ពលរដ្ឋនៅខេត្តក្រចេះ ថ្លែងអំណរគុណដល់រាជរដ្ឋាភិបាល ដែលបានផ្ដល់មធ្យោបាយធ្វើដំណើរអំឡុងពិធីបុណ្យភ្ជុំបិណ្ឌ

ប្រជាពលរដ្ឋរស់នៅខេត្តក្រចេះ ដែលធ្វើដំណើរតាមរថយន្ដក្រុងដោយមិនគឹតថ្លៃក្រោមការយកចិត្តទុកដាក់របស់រាជរដ្ឋាភិបាល បានថ្លែងអំណរគុណដល់សម្ដេចធិបបតី ហ៊ុន ម៉ាណែត នាយករដ្ឋមន្ត្ត្រីនៃកម្ពុជាដែលបានផ្ដល់មធ្យោបាយធ្វើដំណើរក្នុងឱកាសពិធីបុណ្យភ្ជុំបិណ្ឌ។

គិតត្រឹមវេលាម៉ោង ៨និង០០នាទី ព្រឹកថ្ងៃទី០៤ ខែតុលានេះ គេសង្កេតឃើញថា រថយន្តក្រុងចំនួន១០គ្រឿង បានចេញដំណើរអស់ទាំងស្រុងពីទីរួមខេត្តក្រចេះ។

លោក សួន រដ្ឋា អ្នកគ្រប់គ្រងរថយន្តក្រុងដឹកអ្នកដំណើរមកពីភ្នំពេញ បានឲ្យដឹងថា ខេត្តក្រចេះឆ្នាំនេះ អ្នកធ្វើដំណើរតាមរថយន្តក្រុងដែលរាជរដ្ឋភិបាលរៀបចំមានការកើនឡើង រីឯរថយន្តដឹកអ្នកដំណើរក៏មានការកើនឡើងដូចគ្នា រហូតដល់ ២៣គ្រឿង ប្រៀធៀបនឹងឆ្នាំមុនមានត្រឹមតែ ១៥គ្រឿងប៉ុណ្ណោះ។ លោកបានបញ្ជាក់ថា កាលពីថ្ងៃទី០៣ ខែតុលា ម្សិលម៉ិញ រថយន្តក្រុងចំនួន ១៣គ្រឿង ក៏បានដឹកពលរដ្ឋត្រឡប់ទៅរាជធានីភ្នំពេញវិញផងដែរ ដើម្បីបន្តបម្រើការងារ៕

អត្ថបទ៖ ប្រុញ វិធិន