ព័ត៌មានជាតិ
កម្ពស់ទឹកទន្លេមេគង្គខេត្តក្រចេះខ្វះតែ ០,៦០ ម៉ែត្រទៀត ដល់កម្រិតប្រកាសឲ្យប្រុងប្រយ័ត្ន
កម្ពស់ទឹកទន្លេមេគង្គខេត្តក្រចេះជិតដល់កម្រិតប្រកាសឲ្យប្រុងប្រយ័ត្ន ដោយនៅខ្វះតែ ០,៦០ ម៉ែត្រទៀត។ គិតត្រឹមព្រឹកនៅថ្ងៃទី ២៤ ខែកញ្ញា ឆ្នាំ២០២៤ កម្ពស់ទឹកទន្លេមេគង្គក្នុងខេត្តក្រចេះ មានកម្ពស់ ២១,៤០ ម៉ែត្រ បើប្រៀបធៀបទៅនឹងថ្ងៃទី ២៤ ខែកញ្ញា ឆ្នាំ២០២៣ កម្ពស់ទឹកត្រឹមតែ ១៨,៩១ម៉ែត្រ មានការកើនឡើង ២,៤៩ម៉ែត្រ។
ជាក់ស្ដែង នៅព្រឹកថ្ងៃ២៤ ខែកញ្ញា គណៈកម្មាធិការគ្រប់គ្រងក្រុមហន្តរាយខេត្តក្រចេះបានឲ្យដឹងថា តាមការព្យាករណ៍របស់ក្រសួងជំនាញ បានឃើញថាទឹកទន្លេមេគង្គក្នុងខេត្តក្រចេះ អាចហក់ឡើងដល់កម្ពស់ ២១,៧៣ ក្នុងរយៈពេលប៉ុន្មានថ្ងៃខាងមុខនេះ ដែលស្ថានភាពបែបនេះនឹងបង្កឲ្យមានទឹកជំនន់គ្រប់ពេលវេលាក្នុងមូលដ្ឋានខេត្តក្រចេះ។
គណៈកម្មការគ្រប់គ្រងគ្រោះមន្តរាយខេត្តក្រចេះ បានធ្វើការណែនាំដល់បងប្អូនប្រជាពលរដ្ឋ ដែលកំពុងរស់នៅក្នុងខេត្តក្រចេះ ជាពិសេសគ្រួសារដែលរស់នៅជាប់ដងទន្លេមេគង្គ ព្រែក ជាដើម ត្រៀមស្បៀង និងសម្ភារៈចាំបាច់មានដូចជា៖
១. វេចខ្ចប់អាហារ សម្ភារៈ និងឯកសារសំខាន់ៗទុកជាមុន
២. ប្រមូលនឹងទុកដាក់ភោគផលកសិកម្ម ដែលអាចប្រឈមទៅនឹងទឹកជំនន់ដែលអាចខូចខាតបាត់បង់ធ្ងន់ធ្ងរ
៣. បើគ្មានការចាំបាច់កុំធ្វើដំណើរ ឬ ចេញទៅនេសាទដាច់ខាត
៤. ចងរឹតផ្ទះសំបែងឲ្យបានរឹងមាំ
៥. ណែនាំកូនចៅកុំឱ្យនៅជិតឬលេងតំបន់ងាយរងគ្រោះ
៦. សហការជាមួយអាជ្ញាធរមូលដ្ឋាន ដើម្បីទទួលបានព័ត៌មានអំពីទីតាំងដែលត្រូវជម្លៀសទស្សនៈនៅបណ្ដោះសន្ន ។ ៧. ចែករំលែកព័ត៌មានបន្តទៅដល់អ្នកដទៃ
៨. យកចិត្តទុកដាក់តាមដានប្រព័ន្ធទូរសព្ទ ១២៩៤
ដោយ ប្រុញ វិធិន
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២៣ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