ភ្លៀងមួយមេធំយប់មិញ បង្កឱ្យលិចផ្ទះសម្បែងប្រជាពលរដ្ឋនៅសង្កាត់ព្រែកប្រា ខណ្ឌច្បារអំពៅ

ភ្លៀងធ្លាក់មួយមេធំផ្ទួនៗគ្នាកាលពីពាក់កណ្តាលអាធ្រាតឈានចូលថ្ងៃទី៥ ខែតុលា បង្កឱ្យលិចលង់ផ្ទះសម្បែងប្រជាពលរដ្ឋ នៅសង្កាត់ព្រែកប្រា ខណ្ឌច្បារអំពៅ ពិសេសតំបន់ផ្សារបឹងព្រលឹត។

ប្រភពពីប្រជាពលរដ្ឋ បានឱ្យដឹងថា នៅពាក់កណ្តាលអាធ្រាតថ្ងៃទី៥ ខែតុលា មានភ្លៀងធ្លាក់យ៉ាងខ្លាំងបង្កឱ្យលិចលង់ផ្ទះសម្បែងប្រជាពលរដ្ឋនៅតំបន់ផ្សារបឹងព្រលឹត សង្កាត់ព្រែកប្រា ខណ្ឌច្បារអំពៅ ហើយភ្លឺស្រាងៗឡើងស្រាប់តែទឹកលិចក្នុងភូមិតែម្តង។ ប្រជាពលរដ្ឋ បាននិយាយថា ក្នុងអំឡុងពេលមួយខែមុន ទោះភ្លៀងធ្លាក់ខ្លាំងយ៉ាងណាក៏មិនអាចលិចលង់ដូចថ្ងៃនេះដែរដោយសារអាជ្ញាធរបានស្តាប្រឡាយព្រែកប្រាបង្ហូចូលទៅក្នុងទន្លេ ប៉ុន្តែទឹកទន្លេហក់ឡើងខ្ពស់ជាងព្រែក ដូច្នេះមិនអាចបង្ហូទៅបានទើបលិចលង់បែបនេះ។

បើតាមប្រសាសន៍ លោក ចេង មុនីរ៉ា អភិបាលខណ្ឌច្បារអំពៅ បានបញ្ជាក់ថា លោកបានដឹកនាំកម្លាំងជំនាញចុះសិក្សាពីបញ្ហាបញ្ជៀសទឹកកុំឱ្យលិចលង់ផ្ទះសម្បែងប្រជាពលរដ្ឋ ហើយចៃដន្យភ្លៀងមួយមេធំកាលពីយប់មិញនេះ គឺមិនថាឡើយតែតំបន់ព្រែកប្រា មានតំបន់ជាច្រើនក្នុងភូមិសាស្ត្រខណ្ឌច្បារអំពៅ ក៏រងការលិចលង់ដែរ។ លោកអភិបាលខណ្ឌច្បារអំពៅបានឱ្យមន្ត្រីប្រចាំការនៅស្ថានីយ៍បូមទឹកព្រែកបារាំងត្រូវរួសរាន់បូមដើម្បីកុំឱ្យទឹកលិចលង់យូនាំឱ្យប៉ះពាល់ដល់សុខភាពប្រជាពលរដ្ឋ។ ចំណែក តាមបណ្តាភូមិត្រូវចុះស្តាសំរាមចេញពីមុខលូដើម្បីឲ្យទឹកហូចូលលូងាយឆាប់ស្រកទៅវិញ៕

ដោយ៖នរា