ព័ត៌មានជាតិ
រយៈពេល ៣ ថ្ងៃ ក្រសួងបរិស្ថានរៀបចំសិក្ខាសាលាតម្រង់ទិស ការសរសេរព័ត៌មានពីការប្រែប្រួលអាកាសធាតុដល់ក្រុមអ្នកសារព័ត៌មាន
ក្រសួងបរិស្ថានបានរៀបចំសិក្ខាសាលារយៈពេល ៣ ថ្ងៃ ដើម្បីតម្រង់ទិសនិងបញ្រ្ជាបការយល់ដឹងស៊ីជ្រៅលើទម្រង់ការសរសេរព័ត៌មានពាក់ព័ន្ធការប្រែប្រួលអាកាសធាតុ។
សិក្ខាសាលារយៈពេល ៣ ថ្ងៃនេះ មានគោលបំណងពង្រឹង និងអភិវឌ្ឍន៍សមត្ថភាពដល់អ្នកជំនាញសារព័ត៌មាន និងវិស័យឯកជន និងផ្តល់វេទិកាពិភាក្សារវាងវិស័យឯកជន និងស្ថាប័នពាក់ព័ន្ធឱ្យមានការយល់ដឹងនិងផ្សព្វផ្សាយពីការប្រែប្រួលអាកាសធាតុ។
លោក ជួប ប៉ារីស៍ រដ្ឋលេខាធិការក្រសួងបរិស្ថានបានថ្លែងនៅក្នុងការបើកសិក្ខាសាលានៅព្រឹកនេះថា កន្លងមកយន្តការផ្សព្វផ្សាយដល់សាធារណជនឲ្យបានជ្រាបស្តីពីការប្រែប្រួលអាកាសធាតុនៅមានកម្រិត។
លោកលើកឡើងវេទិកាពិភាក្សាតុមូលរវាងវិស័យឯកនិងអ្នកសារពត៌មាននៃរដ្ឋាភិបាល ស្តីពីការប្រែប្រួលអាកាសធាតុមានសារសំខាន់ណាស់ ដើម្បីសម្របសម្រួលកិច្ចសន្ទនា កិច្ចពិភាក្សាតុមូលបានប្រមូលធាតុចូលពីវិស័យឯកជន ដើម្បីរៀបចំជាគោលនយោបាយ និងផែនការយុទ្ធសាស្ត្រផ្សេងៗរបស់រាជរដ្ឋាភិបាលកម្ពុជា។
«ខ្ញុំសង្ឃឹមថា សិក្ខាសាលារយៈពេល ៣ ថ្ងៃនេះ អ្នកជំនាញសារព័ត៌មាន និងវិស័យឯកជននឹងទទួលបាននូវចំណេះដឹង និងជំនាញប្រាស្រ័យទាក់ទងប្រកបដោយវិជ្ជាជីវៈប្រកបដោយប្រសិទ្ធភាពនូវការផ្សព្វផ្សាយព័ត៌មាន ដែលពាក់ពន្ធ័ទៅនឹងការប្រែប្រួលអាកាសធាតុ និងរាប់បញ្ចូលបរិយាប័ន្នសង្គម និងសមភាពយេនឌ័រ (GESI) របៀបតែងអត្ថបទ និងរបៀបរាយការណ៍អំពីផលប៉ះពាល់នៃការប្រែប្រួលអាកាសធាតុ ក្នុងទម្រង់ប្រព័ន្ធផ្សព្វផ្សាយពត៌មាន។ ជាពិសេសការផ្សព្វផ្សាយរបាយការណ៍អំពីការប្រែប្រួលអាកាសធាតុ ក្នុងប្រព័ន្ធផ្សព្វផ្សាយពត៌មានសាធារណៈ និងការយល់ដឹងអំពីភាពងាយរងគ្រោះតាមវិស័យអាទិភាពដូចជា កសិកម្ម វិស័យធនធានទឹក និងហេដ្ឋារចនាសម្ព័ន្ធជាដើម។
លោក ខ្វៃ អាទិត្យា អនុរដ្ឋលេខាធិការក្រសួងបរិស្ថាន អតីតជាមន្រ្តីជាន់ខ្ពស់នៅស្ថាប័នសារព័ត៌មានជាតិផងនោះក៏បានធ្វើបទបង្ហាញចែករំលែកពីរបៀបរាយការណ៍និងសរសេរអត្ថបទអំពីប្រែប្រួលអាកាសធាតុក្នុងទម្រង់ប្រព័ន្ធផ្សព្វផ្សាយព័ត៌មាន។
លោកបានលើកឡើងពីរចនាសម្ព័ន្ធនៃការសេរព័ត៌មានស្តីពីការប្រែប្រួលអាកាសធាតុ ត្រូវអនុវត្តតាមទម្រង់ពីរ៉ាមីតបញ្ច្រាសដែលលំហូរព័ត៌មានសំខាន់ៗត្រូវរៀបចំជាលំដាប់លំដោយពីលើចុះក្រោម ជាមួយការរំលេចចំណងជើងខ្លីខ្លឹម រួមទាំងការចេះចាប់មុំព័ត៌មានបានល្អងាយស្រួលអ្នកអានចាប់អារម្មណ៍។
លោកបន្តទៀតថា ការសរសេរព័ត៌មានអំពីការប្រែប្រួលអាកាសធាតុត្រូវមានធាតុផ្សំសំខាន់ៗដូចជា ការចេះស្វែងរកពាក្យគន្លឹះ ការចេះស្រាវជ្រាវស្វែងរកប្រភពដែលអាចទុកចិត្តបាន ការរៀបចំផែនការអត្ថបទចំណុចសំខាន់ៗ ការរៀបចំសេចក្តីព្រាង រួមទាំងការធ្វើការកែតម្រូវចាំបាច់ណាមួយ។
ក្នុងសិក្ខាសាលាអភិវឌ្ឍន៍សមត្ថភាពរបស់អ្នកសារព័ត៌មានពីការប្រែប្រួលអាកាសធាតុ លោក ស្លេះ អាល់ហ្វីន អនុរដ្ឋលេខាធិការក្រសួងព័ត៌មាន បានមើលឃើញពីកង្វះខាតអ្នកសារព័ត៌មានជំនាញបរិស្ថាន។
លោកលើកជាចម្ងល់ថា «បើសិនអ្នកព័ត៌មានខ្វះការយល់ដឹងពីបរិស្ថាន តើអាចសរសេរអត្ថបទទៅពលរដ្ឋ ឬសាធារណៈយល់ដោយរបៀបណាទៅ?»
