ព័ត៌មានជាតិ
មន្រ្តីបរិស្ថានខេត្តមណ្ឌលគិរី ទទួលបានដ្រូនជួយល្បាតកំណត់ទីតាំងរងការកាប់បំផ្លាញព្រៃឈើ
មន្រ្តីបរិស្ថានក្នុងខេត្តមណ្ឌលគិរីទទួលបានដ្រូនចំនួន ៤ គ្រឿង សម្រាប់ប្រើប្រាស់សម្រួលដល់ការល្បាតចាប់ទីតាំងដែលរងការកាប់បំផ្លាញព្រៃឈើនៅក្នុងខេត្តមណ្ឌលគិរី។
នៅព្រឹកមិញនេះ មន្រ្តីក្រសួងបរិស្ថានបានធ្វើពិធីប្រគល់ដ្រូននិងសម្ភារៈចាំបាច់មួយចំនួនដល់មន្រ្តីឧទ្យានុរក្សនៅស្នាក់កាលកណ្តាលដែនជម្រកសត្វព្រៃកែវសីមា ដោយមានការចូលរួមពីមន្រ្តីពាក់ព័ន្ធនិងអាជ្ញាធរខេត្តមណ្ឌលគីរី។
ថ្លែងក្នុងពិធីប្រគល់សម្ភារៈដល់មន្រ្តីឧទ្យានុរក្សនៅស្នាក់ការកណ្តាលនៃដែនជម្រកសត្វព្រៃកែវសីមា លោក ជួប ប៉ារីស៍ រដ្ឋលេខាធិការក្រសួងបរិស្ថានបានគូសបញ្ជាក់ថា ការផ្តល់ដ្រូនដល់មន្រ្តីឧទ្យានុរក្សខេត្តមណ្ឌលគិរី បង្ហាញពីការប្តេជ្ញាចិត្តរបស់រាជរដ្ឋាភិបាលក្នុងកិច្ចខិតខំប្រឹងប្រែងគ្រប់គ្រងនិងការពារធនធានធម្មជាតិ និងព្រៃឈើនៅក្នុងប្រទេសកម្ពុជា ខណៈដែលក្រសួងបរិស្ថានបានដាក់ឲ្យអនុវត្តការរិតបន្តឹង តាមរយៈការដាក់ចេញវិធានការអនុវត្តច្បាប់ ១០០% មិនលើកលែងចំពោះបទល្មើសបំផ្លាញធនធានធម្មជាតិ។
លោកបន្តថា រដ្ឋាភិបាលកម្ពុជាបានប្តេជ្ញាចិត្តអភិវឌ្ឍប្រកបដោយចីរភាព និងភាពធន់នឹងការប្រែប្រួលអាកាសធាតុ និងតុល្យភាពបរិស្ថាន។ តាមរយៈការអនុវត្តក្រមបរិស្ថាន និងធនធានធម្មជាតិ នឹងផ្តល់ជាមូលដ្ឋានគ្រឹះនៃការប្តេជ្ញាចិត្ត ក្នុងការលើកកម្ពស់ការងារគ្រប់គ្រងបរិស្ថាន ក៏ដូចជាកិច្ចការពារជីវចម្រុះ និងការអភិរក្សធនធានធម្មជាតិប្រកបដោយនិរន្តរភាពសម្រាប់ប្រទេសកម្ពុជា។
លោក ឌិន ប៊ុនធឿន អនុប្រធានមន្ទីរបរិស្ថានខេត្តមណ្ឌលគិរីបានបញ្ជាក់ថា ក្នុងខេត្តមណ្ឌលគិរី មន្ត្រីឧទ្យានុរក្សមានចំនួនតិចបើធៀបសមាមាត្រទំហំផ្ទៃដីដែលត្រូវការពារ។
លោក ឌិន ប៊ុនធឿនអះអាងថា ខណៈមន្រ្តីឧទ្យានុរក្សមានចំនួនតិចមិនទាន់ឆ្លើយតបស្ថានភាពជាក់ស្តែង ហើយវិសាលភាពផ្ទៃដីការពារធំទូលាយ ការទទួលបានឧបករណ៍ដ្រូននេះនឹងរួមចំណែកបង្កើនប្រសិទ្ធភាពក្នុងការពារធនធានធម្មជាតិ និងលើកទឹកចិត្តដល់មន្រ្តីខិតខំការពារព្រៃឈើឱ្យបានល្អប្រសើរថែមទៀត។
នៅខេត្តមណ្ឌលគិរីមានតំបន់ការពារធម្មជាតិចំនួន ៥ ដែលរួមមាន ដែនជម្រកសត្វព្រៃកែវសីមា ដែនជម្រកសត្វព្រៃស្រែពក ដែនជម្រកសត្វព្រៃភ្នំព្រេច ដែនជម្រកសត្វព្រៃភ្នំណាមលៀរ ដែនជម្រកសត្វព្រៃលំផាត់ ដែលគ្រប់ដណ្តប់លើផ្ទៃដីទំហំជាង ១ លានហិកតា។
