ព័ត៌មានជាតិ
តើការលក់ឥណទានកាបូនពីព្រៃឈើ មានដំណើរការយ៉ាងដូចម្តេច?
មន្រ្តីក្រសួងបរិស្ថានបានពន្យល់ពីដំណើរការលក់ឥណទានកាបូន ខណៈកម្ពុជាបានជោគជ័យលើការលក់ឥណទានកាបូន តាមរយៈការចូលរួមថែរក្សាការពារព្រៃឈើ ដែលបានចូលរួមទប់ស្កាត់ការប្រែប្រួលអាកាសធាតុ។
ឆ្លើយតបសំណួរ «កម្ពុជាថ្មី» ក្នុងដំណើរទស្សនកិច្ចកម្មវិធីពន្លកបៃតងនៅខេត្តមណ្ឌលគិរីកាលពីពេលថ្មីៗនេះ លោក ជួប បារីស៍ រដ្ឋលេខាធិការក្រសួងបរិស្ថានបានគូសបញ្ជាក់ថា ការលក់ឥណទានកាបូនមានភាពស្មុគស្មាញ មិនងាយស្រួលដូចការគិតនោះទេ។ ដើម្បីអាចលក់កាបូនបាន មន្រ្តីជំនាញរូបនេះបានពន្យល់ថា ទាមទារឱ្យមានការចូលរួមពីផ្នែកពាក់ព័ន្ធចំនួន ៣ ត្រូវធ្វើការរួមគ្នា។
«បើនិយាយឱ្យខ្លី ការលក់កាបូនអាចធ្វើទៅបាន គឺត្រូវទាមទារឱ្យមានផ្នែកចូលរួមពាក់ព័ន្ធសំខាន់ៗចំនួន ៣ ៖ ទី១ គឺអាជ្ញាធររដ្ឋ ដែលមានក្រសួងបរិស្ថាន ក្នុងនាមរាជរដ្ឋាភិបាលជាម្ចាស់។ ទី២ អ្នកធ្វើគម្រោង ដូចជានៅកែវសីមា មានអង្គការ WCS ដែលជាអ្នកជួយលើកគម្រោងនេះឡើងមក និងទី៣ អ្នកពិនិត្យ និងវាយតម្លៃ ផ្ទៀងផ្ទាត់ និងផ្តល់សុពលភាព ថាតើកាបូនដែលកម្ពុជាអាចលក់បាន ត្រូវតាមតម្រូវការស្តង់ដាររបស់អន្តរជាតិឬនៅ? ដូច្នេះហើយធាតុផ្សំទាំង ៣ នេះ ទើបអាចឱ្យកម្ពុជាអាចឈានទៅដល់ការលក់ឥណទានកាបូនបាន»។ លោក ជួប បារីស៍ ពន្យល់បែបនេះ។
រដ្ឋលេខាធិការរូបនេះ ក៏បានលើកឧទាហរណ៍ជាក់ស្តែងការលក់ឥណទានកាបូនគម្រោងរេដបូកកែវសីមាក្នុងខេត្តមណ្ឌលគិរី ដែលកម្ពុជាជាម្ចាស់ ហើយអង្គការ WCS ជាអ្នកអនុវត្តនៅខាងក្រោម និងអ្នកដែលផ្តល់តម្លៃឱ្យកាបូនគឺក្រុមហ៊ុនវីរ៉ា។ ប្រសិនបើក្រុមហ៊ុន វីរ៉ា គណនាមើលឃើញថាកាបូនមិនស្របតាមស្តង់ដារ និងត្រូវតាមលក្ខណៈអន្តរជាតិទេ ក៏កម្ពុជាមិនអាចលក់កាបូននោះចេញបានដែរ។
មន្រ្តីជំនាញបរិស្ថានរូបនេះក៏បានពន្យល់បន្ថែមកុំឲ្យយល់ច្រឡំលើដំណើរការលក់ឥណទានកាបូន មិនមែនបានន័យថាកម្ពុជាលក់ព្រៃឈើនោះទេ គឺកម្ពុជាលក់មុខងារស្រូបឧស្ម័នកាបូនិច បានន័យថាលក់ឧស្ម័នកាបូនិចដែលព្រៃឈើបានស្រូបចូល ដូច្នេះប្រសិនបើស្រូបបានច្រើន កម្ពុជាក៏អាចលក់កាបូនបានកាន់ច្រើន ហេតុដូចនេះហើយយើងត្រូវតែថែរក្សាការពារព្រៃឈើឱ្យខានតែបាន។
ព្រៃឈើមានតួនាទីជាអ្នកស្រូបយកនូវឧស្ម័នកាបូនិច ហើយបញ្ចេញអុកស៊ីហ្សែន។ ការថែរក្សាទុកព្រៃឈើកាន់តែច្រើន កម្ពុជាត្រូវទទួលបានផលប្រយោជន៍ចំនួន ២ ទី១ ព្រៃឈើ ជាអ្នកផ្ទុកកាបូនដោយដើមឈើមួយដើមស្ងួតមានផ្ទុកកាបូន ៥០% ហើយប្រសិនបើ ១០០ គីឡូឈើស្ងួត មានកាបូន ៥០ គីឡូ និងទី២ ព្រៃឈើបានស្រូបឧស្ម័នកាបូនិចពីបរិយាកាស។
ពាក់ព័ន្ធដំណើរការលក់ឥណទានកាបូន ក្នុងសិក្ខាសាលាអភិវឌ្ឍន៍សមត្ថភាពរបស់អ្នកសារព័ត៌មានពីការប្រែប្រួលអាកាសធាតុ លោក ខ្វៃ អាទិត្យា អនុរដ្ឋលេខាធិការក្រសួងបរិស្ថានក៏បានពន្យល់ពីដំណើរការលក់ឥណទានកាបូនគឺការលក់មុខងារនៃគម្របព្រៃឈើ ដែលព្រៃឈើមានមុខងារស្រូបយកឧស្ម័នកាបូនិក ជួយបន្សុទ្ធខ្យល់នៅក្នុងបរិយាកាស។
