ព័ត៌មានជាតិ
ផ្សោតបម្លាស់ទីពីអន្លង់ទឹកជ្រៅ ទៅតាមទីវាល មន្ត្រីអំពាវនាវឱ្យប្រជានេសាទ សង្គ្រោះផ្សោតឱ្យទាន់ពេលវេលា
លោក ផៃ សុមានី អនុប្រធាននាយកដ្ឋានអភិរក្សជលផលនៃរដ្ឋបាលជលផល បានអំពាវនាវដល់ប្រជានេសាទទាំអស់តាមដាន ការពារ និងសង្គ្រោះសត្វផ្សោតទន្លេមេគង្គរបស់កម្ពុជា ឱ្យបានទាន់ពេលវេលា នៅអំឡុងរដូវវស្សា។

មន្រ្តីជំនាញអភិរក្សជលផលរូបនេះ មានប្រសាសន៍បន្ថែមថា នៅអំឡុងរដូវទឹកទន្លេជន់ឡើង គឺជាពេលដែលសត្វផ្សោតចេញពីទីជម្រកសុវត្ថិភាពរបស់វា ដែលជាអន្លង់ទឹកជ្រៅៗ ទៅតាមខ្សែទឹកដើម្បីរកចំណីនៅតាមទីវាល ដែលនាំឱ្យសត្វផ្សោតអាចប្រឈមហានិភ័យដោយការជាប់មង ឬឧបករណ៍នេសាទរជាយថាហេតុ នៅតាមដងព្រែក និងដៃទន្លេ ដែលទាមទារឱ្យគ្រប់គ្នា ជាពិសេសបងប្អូនប្រជានេសាទ យកចិត្តទុកដាក់តាមដាន និងប្រុងប្រយ័ត្ន។
លោក ផៃ សុមានី ថ្លែងថា៖ «យើងធ្វើការជាមួយខណ្ឌរដ្ឋបាលជលផលតាមដងទន្លេមេគង្គទាំងអស់ ដោយសូមឱ្យគាត់សហការជាមួយប្រជានេសាទតាមមូលដ្ឋាន អប់រំផ្សព្វផ្សាយឱ្យដឹងថា សត្វផ្សោតបានបម្លាស់ទីទៅចចរន្តទឹកខាងក្រោម ហើយណែនាំឱ្យគាត់ដឹងពីវិធីសាស្ត្រក្នុងការជួយសង្គ្រោះសត្វផ្សោត ប្រសិនបើផ្សោតជាប់មង»។

លោក ផៃ សុមានីបន្ថែមថា៖ «ផ្សោតរស់ក្នុងទឹកមិនបានយូរទេ ប្រមាណ ១២-១៥ នាទី នៅពេលឃើញផ្សោតជាប់មង វិធីដ៏ល្អ គឺត្រូវកាត់មង ហើយដោះសត្វផ្សោតចេញពីមងរបស់គាត់»៕

-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?