ការសរសេរព័ត៌មានផ្នែកបរិស្ថាន ទាមទារការស្វែងយល់ពាក្យបច្ចេកវិទ្យា រួមទាំងផ្នែកវិទ្យាសាស្ត្រជាមុនសិន។ នេះបើតាមលោក ស្លេះ អាល់ហ្វីន។ មន្រ្តីក្រសួងព័ត៌មានរូបនេះកត់សម្គាល់ឃើញផ្សព្វផ្សាយច្រើនគឺការរាយការណ៍អំពីព្រឹត្តិការណ៍ច្រើនជាងការផលិតព័ត៌មានឬកម្មវិធីដែលផ្តល់ចំណេះដឹង។
ជាមួយគ្នានេះ លោកក៏សង្កេតឃើញការក្លែងព័ត៌មានអំពីការប្រែប្រួលអាកាសធាតុ ដែលលោកក្រើនរំលឹកអ្នកសារព័ត៌មានត្រូវប្រុងប្រយ័ត្នដើម្បីយោងជាប្រភព។
លោកថា អ្នកសារព័ត៌មានដែលមានវិជ្ជាជីវៈ មិនអាចសរសេរព័ត៌មានដោយមិនផ្ទៀងផ្ទាត់ប្រភពនោះទេ៕
មកកម្សាន្តកោះរ៉ុង ចាយស្នាក់នៅ ហូបចុក ធ្វើដំណើរ មួយយប់យ៉ាងហោចណាស់ម្នាក់ ១៥០ ដុល្លារ
ធ្លាប់ជាប់ងារ «ស្តេចសួគ៌ទាំង៤ប្រចាំទឹកដីហុងកុង» ពេលនេះ Jacky ត្រូវរកលុយទាំងវ័យចាស់ សងបំណុលគេ
ផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
បិទការនេសាទត្រីកាម៉ុង ក្នុងដែនជម្រកសុវត្ថិភាពត្រីកាម៉ុងនៅពាមក្រសោប
កម្ពុជារំពឹងថានឹងទទួលបានលំហូរវិនិយោបន្ថែមជាមួយការកាត់បន្ថយអត្រាការប្រាក់របស់អាមេរិក
ស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
លោក ពូទីន ថា ចង់ផឹកទឹកតែជាមួយអតីតមេដឹកនាំពិភពលោក៣រូប ដែលបាត់បង់ជីវិត
រុស្ស៊ី បាញ់មីស៊ីល Ballistic សន្ធាប់លើទីក្រុង កៀវ, មួយថ្ងៃ ក្រោយ លោក ពូទីន បង្អួតកម្លាំងទ័ព
អាជ្ញាធរសៀមរាប ព្រមានឈ្មោះ សេក ដារ៉ា ត្រូវបញ្ឈប់ជាបន្ទាន់ការព្យាបាលជំងឺគ្រប់ប្រភេទដោយចាក់ម្ជុលវិទ្យាសាស្ត្រ
អ្នកស្លាប់ដោយសារព្យុះស៊ីក្លូន Chido នៅម៉ូសំប៊ិកកើនឡើងដល់៧៣នាក់
-
នយោបាយ៤ ថ្ងៃ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ៤ ថ្ងៃ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ៥ ថ្ងៃ agoទឹកជំនន់នៅថៃឆក់យកជីវិតមនុស្ស៣៥នាក់និងប៉ះពាល់ដល់១១ខេត្ត
-
ចរាចរណ៍២ ម៉ោង agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានអន្ដរជាតិ៤ ថ្ងៃ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៥ ថ្ងៃ agoប្រទេសនៅអាហ្វ្រិក ផ្ទុះជំងឺចម្លែក អ្នកឆ្លងហើយ ញាក់ខ្លួនដូចរាំ
-
ព័ត៌មានអន្ដរជាតិ៣ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៣ ថ្ងៃ agoលោក Zelensky៖ រុស្ស៊ីដុតមុខសាកសពទាហានកូរ៉េខាងជើង ដើម្បីលាក់អត្តសញ្ញាណ (វីដេអូ)