ភ្ញៀវទេសចរជាង ៣ ម៉ឺននាក់ទស្សនារមណីយដ្ឋាននានា ក្នុងខេត្តត្បូងឃ្មុំនាឱកាសបុណ្យភ្ជុំបិណ្ឌ

បុណ្យភ្ជុំបិណ្ឌឆ្នាំ ២០២៤នេះ ខេត្តត្បូងឃ្មុំទទួលបានភ្ញៀវទេសចរណ៍ប្រម៉ាណជា ៣ ម៉ឺននាក់ (៣២ ៣៥៨) នៅតាមវត្តអារាម និងតំបន់រមណីយដ្ឋាននានា នៅក្នុងទូទាំងខេត្តត្បូងឃ្មុំ។

លោក អឿន រិទ្ធ ប្រធានន្ទីរទេសចរណ៍ខេត្តត្បូងឃ្មុំ បានឲ្យដឹងនៅថ្ងៃទី ២ ខែតុលា ឆ្នាំ ២០២៤ ថា ខេត្តត្បូងឃ្មុំមានភ្ញៀវទេសចរប្រមាណជា ៣២.៣៥៨ នាក់ ក្នុងនោះស្រី ១៦.៦៦៥ នាក់។

រមណីយដ្ឋាននៅក្នុងខេត្តត្បូងឃ្មុំមានចំនួន៨កន្លែង រួមមាន រមណីយដ្ឋានហ្លួងព្រះស្តេចកន រមណីយដ្ឋានទឹកធ្លាក់ហោង រមណីយដ្ឋាន ព្រះធាតុបាស្រី រមណីយដ្ឋានបុរីរដ្ឋបាលសាលាខេត្ត រម្យណីយដ្ឋានភូមិនេសាទ (មាត់ឃ្មង់) រមណីយដ្ឋានភូមិអភិវឌ្ឍន៍អន្លង់ជ្រៃ រមណីយដ្ឋាន តាសែដូងក្រអូប រមណីយដ្ឋាន សួនកម្សាន្តធម្មជាតិទឹកហូអូរក្តូង។

លោក អឿន រិទ្ធ បន្ថែមថា ការផ្សព្វផ្សាយពង្រឹងគុណភាពផលិតផលទេស​ចរណ៍ក្នុងឱកាសពិធីបុណ្យភ្ជុំបិណ្ឌប្រពៃណីជាតិ និងបានណែនាំឲ្យម្ចាស់អាជីវកម្មរក្សាតម្លៃផលិតផល និងសេវាឲ្យបាន​សមរម្យ ហើយសរសេរតម្លៃឲ្យបានច្បាស់លាស់ក្នុងបញ្ជីមុខម្ហូប សម្រាប់ជូនភ្ញៀវដឹងមុន៕

អត្ថបទ៖ សាន វិឡែម