធានការបូជាសម្រាប់ “សព” ដែលស្លាប់ដោយជំងឺកូវីដ-១៩
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃនេះ បានសម្រេចចេញវិធានការជាបន្ទាន់មួយ ពាក់ព័ន្ធសពដែលបានស្លាប់ដោយជំងឺកូវីដ-១៩ ហើយក្នុងនោះសម្តេចបានយកវិធានការ “បូជា” ជំនួយឲ្យការកប់ បើទោះជានៅតាមបណ្តាប្រទេសខ្លះមិនមានវប្បធម៌បូជាក៏ដោយ ជាមួយគ្នានោះសម្ដេចក៏តម្រូវឲ្យអាជ្ញាធរខេត្តទាំងអស់រៀបចំទីតាំងប៉ាឆាឲ្យហើយផងដែរ។
សម្តេចតេជោ ហ៊ុន សែន បានមានប្រសាសន៏ថា កន្លងមកនេះដោយសារតែយើងមិនទាន់មានសភាពការណ៍ ដែលធ្វើយើងមិនទាន់រៀបចំវិធានការមួយ ដែលជាវិធានការចាំបាច់ចុងក្រោយនោះ គឺករណីមរណភាពរបស់អ្នកដែលមានជំងឺកូវីដ-១៩ ហើយបញ្ហាបានចោទឡើងថា តើយើងត្រូវបូជា ឬត្រូវកប់ ? ។
សម្តេចបញ្ជាក់ថា “អម្បាញ់មិញនេះខ្ញុំបានពិភាក្សាជាមួយ ឯកឧត្តម ម៉ម ប៊ុនហេង ដោយបានកំណត់យកវិធានការថា អ្នកដែលមានជំងឺកូវីដត្រូវតែធ្វើការបូជា។ ចំណុចនេះ គេអាចយល់បាន បើទោះបីជាថាទំនៀមទំលាប់ជនជាតិខ្លះ មិនអាចធ្វើការបូជាក៏ដោយ ប៉ុន្តែករណីពិសេសសម្រាប់ជំងឺកូវីដនេះ យើងត្រូវតែធ្វើការបូជា ជាចាំបាច់ពីព្រោះយើងមិនមានដីសម្រាប់ដាក់សពនោះទេ”។
បើតាមសម្ដេចតេជោ ហ៊ុន សែន ប្រទេសជាច្រើនបានប្រើប្រាស់ដីធ្លីកប់រហូតពីរបីជាន់ ហើយដោយគ្មានក្រុមគ្រួសារចូលរួមបាននោះទេ ដូច្នេះកម្ពុជាប្រើវិធានការបូជា ដើម្បីងាយស្រួលក្នុងការគ្រប់គ្រង។ សម្ដេចបានលើកឡើងពីប្រទេសសាំងហ្គាពួរ ដែលមានទំនៀមទំលាប់ និងវប្បធម៌កប់សព ប៉ុន្តែសម្រាប់អ្នកជំងឺកូវីដ-១៩ នេះគឺមិនតម្រូវអោយកប់ទេ ដែលសូម្បីតែអតីតនាយករដ្ឋមន្ត្រីលីខ្វាន់យូ របស់ប្រទេសសាំងហ្គាពួរ គាត់ត្រូវបានបូជាដែរ។
សម្ដេចតេជោបានបញ្ជាក់ដែរថា កម្ពុជាមិនខ្វះដីកប់ទេ ប៉ុន្តែការធ្វើនេះ គឺដើម្បីធានានូវការគ្រប់គ្រងដីធ្លី និងកុំឲ្យកើតឡើងនូវពាក្យពេជន៍ទាក់ទងទៅនឹងការដាក់សពនេះ សម្ដេចបញ្ជាក់ថាប៉ុន្មានថ្ងៃមុននេះ យើងក៏បានប្រើវិធានការបូជាចំពោះជនជាតិចិនម្នាក់ ដែលបានស្លាប់នោះដែរ ហើយពេលនេះសាលារាជធានីភ្នំពេញកំពុងតែសាងសង់ប៉ាឆាសម្រាប់បូជា។
