ទេសចរជាង ២០ ម៉ឺននាក់ ទៅ​កម្សាន្ត​ខេត្តបាត់ដំបង ឱកាសបុណ្យភ្ជុំបិណ្ឌ ៣​ ថ្ងៃ

គោលដៅទេសចរណ៍ ក្នុងខេត្តបាត់ដំបងទាំង ១១៥ ទីតាំង ទទួល​បាន​ទេសចរទៅ​កម្សាន្ត​យ៉ាងច្រើន​កុះករ​ក្នុង​រយៈពេល ៣ ថ្ងៃ​នៃ​ឱកាស​បុណ្យ​ភ្ជុំបិណ្ឌ។

ភ្ញៀវទេសចរនិងប្រជាពលរដ្ឋពីទីឆ្ងាយ​ជិត​បានមកកម្សាន្ត​គោលដៅរមនីយដ្ឋានសំខាន់ៗ​ក្នុង​ខេត្ត​បាត់ដំបង​ ដែលកើនឡើង​១.៥៩% បើធៀបរយះពេលដូចគ្នាក្នុងឆ្នាំ ២០២៣។

បើតាមមន្ទីរទេសចរណ៍ខេត្តបាត់ដំបង ស្ថិតិទេសចរមកដើរលេងកម្សាន្ត​ក្នុងឱកាសពិធីបុណ្យភ្ជុំបិណ្ឌប្រពៃណី ជាតិខ្មែរ រយៈពេល ៣ ថ្ងៃចាប់ពីថ្ងៃទី០១ ដល់ថ្ងៃទី០៣ ខែតុលា ឆ្នាំ២០២៤ ក្នុងខេត្តបាត់ដំបង​មាន​ជាង ២០ម៉ឺននាក់ កើនឡើងជិត ២ ភាគរយ បើប្រៀបធៀបរយះពេលដូចគ្នាក្នុងឆ្នាំ២០២៣។

របាយការណ៍បញ្ជាក់ថា ក្នុងចំណោមភ្ញៀវខាងលើ ក្នុងនោះភ្ញៀវជាតិ​ចំនួន ២១៥ ៥៥៩ នាក់ កើនឡើង ១.៥២​% ប្រៀប​ធៀបរយៈពេលដូចគ្នាឆ្នាំ ២០២៣ មានចំនួន ២១២ ៣២៩ នាក់។ ភ្ញៀវអន្តរជាតិចំនួន ៦២០ នាក់ កើនឡើង ៣៥.៦៧% ប្រៀបធៀបរយៈពេលដូចគ្នាឆ្នាំ២០២៣ មានចំនួន ៤៥៧ នាក់៕

អត្ថបទ៖ សៅ សារិទ្ធ