ព័ត៌មានជាតិ

ជនជាតិភាគតិចនៅភូមិពូតាំងខេត្តមណ្ឌលគិរី មានប្រពៃណីចិញ្ចឹមជ្រូកកណ្តុរតាមគ្រួសារ ខណៈតម្លៃកើនឡើងខ្ពស់

បានផុស

៦ ខែ មុន

នៅ

ថ្ងៃសុក្រ ៤ តុលា ២០២៤

ដោយ

ជ្រូកកណ្តុរត្រូវបានពលរដ្ឋជនជាតិភាគតិចពូនងក្នុងខេត្តមណ្ឌលគិរីចិញ្ចឹមជាលក្ខណៈគ្រួសារ។ ក្នុងភូមិពូតាំង សង្កាត់រមនា ក្រុងសែនមនោរម្យ ខេត្តមណ្ឌលគិរី ការចិញ្ចឹមជ្រូកកណ្ដុរស្ទើរតែមានគ្រប់ខ្នងផ្ទះ ខណៈសហគមន៍បានអះអាងតម្លៃជ្រូកកណ្តុរកាន់តែមានហាងឆេងខ្ពស់ ដោយសារកំណើនអ្នកទេសចរមកលេងខេត្តមណ្ឌលគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក មុន្នី ប៊ុនសែន អនុប្រធានគណៈកម្មការសហគមន៍ជនជាតិភាគតិចពូនងនៅភូមិពូតាំង សង្កាត់រមនា ក្រុងសែនមនោរម្យ បានប្រាប់ថា ជ្រូកកណ្តុរត្រូវបានពលរដ្ឋជនជាតិដើមភាគតិចចិញ្ចឹមជាលក្ខណៈគ្រួសារតាមតិចតាមច្រើន ស្ទើរតែគ្រប់ខ្នងផ្ទះ។

ជ្រូកកណ្តុរដែលចិញ្ចឹមតាមបែបធម្មជាតិទទួលការពេញនិយមជាមួយរសជាតិឆ្ងាញ់ ស្របពេលតម្រូវការកើនឡើងធ្វើឲ្យតម្លៃក៏លក់បានថ្លៃជាងមុន។

លោក មុន្នី ប៊ុនសែន បានលើកឡើងភាពខុសគ្នាជ្រូកកណ្តុរគឺរូបរាងតូច មានរោមច្រើន ខ្លាញ់តិច។ តម្លៃអាចលក់បានមួយគីឡូ ១២ ០០០ រៀល ខណៈជ្រូកក្នុងស្រុកមួយចំនួនអាចលក់បានត្រឹម ៨ ០០០ រៀល ទៅ ៩ ០០០ រៀលក្នុងមួយគីឡូក្រាម៕