ជាមួយគ្នានោះសម្ដេចបានស្នាឱ្យតាមបណ្ដាខេត្តនានាចាត់វិធានការរៀបចំប៉ាឆានេះឲ្យហើយ សម្រាប់បូជាសពអ្នកជំងឺកូវីដ-១៩ ហើយថ្ងៃក្រោយទៅមច្ឆានេះ នឹងប្រើប្រាស់សម្រាប់បូជាប្រជាពលរដ្ឋធម្មតា ហើយការរៀបចំប៉ាឆានេះ ត្រូវតែរៀបចំឲ្យឆ្ងាយពីលំនៅដ្ឋានរបស់ប្រជាពលរដ្ឋ។
សម្ដេចបានបញ្ជាក់ថា កន្លងមកយើងមិនទាន់បានរៀបចំពីបញ្ហានេះទេ ដោយសារតែយើងមិនទាន់គិតថា មានស្ថានភាពធ្ងន់ធ្ងរ ដែលត្រូវដោះស្រាយវិធានការនេះ តែឥឡូវនេះយើងជឿថាមានប្រសើរជាងជឿថាអត់មាន ដើម្បីកុំឱ្យយើងបាត់ម្ចាស់ការ។
សម្តេចតេជោបានលើកឡើងទៀតថា ដោយសារតែច្បាប់ស្ដីពីការគ្រប់គ្រងជំងឺកូវីដ-១៩ មានចែងលំអិតផងដែរនោះ សម្ដេចបានស្នើឲ្យលោក ម៉ម ប៊ុនហេង រដ្ឋមន្ត្រីក្រសួងសុខាភិបាល និងលោក កើត រិទ្ធ រដ្ឋមន្ត្រីក្រសួងយុត្តិធម៌ ព្រមទាំងសហការី រៀបចំតាក់តែងអនុក្រឹត្យមួយស្ដីពីការបូជាសព អ្នកដែលមានជំងឺកូវីដ-១៩ នេះ ដោយបញ្ជាក់ឱ្យបានច្បាស់ នូវចំនួនមនុស្សចូលរួម និងរយៈពេលដែលត្រូវយកទៅបូជា។ សម្ដេចបានបន្តថា ដូចដែលយើងបានឃើញហើយ ប្រទេសនានា គឺនៅពេលស្លាប់សាច់ញាតិមិនបានឃើញមុខទេ៕
អត្ថបទ៖កោះកែវ
សម្ដេចតេជោ៖ ដំណើរទស្សនកិច្ចទៅចិន រៀបចំទុកមុនជិត២ខែ មិនមែនទៅទាំងតក់ក្រហល់ ដូចលោកជេម សុខ ថាឡើយ
លោក ហេង សួរ ៖ ការបង្រួបបង្រួមអង្គការវិជ្ជាជីវៈមិនមែនជាការដាក់កំហិត ឬបំបិទសិទ្ធិសេរីភាពសហជីពណាមួយនោះទេ
ឥណ្ឌូណេស៊ី និងកាណាដា គ្រោងគ្នាទម្លាក់របាំងពាណិជ្ជកម្មសំខាន់ៗ ចាប់ពីឆ្នាំ ២០២៦
អាជ្ញាធរស្រុកសេសាន សាងសង់ផ្លូវបន្ថែមនៅឃុំស្រែគរ ដើម្បីយកឃុំនេះធ្វើជាគំរូមុនគេ
ការទទូចចូលណាតូរបស់អ៊ុយក្រែន មិនអាចសម្រេចឡើយ ដោយសារ «Consensus»
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៣ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ព័ត៌មានជាតិ១៥ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
បច្ចេកវិទ្យា៧ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
សេដ្ឋកិច្ច៤ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