ប្រធានការិយាល័យដែនជម្រកសត្វព្រៃកែវសីមា លោក ស៊ីន សត្ថា បានប្រាប់ថា ដ្រូនដែលទទួលបាននេះនឹងអាចប្រើជាជំនួយក្នុងការល្បាត ជួយកាត់បន្ថយចំនួនមន្រ្តីចុះអនុវត្តទៅដល់ទីវាលផ្ទាល់។
«ដ្រូនអាចហោះសង្កេតពីលើនិងអាចផ្ទៀងផ្ទាត់ផ្ទៃដីព្រៃឈើដែលរងការកាប់បំផ្លាញ ខណៈមន្រ្តីឧទ្យានុរក្សមិនអាចកំណត់ទីតាំងនៅឆ្ងាយបាននោះទេ»។ លោក ស៊ីន សត្ថា បញ្ជាក់។
សម្រាប់ផែនការបន្ទាប់ លោក ស៊ីន សត្ថា បានបន្តថា គឺការបណ្ដុះបណ្ដាលបច្ចេកទេសការប្រើប្រាស់ដ្រូនដល់មន្រ្តីឲ្យអនុវត្តមានប្រសិទ្ធភាព និងប្រើប្រាស់ចំគោលដៅ៕
មន្រ្តីបរិស្ថានខេត្តមណ្ឌលគិរី ទទួលបានដ្រូនជួយល្បាតកំណត់ទីតាំងរងការកាប់បំផ្លាញព្រៃឈើ
គម្រោងរេដបូកកែវសីមា ជួយអភិវឌ្ឍផ្លាស់ប្តូរជីវភាពសហគមន៍ចំនួន ២០ ក្នុងខេត្តមណ្ឌលគិរី
ក្រុមហ៊ុនផ្សព្វផ្សាយចិនចែក iPhone 16 Pro ដល់បុគ្គលិកនិងអ្នកហាត់ការ
រដ្ឋមន្ត្រីក្រសួងទេសចរណ៍ថ្មី ប្ដេជ្ញាអភិវឌ្ឍន៍វិស័យទេសចរណ៍កម្ពុជាឱ្យរីកចម្រើន ដើម្បីប្រយោជន៍ជាតិ
អ៊ីរ៉ង់ធ្វើព្យុហយាត្រាទូទាំងប្រទេសបង្ហាញមីស៊ីលនិងដ្រូនទើបធ្វើទំនើបកម្ម ចំពេលអ៊ីស្រាអែលវាយប្រហារហេសបូឡា
ការជម្លៀសប្រជាជនដែលរងផលប៉ះពាល់នៅខេត្តក្រចេះ មានតិចតួច ខណៈកម្ពស់ទឹកឡើងជិតដល់កម្រិតប្រកាសឱ្យប្រុងប្រយ័ត្ន
ផ្លូវកៅស៊ូសិរីកា ប្រវែងប្រមាណ ២ គីឡូម៉ែត្រ កំពុងរងការខូចខាត រំខានដល់ការធ្វើដំណើររបស់ពលរដ្ឋនៅក្រុងខេមរភូមិន្ទ
ចង់ឲ្យចិត្តស្ងប់ និងសំណាងរកលុយបានច្រើនៗ ត្រូវដាក់វត្ថុ ៥ យ៉ាងក្រោមខ្នើយគេង
ទន្លេអាម៉ាហ្សូនកំពុងជួបប្រទះគ្រោះរាំងស្ងួតខ្លាំងបំផុតក្នុងកំណត់ត្រា
វិស័យមួយចំនួនក្នុងខេត្តក្រចេះ រងផលប៉ះពាល់បង្កឡើងដោយជំនន់ទឹកភ្លៀង
-
ព័ត៌មានជាតិ៦ ថ្ងៃ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៣ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ២ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៦ ថ្ងៃ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ៥ ថ្ងៃ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
បច្ចេកវិទ្យា១ សប្តាហ៍ agoហុងដា ឌ្រីមស៊េរីថ្មី បង្ហាញវត្តមានស្របពេលបុណ្យភ្ជុំបិណ្ឌធ្វើមហាជនមានការភ្ជាក់ផ្អើល និងផ្ទុះការចាប់អារម្មណ៍ជាខ្លាំង
-
ព័ត៌មានជាតិ១ សប្តាហ៍ agoអ្នករស់នៅតាមដងទន្លេមេគង្គ ត្រូវបង្កើនការប្រុងប្រយ័ត្ន ព្រោះទឹកនឹងហក់ឡើងខ្ពស់
-
ព័ត៌មានជាតិ១ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA