ព័ត៌មានជាតិ
ជំនឿកប់សពរួមក្នុងព្រៃជនជាតិដើមភាគតិចខេត្តមណ្ឌលគិរីដាក់ពាងចំណាំំ ចែកតាមឋានៈគ្រួសារ
បើតាមលោក ព្រេង សុខសារី ប្រធានសហគមន៍តំបន់ការពារធម្មជាតិជនជាតិភាគតិចភូមិពូត្រុំក្នុងខេត្តមណ្ឌលគិរី បានឱ្យដឹងថា ជនជាតិដើមភាគតិចពូនងដែលរស់នៅក្នុងសហគមន៍ នៅតែរក្សាទំនៀមទម្លាប់កប់សពតាមបែបប្រពៃណីពីដូនតាក្នុងព្រៃសម្រាប់កប់សពរួម។
លោក ព្រេង សុខសារី គូសបញ្ជាក់ថា ជនជាតិដើមភាគតិចនៅក្នុងសហគមន៍ នៅតែនាំគ្នាបន្តកប់សពតាមបែបប្រពៃណីគឺកប់សពនៅក្នុងព្រៃតាមទំនៀមទម្លាប់តពីដូនតាមក។ សម្រាប់ជំនឿព្រៃកប់សពរបស់សហគមន៍ គឺមិនអនុញ្ញាតឱ្យប្រជាជនយកមកធ្វើស្រែចម្ការ ធ្វើផ្ទះ ឬ ឈូសឆាយ នៅលើតំបន់ព្រៃខ្មោចនោះបានទេ។
លោកថា អប្បិយជំនឿដែលនៅតែប្រកាន់ភ្ជាប់យ៉ាងតឹងរឹងនេះ ប្រសិនបើមានអ្នកណាមកប៉ះពាល់នៅលើព្រៃនៃតំបន់កប់សព កាប់ឈើ ឬឈូសឆាយដី នៅក្នុងព្រៃនេះ នឹងមានបញ្ហាកើតមានដល់គ្រួសារជនរងគ្រោះ ឬមានបញ្ហានៅក្នុងភូមិស្រុក ដូចជាឈឺថ្កាត់ ក្តៅហួតហែងជាដើម។ មួយវិញទៀត តាមជំនឿព្រៃកប់សពក៏មិនអនុញ្ញាតិឲ្យអ្នកណាទៅរកផលអនុផលនៅក្នុងព្រៃកប់ខ្មោចនេះដែរ ព្រោះប្រសិនបើចូលទៅហើយដើរជាន់ ឬកន្លងផ្នូរខ្មោច ស្មើមើលងាយដូនតា វីរបុរស និងវីរជនដែលបានស្លាប់ទៅ។
ការប្រកាន់នូវអប្បិយជំនឿនេះ ប្រធានសហគមន៍ពូត្រុំបានអះអាងថា «ប្រសិនបើប្រជាជនបាត់គោ ក្របី ចូលក្នុងព្រៃខ្មោច គេនឹងទុករហូតដល់គោនោះដើរចេញវិញដោយខ្លួនឯង មិនហ៊ានចូលទៅរកនោះទេ ព្រោះមានសពស្លាប់ច្រើន បើចង់ដើរចូល លុះត្រាតែមានចាស់ទុំនាំផ្លូវដើម្បីកុំឱ្យជាន់ផ្នូរខ្មោចផ្សេងទៀត»។
លោកក៏ឱ្យដឹងបន្ថែមថា «ដើម្បីកុំឱ្យកប់ជាន់កន្លែងដែលមានផ្នូរសព គេតែងយកពាងមកដាក់ជាតំណាង ដើម្បីឱ្យអ្នកក្រោយៗបានដឹងថា កន្លែងនេះមានកប់សពរួចហើយ ដូច្នេះចំពោះកន្លែងណាដែលគ្មានពាងសម្គាល់ និងមានសាក្សី នោះយើងអាចកប់សពបាន ដោយកប់ទៅតាមខ្សែស្រឡាយសាច់ញាតិដែលស្លាប់ជាបន្តបន្ទាប់។ ជាក់ស្តែង រហូតមកដល់សម័យបច្ចុប្បន្ននេះ សម្រាប់អ្នកដែលមានជីវភាពធូរធារ ក៏អាចធ្វើជាសញ្ញាសម្គាល់ ឬចាក់ស៊ីម៉ង់ដាក់ផ្លាកឈ្មោះនានាជាដើម ប៉ុន្តែសម្រាប់អ្នកក្រគឺនៅរក្សាតាមបែបប្រពៃណីសុទ្ធសាធ»។
លោកក៏បានបញ្ជាក់ដែរថា ព្រៃកប់សពរបស់សហគមន៍នៅភូមិពូត្រុំ សង្កាត់រមនា ក្រុងសែនមនោរម្យមានទំហំសរុបប្រមាណ ១៥ ហិតា ដោយមានពីរកន្លែង មួយកន្លែងមានទំហំំ ៤ ហិតា និងមួយកន្លែងទៀតមានទំហំ ១១ ហិតា។