បើតាមលោក ខ្វៃ អាទិត្យា ប្រទេសឧស្សាហកម្មជាអ្នកបំភាយឧស្ម័នកាបូនិកចូលបរិយាកាស ដែលនាំឲ្យកើនកម្តៅផែនដី។ ដូច្នេះព្រៃឈើមានតួនាទីសំខាន់ ស្រូបកាបូន បន្សុទ្ធទឹក រក្សាទឹកក្រោមដីជាដើម។
ប្រទេសកម្ពុជាបានអនុវត្តដោយជោគជ័យ ការលក់ឥណទានកាបូននៅតំបន់ការពារធម្មជាតិចំនួនពីរ គឺនៅដែនជម្រកសត្វព្រៃកែវសីមា និងឧទ្យានជាតិភ្នំក្រវាញ។ ការធ្វើពាណិជ្ជកម្មកាបូន ក្រៅពីចូលរួមគ្រប់គ្រងព្រៃឈើនៅតាមតំបន់ការពារ ក៏បានចូលរួមអភិវឌ្ឍជីវភាពរបស់ពលរដ្ឋក្នុងសហគមន៍ ដោយបង្កើតមុខរបរផ្សេងៗក្រៅពីចូលព្រៃកាប់ឈើ។
លោក ខ្វៃ អាទិត្យា បានឲ្យដឹងថា នៅក្នុងឆ្នាំ ២០២៣ ប្រទេសកម្ពុជានឹងចាប់ផ្តើមបន្តដំណើរការលក់ឥណទានកាបូនដោយស្ម័គ្រចិត្តឡើងវិញ ក្រោមការត្រួតពិនិត្យ វាយតម្លៃ ផ្ទៀងផ្ទាត់ (Verified) ពីអង្គការ វីរ៉ា ដែលថវិកាទទួលបានពីគម្រោងនេះ នឹងអាចយកទៅអភិវឌ្ឍដល់សហគមន៍ដែលចូលរួមថែរក្សាការពារធនធានព្រៃឈើ៕
កម្ពុជា ចាញ់ សិង្ហបុរី ធ្វើឲ្យក្តីសង្ឃឹមតិចឡើងវគ្គ៤ក្រុមចុងក្រោយ
អ្នកជំនាញ ស្នើឱ្យអ្នកវិភាគឈរលើវិទ្យាសាស្ត្រជាជាងវិភាគបែបស៊ីអារម្មណ៍ គ្មានមូលដ្ឋានច្បាស់លាស់
ក្រុមហ៊ុន វឌ្ឍនៈ ប្រ៊ូវើរី ចូលរួមរៀបចំការប្រគំតន្ត្រីដ៏ធំអស្ចារ្យ និងប្រដាល់គុនខ្មែរ ដើម្បីអបអរសាទរបុណ្យសមុទ្រ លើកទី១១ រយៈពេល៣ថ្ងៃ
អ្នកនាំពាក្យ ប្រាប់សង្គមស៊ីវិលកុំបារម្ភ ព្រោះសំណុំរឿងឃាតកម្មអ្នកកាសែតនៅខេត្តសៀមរាប ចូលដល់ដៃតុលាការហើយ
វិស័យកសិ-ឧស្សាហកម្ម មានសក្ដានុពលវិនិយោគនៅកម្ពុជា
គ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
អ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
ជនរងគ្រោះក្នុងករណីបាក់ច្រាំងទន្លេសង្កត់ទូកនៅស្រុកខ្សាច់កណ្ដាល នៅមិនទាន់រកឃើញនៅឡើយ
បាក់ច្រាំងទន្លេសង្កត់ទូកដឹកខ្សាច់ បណ្តាលឱ្យបាត់មនុស្សម្នាក់
សមត្ថកិច្ចចម្រុះឆ្មក់ចូលការិយាល័យ លោក Yoon ដែលមិននៅកន្លែង ខណៈសភាអាចបោះឆ្នោតទម្លាក់នៅថ្ងៃនេះ
-
វប្បធម៌ ជំនឿ៦ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៦ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
ព័ត៌មានជាតិ៦ ថ្ងៃ ago«ភូមិទៀមលើ» មានប្រវត្តិជូរចត់ កើតចេញពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ជីវិតកម្សាន្ដ៣ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
ព័ត៌មានអន្ដរជាតិ៤ ម៉ោង agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
សន្តិសុខសង្គម៣ ថ្ងៃ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ចរាចរណ៍២ ថ្ងៃ agoមួយថ្ងៃទី៩ធ្នូនេះ មានអ្នកស្លាប់ដោយសារគ្រោះថ្នាក់ចរាចរណ៍៤នាក់ និងរបួស៧នាក់
-
ជីវិតកម្សាន្ដ២ ថ្ងៃ agoប្រធានសមាគមសិល្បករខ្មែរ ឧបត្ថម្ភ ៣លានរៀល ដល់គ្រួសារសពលោក លីចិន ខ្វះខាតខ្លាំងគ្មានលុយធ្វើបុណ្យ