លោកបន្តថា ការចុះបញ្ជីដីកប់សពជាឯកច្ឆន្ទសម្រាប់ជនជាតិដើមពូនងគ្រប់គ្រង បានផ្តល់ប្រយោជន៍ធំៗចំនួន ២ ទី១ ការពារបន្ថែមនៅលើគម្របព្រៃឈើ ទី២ គឺគួបផ្សំនិងជំនឿជនជាតិដើមមានស្រាប់ដែលមិនអនុញ្ញាតឱ្យកាប់ឈើ ឬក៏រំលំឈើនៅក្នុងព្រៃកប់សពដើម្បីធ្វើចម្ការ ឬគេហដ្ឋាន ដូច្នេះតាមរយៈនេះក៏នឹងជួយថែរក្សាបានទាំងព្រៃសម្រាប់ជនជាតិដើមភាគតិច គោរពតាមប្រពៃណីផង និងជួយកាត់បន្ថយការប្រែប្រួលអាកាសធាតុឱ្យកាន់តែមានប្រសិទ្ធភាពបន្ថែមទៀតផងដែរ៕
កម្ពុជា បន្តដេញវៀតណាម៦នាក់ទៀត ដែលលួចស្នាក់នៅធ្វើការងារខុសច្បាប់ គ្មានលិខិតឆ្លងដែន ចេញពីប្រទេស
ថៃ និងអាមេរិក នឹងបើកជើងហោះហើរត្រង់ ឡើងវិញ នៅឆ្នាំក្រោយ
គ្រូក្រសួងមហាផ្ទៃថា ឆ្នាំនេះពិបាកការពារជើងឯកសម្ដេចក្រឡាហោម ស ខេង
Yoo Ah In ប្រញាប់លក់ផ្ទះនៅតំបន់ Itaewon ចំពេលប៉ូលិសស៊ើបអង្កេតគ្រឿងញៀនមិនទាន់ចប់
នាវាមុជទឹករុស្ស៊ី លេចវត្តមាននៅហ្វីលីពីន បង្កក្តីបារម្ភ
ឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
ថ្នាក់ដឹកនាំវត្ត និងមន្ត្រីធម្មការខណ្ឌ ចាត់វិធានការលើព្រះសង្ឃមួយអង្គក្រោយបែកធ្លាយវីដេអូអង្គុយសារសងជាមួយនារីម្នាក់
អាមេរិក បញ្ជាក់ថានឹងមិនប្រគល់អាវុធនុយក្លេអ៊ែរឲ្យទៅអ៊ុយក្រែនវិញទេ
Jonathan អ្នកដឹកនាំសម្ដែងបានកែរប្លង់មួយចំនួន នឹងធ្វើការបកស្រាយ បីចំណុចធំក្នុងMVបទ”សែកមន្ត”
ភ្ញាក់ផ្អើលជាថ្មី! ក្រុមហ៊ូធី បាញ់មីស៊ីលល្បឿនលឿនជាងសំឡេង វាយប្រហារអ៊ីស្រាអែល
-
សន្តិសុខសង្គម៤ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ២ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ជីវិតកម្សាន្ដ២ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ជីវិតកម្សាន្ដ១ សប្តាហ៍ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
បច្ចេកវិទ្យា៦ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា
-
ចរាចរណ៍៥ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ជីវិតកម្សាន្ដ២ ថ្ងៃ agoជាងច្នៃម៉ូដសម្លៀកបំពាក់ បទ «សែកមន្ត» ចេញមុខមកពន្យល់រឿងសម្លៀកបំពាក់ដែល ព្រាប សុវត្ថិ ស្លៀកថតក្នុង «MV»
-
ព័ត៌មានជាតិ៧ ម៉ោង agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន